ନିର୍ବାଚନ କମିଶନ ଙ୍କ ଦ୍ୱାରା ଉତ୍ତର ପ୍ରଦେଶ-କ୍ୟାଡର ଆଇ.ପି.ଏସ୍. ଅଧିକାରୀ ଅଜୟ ପାଲ ଶର୍ମାଙ୍କୁ ଦକ୍ଷିଣ ୨୪ ଜିଲ୍ଲା ପାଇଁ ନୂତନ ପୋଲିସ ପର୍ଯ୍ୟବେକ୍ଷକ ଭାବରେ ହୋଇଛନ୍ତି ନିଯୁକ୍ତ । ଏହି ଅଧିକାରୀ ଜଣେ “ଏନକାଉଣ୍ଟର ବିଶେଷଜ୍ଞ” ଭାବରେ ମଧ୍ୟ ଜଣାଶୁଣା । ବର୍ତ୍ତମାନ ତାଙ୍କୁ ନେଇ ଚମକାଇ ଦେଲା ଭଳି ଭିଡିଓଗୁଡ଼ିକ ଗୋଟିଏ ପରେ ଗୋଟିଏ ସାମ୍ନାକୁ ଆସିଛି । ଏପରି ଏକ ଭିଡିଓରେ, ସେ ତୃଣମୂଳ କଂଗ୍ରେସ (ଟିଏମସି) ପ୍ରାର୍ଥୀ ଜାହାଙ୍ଗୀରଙ୍କ ବାସଭବନକୁ ଯାଉଥିବାର ଦେଖାଯାଉଛି । ତେବେ ଏହି ଘଟଣା ପୋଲିସ ବାବୁଙ୍କୁ ଟାଣିଥିଲା ବିବାଦ ଘେରକୁ । ଆଉ ସେ ବିବାଦ ନ ସରୁଣୁ ସାମ୍ନାକୁ ଆସିଛି ଅଜୟ ପାଲ ଶର୍ମାଙ୍କ ଆଉ ଏକ ଭିଡିଓ । ଏହି “ଭିଡିଓ ବୋମା” ମହୁଆ ମୋଇତ୍ରୋଙ୍କ ଦ୍ୱାରା X ରେ ପୋଷ୍ଟ କରାଯାଇଥିଲା । ଏହି କ୍ଲିପରେ, ଆଇ.ପି.ଏସ୍. ଅଧିକାରୀ ଅଜୟଙ୍କୁ ନାଚୁଥିବା ଝିଅମାନଙ୍କ ଭିତରେ ନୃତ୍ୟ କରୁଥିବାର ଦେଖାଯାଇଛି । ଏହା ବ୍ୟତୀତ, ମହୁଆ ତାଙ୍କ ବିଷୟରେ ବାରମ୍ବାର ପୋଷ୍ଟ ଅପଡେଟ୍ କରି ଅଜୟ ପାଲ ଶର୍ମାଙ୍କୁ ନିରନ୍ତର ଟାର୍ଗେଟ କରି ଆସୁଛନ୍ତି ।
ଦ୍ୱିତୀୟ ପର୍ଯ୍ୟାୟ ଭୋଟ ପୂର୍ବରୁ ରାଜ୍ୟର ସମ୍ବେଦନଶୀଳ ଅଞ୍ଚଳରେ ଆଇନ ଶୃଙ୍ଖଳା ବଜାୟ ରଖିବା ପାଇଁ ଆଇ.ପି.ଏସ୍. ଅଧିକାରୀ ଅଜୟ ପାଲ ଶର୍ମାଙ୍କୁ ନିୟୋଜିତ କରାଯାଇଥିଲା। ଟିଏମସି ଏହି ନିଯୁକ୍ତି ଉପରେ ଆପତ୍ତି ଉଠାଇଥିଲା। ପରବର୍ତ୍ତୀ ସମୟରେ, ସୋସିଆଲ ମିଡିଆରେ ଅଜୟ ପାଲ ଶର୍ମାଙ୍କ ଏକ ଭିଡିଓ ପ୍ରକାଶ ପାଇଲା। ଭିଡିଓରେ, ସେ ଫାଲଟା ନିର୍ବାଚନମଣ୍ଡଳୀର ତୃଣମୂଳ କଂଗ୍ରେସ (ଟିଏମସି) ପ୍ରାର୍ଥୀ ଜାହାଙ୍ଗୀରଙ୍କ ଘରକୁ ପରିଦର୍ଶନ କରୁଥିବାର ଦେଖାଯାଉଛି, ଯେଉଁଠାରେ ସେ ତାଙ୍କୁ ଭର୍ତ୍ସନା କରୁଛନ୍ତି ଏବଂ ଆଇନକୁ କଡ଼ାକଡ଼ି ପାଳନ କରିବାକୁ ନିର୍ଦ୍ଦେଶ ଦେଉଛନ୍ତି। ଭିଡିଓରେ, ସେ ଟିଏମସି ପ୍ରାର୍ଥୀଙ୍କୁ ତାଙ୍କ ପଥ ପରିବର୍ତ୍ତନ କରିବାକୁ କହୁଥିବାର ଶୁଣିବାକୁ ମିଳୁଛି, ଚେତାବନୀ ଦେଇ କହିଛନ୍ତି ଯେ ଏପରି ନ କଲେ ପରବର୍ତ୍ତୀ ସମୟରେ କଠୋର ପରିଣାମ ଭୋଗିବାକୁ ପଡ଼ିବ।
ଅଜୟ ପାଲ ଶର୍ମାଙ୍କ ଧମକ ସମ୍ବଳିତ ଭିଡିଓରେ କ’ଣ ଅଛି?
Fair & lovely Babua @DripsAjaypal – good to see you enjoying yourself FantaCop style. Stay Thanda Thanda Cool Cool. Bengal is always Trinamool. pic.twitter.com/CYfJ1q3pzn
— Mahua Moitra (@MahuaMoitra) April 28, 2026
ଭିଡିଓରେ, ଅଜୟ ପାଲ ଶର୍ମା କହୁଥିବାର ଦେଖାଯାଉଛି ଯେ ପାଖରେ ଠିଆ ହୋଇଥିବା ପ୍ରତ୍ୟେକ ବ୍ୟକ୍ତି ସ୍ପଷ୍ଟ ଭାବରେ ବୁଝିବା ଉଚିତ ଯେ ଯଦି ସେମାନେ କୌଣସି ଗୁଣ୍ଡାଗିରିରେ ଲିପ୍ତ ହୁଅନ୍ତି, ତେବେ ସେମାନଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ନିଆଯିବ । ସେ ଚେତାବନୀ ଦେଇଛନ୍ତି ଯେ ଯଦି ରିପୋର୍ଟ ପ୍ରକାଶ ପାଏ କି କେହି ଧମକାଇବା ,ଡ଼ରାଇବା କିମ୍ବା ଅନ୍ୟମାନଙ୍କୁ ହଇରାଣ କରିବାକୁ ଚେଷ୍ଟା କରିଛନ୍ତି, ତେବେ ସେ ସେମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବେ । ସେ ଉଲ୍ଲେଖ କରିଛନ୍ତି ଯେ ଜାହାଙ୍ଗୀରଙ୍କ ପରିବାର ସଦସ୍ୟ ମଧ୍ୟ ଉପସ୍ଥିତ ଅଛନ୍ତି ଏବଂ ସେମାନଙ୍କୁ ଏହି ବାର୍ତ୍ତା ସ୍ପଷ୍ଟ ଭାବରେ ତାଙ୍କ ନିକଟରେ ପହଞ୍ଚାଇବାକୁ ନିର୍ଦ୍ଦେଶ ଦେଇଛନ୍ତି । ତାଙ୍କ ସମର୍ଥକମାନେ ଧମକ ଦେବାରେ ଲିପ୍ତ ଥିବା ବାରମ୍ବାର ରିପୋର୍ଟ ଆସିବା ପରେ ,ସେମାନଙ୍କୁ କିଛି ଏପରି ଚେତାବନୀ ଦେଇଥିଲେ ଅଜୟ । ସେ ଏକ କଠୋର ଚେତାବନୀ ଦେଇ ଶେଷ କରନ୍ତି: “ଖବର ଏପଟ ସେପଟ କରୁଥିବା ଲୋକଙ୍କ ଖବର ସଠିକ ଭବେ ନେବୁ ଆଉ ସେତେବେଳେ କାନ୍ଦିବାର କି ପଶ୍ଚ୍ୟତାପ କରିବାର କିଛି ଲାଭ ନାଇଁ ।”
