Author: TRUPTIMAYEE SAHOO

ଯୋଜନା କରୁଛି ବନ ବିଭାଗ ପୁଣି ଖୁଆଡ଼ରୁ ବାହାରିବ ଜୀନତ। ମନ ଭରି ବୁଲିବ ଜଙ୍ଗଲ। ଜାନୁଆରି ପହିଲାରେ ପଶ୍ଚିମବଙ୍ଗରୁ ଫେରିବା ପରେ ଦକ୍ଷିଣ ଶିମିଳିପାଳ ଏନକ୍ଲୋଜରରେ ବାଘୁଣୀ ଜୀନତକୁ ୧୨ ଦିନ ପୂରିଥିବା ବେଳେ ବନ୍ୟପ୍ରାଣୀ ଅଧିକାରୀମାନେ କହିଛନ୍ତି ଯେ ବାଘୁଣୀ ଜୀନତକୁ ଜଙ୍ଗଲରେ ପୁନଃ ଛାଡ଼ିବାର ତାରିଖ ଚୂଡ଼ାନ୍ତ କରିବା ପାଇଁ ଖୁବ୍ ଶୀଘ୍ର ଷ୍ଟିୟରିଂ କମିଟିର ସଦସ୍ୟମାନେ ବ୍ୟାଘ୍ର ଅଭୟାରଣ୍ୟ ପରିଦର୍ଶନ କରିବେ। ଏନକ୍ଲୋଜରରେ ଛାଡ଼ିବା ପରେ ଜୀନତର ଆଚରଣ ଜଙ୍ଗଲରେ ଥିବା ଅନ୍ୟ ବାଘଙ୍କ ଭଳି ସ୍ୱାଭାବିକ ରହିଛି। ଶିମିଳିପାଳ ଦକ୍ଷିଣ ଡିଭିଜନର ଏକ ଟିମ୍ ଏହା ଉପରେ ନିରନ୍ତର ନଜର ରଖିଛନ୍ତି। ଶିମିଳିପାଳ ବ୍ୟାଘ୍ର ସଂରକ୍ଷଣ (ଏସଟିଆର)ର ଜଣେ ଅଧିକାରୀ କହିଛନ୍ତି, ଏନକ୍ଲୋଜରରୁ ଜୀନତକୁ ମୁକ୍ତ କରିବା ପାଇଁ ଷ୍ଟିୟରିଂ କମିଟିର ନିଷ୍ପତ୍ତିକୁ ଆମେ ଅପେକ୍ଷା କରିଛୁ। ବନ୍ୟପ୍ରାଣୀ ମୁଖ୍ୟାଳୟ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ୩ ବର୍ଷର ବାଘୁଣୀ ଜୀନତକୁ ନୂଆ ଏନକ୍ଲୋଜରରେ…