Author: Sarasinee Subudhi

‘ଅପରେସନ ସିନ୍ଦୁର’ ସମୟରେ ତୁର୍କୀ ପାକିସ୍ତାନକୁ ପୂର୍ଣ୍ଣ ସମର୍ଥନ ଦେଇଥିଲା। ଏପରିକି ସାମରିକ କାର୍ଯ୍ୟାନୁଷ୍ଠାନରେ ଅସ୍ତ୍ରଶସ୍ତ୍ର ସାହାଯ୍ୟ ମଧ୍ୟ ଯୋଗାଇ ଦେଇଥିଲା। ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ପ୍ରଥମ ବିଦେଶ ଗସ୍ତ ମାଧ୍ୟମରେ ଆତଙ୍କବାଦୀଙ୍କ ଗଡ଼ ବୋଲି ପରିଚିତ ପାକିସ୍ତାନ ତଥା ତା’ର ମିତ୍ର ତୁର୍କୀକୁ ସ୍ପଷ୍ଟ ବାର୍ତ୍ତା ଦେଇଛନ୍ତି। ପ୍ରଧାନମନ୍ତ୍ରୀ ମୋଦୀ ୧୫ ଜୁନରେ ସାଇପ୍ରସ ଗସ୍ତ କରିଥିଲେ, ଯେଉଁଠାରେ ତାଙ୍କୁ ଅତ୍ୟନ୍ତ ଉଷ୍ମତାର ସହ ସ୍ୱାଗତ କରାଯାଇଥିଲା। ସାଇପ୍ରସର ରାଷ୍ଟ୍ରପତି ନିକୋସ କ୍ରିଷ୍ଟୋଡୌଲିଡେସ ସମସ୍ତ ପ୍ରୋଟୋକଲକୁ ଅଣଦେଖା କରି ନିଜେ ବିମାନବନ୍ଦରରେ ପ୍ରଧାନମନ୍ତ୍ରୀ ମୋଦୀଙ୍କୁ ସ୍ୱାଗତ କରିବାକୁ ପହଞ୍ଚିଥିଲେ। ସାଇପ୍ରସ ଗସ୍ତରୁ ତୁର୍କୀ-ପାକିସ୍ତାନକୁ ବାର୍ତ୍ତା ଏତିକି ନୁହେଁ, ପ୍ରଧାନମନ୍ତ୍ରୀ ମୋଦୀଙ୍କୁ ସାଇପ୍ରସର ସର୍ବୋଚ୍ଚ ନାଗରିକ ସମ୍ମାନ ‘ଗ୍ରାଣ୍ଡ କ୍ରସ ଅଫ ଦି ଅର୍ଡର ଅଫ ମାକାରିଓସ ତୃତୀୟ’ ଦ୍ୱାରା ସମ୍ମାନିତ କରାଯାଇଥିଲା। ଏହି ଅବସରରେ ପ୍ରଧାନମନ୍ତ୍ରୀ ମୋଦୀ ସାଇପ୍ରସକୁ ୟୁରୋପର ପ୍ରବେଶ ଦ୍ୱାର ବୋଲି ଅଭିହିତ କରି…