ଟିଏମସି ଟାର୍ଗେଟରେ ଆଇ.ପି.ଏସ୍. ଅଜୟ
ଏହି ଭିଡିଓର ସତ୍ୟତା ଏବଂ ପ୍ରସଙ୍ଗ ସମ୍ପର୍କରେ ପ୍ରଶ୍ନ ଉଠିବା ହୋଇସାରିଛି ଆରମ୍ଭ । ତଥାପି, ଟିଏମସି ଏହି ମାମଲାରେ ଏକ ତୀବ୍ର ପ୍ରତିକ୍ରିୟା ପ୍ରକାଶ କରିଛି । ଟିଏମସି ଦାବି କରିଛି ଯେ ଏସବୁ ବିଜେପିର ଇଙ୍ଗିତରେ ଘଟୁଛି। ସେମାନେ ଚେତାବନୀ ଦେଇଛନ୍ତି, “ନିର୍ବାଚନ ପରେ, କେହି ତୁମକୁ ରକ୍ଷା କରିପାରିବେ ନାହିଁ। ତୁମେ ଯେଉଁଠାରୁ ଆସିଥାଅ, କିମ୍ବା ତୁମେ ଯେତେ ଉଚ୍ଚପଦସ୍ଥ ଅଧିକାରୀ ହୁଅ, ତୁମକୁ କୋର୍ଟକୁ ଟାଣି ନିଆଯିବ।” ତୃଣମୂଳ କଂଗ୍ରେସ ଅଭିଯୋଗ କରିଛି ଯେ ନିର୍ବାଚନ ପୂର୍ବରୁ ଦ୍ୱନ୍ଦ୍ୱ ସୃଷ୍ଟି କରିବା ପାଇଁ ଏହି ସମ୍ପୂର୍ଣ୍ଣ ଘଟଣା ଜାଣିଶୁଣି ସଂଗଠିତ କରାଯାଉଛି ।
ମହୁଆ ମୋଇତ୍ରାଙ୍କ ଅଜୟ ଙ୍କୁ ଅଦ୍ଭୁତ ସମ୍ବୋଧନ
Mera Fair & Lovely babua @DripsAjaypal – Hum toh woh log hai joh kaidey se apke Chhota Fanta aur Bada Fanta ka bhi ilaaj kar lete hai!! Herogiri thoda samhaal ke kijiye. pic.twitter.com/eLOrg5bQOi
— Mahua Moitra (@MahuaMoitra) April 27, 2026
ଅଜୟ ପାଲ ଶର୍ମା ଧମକ ଦେଉଥିବା ଭିଡିଓକୁ ସେୟାର କରି ମହୁଆ ମୋଇତ୍ରା ଲେଖିଛନ୍ତି: “ମୋର ‘ଫେୟାର ଆଣ୍ଡ ଲଭଲି ବବୁଆ’, ଆଇପିଏସ ଅଧିକାରୀ ଅଜୟ ପାଲ ଶର୍ମା – ଆମେ ଏପରି ଲୋକ ଯେଉଁମାନେ ଜେଲରେ ବସି ତୁମର ‘ଛୋଟା ଫାଣ୍ଟା’ ଏବଂ ‘ବଡ଼ା ଫାଣ୍ଟା’କୁ ମଧ୍ୟ ‘ବ୍ୟବହାର’ କରିପାରୁଛୁ ! ତୁମେ ‘ହିରୋ-ଗିରି’ (ସାହସିକତା) କୁ ଟିକେ କମ କରିବାକୁ ଚାହିଁବ।” ଏହା ପରେ, ସେ ଦୁଇଟି ଅତିରିକ୍ତ ଭିଡିଓ ସେୟାର କରିଛନ୍ତି । ଏହି ଭିଡିଓଗୁଡ଼ିକ ଏକ କୋଠରୀ ଭିତରେ ସୁଟିଂ ହୋଇଥିବା ପରି ମନେ ହେଉଛି, ଯେଉଁଠାରେ ଜଣେ ନୃତ୍ୟଶିଳ୍ପୀ କ୍ଷୀଣ ଆଲୋକ ଏବଂ ରଙ୍ଗୀନ ଷ୍ଟ୍ରୋବ୍ ଆଲୋକ ମଧ୍ୟରେ ନାଚୁଥିବାର ଦେଖାଯାଉଛି ।
ଅଜୟ ପାଲ ଜଣେ ନୃତ୍ୟଶିଳ୍ପୀଙ୍କ ସହିତ ନାଚୁଥିବାର ଅଭିଯୋଗ
ଭିଡିଓରେ କୋଠରୀ ଭିତରେ ବସିଥିବା ଅନ୍ୟ ଅନେକ ବ୍ୟକ୍ତିଙ୍କୁ ଦର୍ଶାଯାଇଛି, ଯାହା ଏକ ସ୍ୱତନ୍ତ୍ର ପାର୍ଟିର ସଦସ୍ୟ ଭଳି ଦେଖାଯାଉଛନ୍ତି । ମହୁଆ ମୋଇତ୍ରା ଅଭିଯୋଗ କରିଛନ୍ତି ଯେ ଭିଡିଓରେ କଳାକାରଙ୍କ ସହିତ ନାଚୁଥିବା ବ୍ୟକ୍ତି ଅନ୍ୟ କେହି ନୁହଁନ୍ତି ବରଂ ଅଜୟ ପାଲ ଶର୍ମା । ସେ ଲେଖିଛନ୍ତି: “‘ଫେୟାର ଆଣ୍ଡ ଲଭଲି ବାବୁଆ’ ଅଜୟ ପାଲ ଶର୍ମାଙ୍କୁ ପ୍ରକୃତ ‘ଫ୍ୟାଣ୍ଟାକପ୍’ ଶୈଳୀରେ ଭଲ ସମୟ ବିତାଇବା ଦେଖି ଆନନ୍ଦ ଲାଗିଲା ! ‘ଥଣ୍ଡା-ଥଣ୍ଡା, କୁଲ୍-କୁଲ୍’ ରୁହନ୍ତୁ । କାରଣ ବଙ୍ଗଳା ସବୁବେଳେ ତୃଣମୂଳର ଅଟେ।”
ଅଖିଳେଶ ଯାଦବ ମଧ୍ୟ ଅଜୟ ପାଲ ଶର୍ମାଙ୍କୁ ଟାର୍ଗେଟ କରିଛନ୍ତି
ଅଖିଳେଶ ଯାଦବ ମଧ୍ୟ ଏହି ବିବାଦ ଉପରେ ଗୁରୁତ୍ୱାରୋପ କରି କହିଛନ୍ତି: “ବଙ୍ଗଳା ନିର୍ବାଚନ ସମୟରେ ପର୍ଯ୍ୟବେକ୍ଷକ ଭାବରେ ନିଯୁକ୍ତ ଜଣେ ବରିଷ୍ଠ ଉତ୍ତର ପ୍ରଦେଶ ପୋଲିସ ଅଧିକାରୀଙ୍କ ଅଶାଳୀନ ଭିଡିଓ ଏବେ ସାଧାରଣ ଲୋକଙ୍କ ମଧ୍ୟରେ ବ୍ୟାପକ ଭାବରେ ପ୍ରସାରିତ ହେଉଛି । ଏହି ଘଟଣା ଉତ୍ତର ପ୍ରଦେଶ ସରକାରଙ୍କ ପ୍ରଶାସନ ଏବଂ ଶାସନର ଭାବମୂର୍ତ୍ତିକୁ ଗୁରୁତର ଭାବରେ କ୍ଷୁର୍ଣ୍ଣ କରିଛି । ଏହା ବ୍ୟତୀତ, ଏହା ଜନତାଙ୍କ ଦୃଷ୍ଟିରେ ‘ମହିଳାଙ୍କ ପ୍ରତି ସମ୍ମାନ’ ଏବଂ ‘ନାରୀତ୍ୱର ସମ୍ମାନ’ ସମ୍ପର୍କରେ ବିଜେପି ସରକାରଙ୍କର ଫମ୍ପା ଦାବିକୁ ସମ୍ପୂର୍ଣ୍ଣ ଭାବରେ ପ୍ରକାଶ କରିଛି।” ସେ ଆହୁରି ମଧ୍ୟ କହିଛନ୍ତି, “ଏପରି ବ୍ୟକ୍ତି ଏବଂ ଅଧିକାରୀମାନେ ବିଜେପିର ପ୍ରଶାସନିକ ଯନ୍ତ୍ରପାତି ମଧ୍ୟରେ କେବଳ ବ୍ୟତିକ୍ରମ ନୁହଁନ୍ତି।” ମହିଳାମାନେ ଅନୁଭବ କରନ୍ତି ଯେ ଯଦି ମହିଳା ସୁରକ୍ଷାର ନିୟନ୍ତ୍ରଣରେ ଥିବା ଲୋକମାନେ ‘ଏପରି’ ହୁଅନ୍ତି, ତେବେ ଆମର ସୁରକ୍ଷା କିପରି ସୁନିଶ୍ଚିତ ହୋଇପାରିବ? ଆଜି, ବିଜେପି ସହିତ ଜଡିତ ପ୍ରତ୍ୟେକ ମହିଳା ଲଜ୍ଜିତ ଅନୁଭବ କରୁଛନ୍ତି, କାରଣ ତାଙ୍କ ଘରେ ମଧ୍ୟ ମା ଭଉଣୀ ମାନେ ଅଛନ୍ତି।
ସମାଜବାଦୀ ପାର୍ଟି ମୁଖ୍ୟ କହିଛନ୍ତି, “ଦେଖିବା ଉଚିତ ଯେ ତାଙ୍କର ନିଲମ୍ବନ କିମ୍ବା ବହିଷ୍କାର କେତେ ଶୀଘ୍ର କାର୍ଯ୍ୟକାରୀ ହୁଏ । ଏହି ମାମଲା ସିଧାସଳଖ ମୁଖ୍ୟମନ୍ତ୍ରୀଙ୍କ ନିଜସ୍ୱ ସାର୍ବଜନୀନ ଭାବମୂର୍ତ୍ତି ସହିତ ଜଡିତ । ଏହି ଅଧିକାରୀଙ୍କ ବିରୁଦ୍ଧରେ ନିଆଯାଇଥିବା କାର୍ଯ୍ୟାନୁଷ୍ଠାନର ପ୍ରକୃତି ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ଦୃଷ୍ଟିକୋଣ ନିର୍ଣ୍ଣୟ କରିବ ।” ଯେକୌଣସି ପରିସ୍ଥିତିରେ, ବର୍ତ୍ତମାନ ଏତେ କିଛି ପ୍ରକାଶ ପାଇବା ପରେ, ମୁଖ୍ୟମନ୍ତ୍ରୀ – ଅନିଚ୍ଛା ସତ୍ତ୍ୱେ – ଶୃଙ୍ଖଳାଗତ ଏବଂ ଦଣ୍ଡାତ୍ମକ କାର୍ଯ୍ୟାନୁଷ୍ଠାନ ଆରମ୍ଭ କରିବାକୁ ବାଧ୍ୟ ହେବେ ; ସେ ଦାବି କରିପାରିବେ ନାହିଁ ଯେ ଏହି ଭିଡିଓଟି ‘AI’ ଦ୍ୱାରା ପ୍ରସ୍ତୁତ , ଯାହା ତାଙ୍କ ବିଶେଷ ଶିଷ୍ୟଙ୍କୁ ସୁରକ୍ଷା ଦେବା ପାଇଁ ଚେଷ୍ଟା କରାଯାଇଛି । କେବଳ ଅପରାଧୀଙ୍କ ବିରୁଦ୍ଧରେ ନୁହେଁ ବରଂ ଏପରି ଅଧିକାରୀଙ୍କ ବିରୁଦ୍ଧରେ ମଧ୍ୟ ‘ଶୂନ୍ୟ ସହନଶୀଳତା’ ନୀତି ପ୍ରୟୋଗ କରାଯିବା ଉଚିତ ।
