ଗତ କିଛିଦିନ ହେବ ସାରାବିଶ୍ୱର ନଜର ରହିଛି ମଧ୍ୟପ୍ରାଚ୍ୟ ଉପରେ। ସମସ୍ତେ ଭାବୁଥିଲେ ଇରାନ ଶେଷ ହୋଇଗଲା। ସମସ୍ତେ ଭାବୁଥିଲେ ଇସ୍ରାଏଲ ଏବଂ ଆମେରିକାର ମିଳିତ ଆକ୍ରମଣରେ ଇରାନର ମେରୁଦଣ୍ଡ ଭାଙ୍ଗି ଯାଇଛି।
ବିଶେଷ କରି ଯେତେବେଳେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନେଇ ଏବଂ ତାଙ୍କର ଟପ୍ କମାଣ୍ଡରମାନଙ୍କ ମୃତ୍ୟୁ ଖବର ଆସିଲା, ସେତେବେଳେ ପାଶ୍ଚାତ୍ୟ ଗଣମାଧ୍ୟମ ଚିତ୍କାର କରି କହିଥିଲା – “ଇଟ୍ସ ଏ ଚେକ୍ମେଟ୍!” ଅର୍ଥାତ୍ ଖେଳ ଶେଷ।
କିନ୍ତୁ ଯୁଦ୍ଧ ମଇଦାନରୁ ଏବେ ଯେଉଁ ଖବର ଆସୁଛି, ତାହା ଆମେରିକା ଏବଂ ଇସ୍ରାଏଲର ନିଦ ହଜାଇ ଦେଇଛି। କୁହାଯାଉଛି, ଇରାନକୁ ଅଣ୍ଡର-ଏଷ୍ଟିମେଟ୍ କରିବା ଆମେରିକା ପାଇଁ ମହଙ୍ଗା ପଡ଼ିଛି କି?
କ’ଣ ଇରାନ ଏବେ ବି ଏହି ଯୁଦ୍ଧ ଜିତିବା ସ୍ଥିତିରେ ଅଛି?
୨୮ ଫେବୃଆରୀ ୨୦୨୬। ଆମେରିକା ଏବଂ ଇସ୍ରାଏଲ୍ ମିଳିତ ଭାବେ ‘ଅପରେସନ୍ ଏପିକ ଫ୍ୟୁରି’ ଆରମ୍ଭ କଲେ। ଏକାସାଙ୍ଗରେ ଇରାନର ଲିଡରସିପ୍କୁ ଶେଷ କରିଦେବା ପାଇଁ ହୋଇଥିଲା ଏହି ଆକ୍ରମଣ। ଖାମେନେଇ ଏବଂ ତାଙ୍କର ଖାସ୍ କମାଣ୍ଡରମାନେ ଯେଉଁ ବିଲ୍ଡିଂରେ ଥିଲେ, ତାକୁ ମାଟିରେ ମିଶାଇ ଦିଆଗଲା। ସାରା ଦୁନିଆ ଭାବିଲା ଇରାନର ଅଧ୍ୟାୟ ବନ୍ଦ ହୋଇଗଲା। ଡୋନାଲ୍ଡ ଟ୍ରମ୍ପ ମଧ୍ୟ ବୟାନ ଦେଲେ ଯେ, “ଇରାନ ସେନା ସରେଣ୍ଡର କରିଦେଉ।” କିନ୍ତୁ ଇରାନ ଯେଉଁ ପ୍ରତି ଆକ୍ରମଣ କଲା, ତାହା କେହି କଳ୍ପନା ସୁଦ୍ଧା କରିନଥିଲେ।
