Author: TRUPTIMAYEE SAHOO

ରାଜ୍ୟ ସରକାରଙ୍କ ପଦସ୍ଥ ପ୍ରଶାସନିକ ଅଧିକାରୀମାନଙ୍କ ବ୍ୟାପକ ବଦଳି ସଂକ୍ରାନ୍ତୀୟ ବିଜ୍ଞପ୍ତିକୁ ଯେତେବେଳେ ମନଦେଇ ଅନୁଧ୍ୟାନ କରାଯାଏ, ସେତେବେଳେ ଏହା କେବଳ ଏକ ରୁଟିନ୍ ନୋଟିଫିକେଶନ୍‌ ଭାବରେ ଦେଖାଯାଏନାହିଁ; ଏହା ଏକ ଦୀର୍ଘ ପ୍ରବନ୍ଧର ଭ୍ରମ ସୃଷ୍ଟି କରେ । ଲାଗେ—ଏହି ପ୍ରଶାସନିକ ପରିଚାଳନାରେ କୌଣସି ଗଭୀର ଧାରା ବହୁଛି ।  ସେହି ଧାରାର ନାମ—“ଅତିରିକ୍ତ ଦାୟିତ୍ୱ” ବ୍ୟାଧି । ବିଜ୍ଞପ୍ତିରେ ଦେଖାଯାଉଛି—ଅଧିକାଂଶ ଅଧିକାରୀଙ୍କୁ ମୂଳ ପଦବୀ ସହ ଅନେକ ଅତିରିକ୍ତ ଦାୟିତ୍ୱ ଦିଆଯାଇଛି । କେଉଁଠି ଜଣେ ଅଧିକାରୀ ଦୁଇଟି ରାଜସ୍ୱ ଡିଭିଜନର ଭାର ନେଉଛନ୍ତି, କେଉଁଠି ଜଣେ ଗୁରୁତ୍ୱପୂର୍ଣ୍ଣ ବିକାଶ ପରିଷଦର ଅଧିକାର ମଧ୍ୟ ଦୂରରୁ ପରିଚାଳନା କରୁଛନ୍ତି। ପ୍ରଶ୍ନ ଉଠୁଛି—ଏହା କେବଳ ଅସ୍ଥାୟୀ ବ୍ୟବସ୍ଥା କି? ନା କି ପ୍ରଶାସନିକ ଅବ୍ୟବସ୍ଥାର ଏକ ଲକ୍ଷଣ? ପ୍ରଶାସନର ମୂଳ ଦର୍ଶନ: କେନ୍ଦ୍ରୀକରଣ ବନାମ ବିକେନ୍ଦ୍ରୀକରଣ ପ୍ରଶାସନିକ ବ୍ୟବସ୍ଥାର ମୂଳ ଧାରଣା ହେଉଛି—ଦାୟିତ୍ୱର ସ୍ପଷ୍ଟ ବଣ୍ଟନ ।…