ଇରାନ ଆରମ୍ଭ କଲା ‘ଅପରେସନ୍ ଟ୍ରୁଥଫୁଲ୍ ପ୍ରମିସ୍ – ୪’ (Operation Truthful Promise-4)। ପାଖାପାଖି ୫୫୦ରୁ ଅଧିକ ମିସାଇଲ ଏବଂ ଡ୍ରୋନ୍ ଦ୍ୱାରା ଇସ୍ରାଏଲ୍ ଉପରେ ଏକ ସାଚୁରେସନ୍ ଆଟାକ୍ କରାଗଲା। ଇସ୍ରାଏଲର ଅତ୍ୟାଧୁନିକ ‘ଆଇରନ ଡୋମ୍’ ମଧ୍ୟ ଏତେ ସଂଖ୍ୟକ ମିସାଇଲ ଆଗରେ ଅସହାୟ ନଜର ଆସିଲା। କୁହାଯାଉଛି, ଇସ୍ରାଏଲ୍ ପ୍ରଧାନମନ୍ତ୍ରୀ ନେତନ୍ୟାହୁଙ୍କ ଅଫିସ୍ ଏବଂ ଏୟାରଫୋର୍ସ ହେଡକ୍ୱାଟର୍ସ ପର୍ଯ୍ୟନ୍ତ ଇରାନର ମିସାଇଲ ପହଞ୍ଚିଛି। ଯଦିଓ ଇସ୍ରାଏଲ୍ ଏହାକୁ ସ୍ୱୀକାର କରୁନାହିଁ, କିନ୍ତୁ ସୋସିଆଲ ମିଡିଆରେ ଜଳୁଥିବା ବିଲ୍ଡିଂ ଏବଂ ଏୟାରବେସ୍ରୁ ଉଠୁଥିବା ଧୂଆଁ ଏକ ଅଲଗା କାହାଣୀ କହୁଛି।
ଆମେରିକାକୁ ବଡ଼ ଝଟକା
ସବୁଠାରୁ ଆଶ୍ଚର୍ଯ୍ୟଜନକ ଖବର ଥିଲା ଆମେରିକାର ତିନୋଟି ସୁପର ଆଡଭାନ୍ସଡ୍ F-15 ଷ୍ଟ୍ରାଇକ୍ ଇଗଲ୍ ଯୁଦ୍ଧବିମାନ ଆକାଶରୁ ନିଆଁ ଗୋଳା ହୋଇ ତଳେ ପଡ଼ିଛି। ଆମେରିକା କହୁଛି ଏହା ଟେକ୍ନିକାଲ ତ୍ରୁଟି କିମ୍ବା ‘ଫ୍ରେଣ୍ଡଲି ଫାୟାର୍’, କିନ୍ତୁ ଇରାନ ଏହାକୁ ନିଜର ବଡ଼ ସଫଳତା ବୋଲି ଦାବି କରୁଛି। ଏହା ବ୍ୟତୀତ ବାହାରିନ୍, କୁଏତ ଏବଂ କତରରେ ଥିବା ଆମେରିକୀୟ ସେନା ଘାଟି ନିକଟରେ ମଧ୍ୟ ବଡ଼ ଧରଣର ବିସ୍ଫୋରଣ ଶୁଣିବାକୁ ମିଳିଛି। ଅର୍ଥାତ୍ ଇରାନ ଏବେ “ଆର୍ କିମ୍ବା ପାର୍” ସ୍ଥିତିରେ ଅଛି।
ଖାମେନିଙ୍କ ମୃତ୍ୟୁ ପରେ ଇରାନର ଏକତା
ଏଠାରେ ଗୋଟିଏ କଥା ବୁଝିବାକୁ ହେବ। ଆମେରିକା ଭାବିଥିଲା ଖାମେନେଇଙ୍କୁ ମାରିଦେଲେ ଇରାନର ସେନା ମୁଣ୍ଡବିହୀନ ହୋଇଯିବ ଏବଂ ସେଠାକାର ଜନତା ବିଦ୍ରୋହ କରିବେ। କିନ୍ତୁ ହେଲା ଓଲଟା। ଖାମେନିଙ୍କ ମୃତ୍ୟୁ ପରେ ଇରାନର ଯେଉଁ ଯୁବପିଢ଼ି କାଲି ପର୍ଯ୍ୟନ୍ତ ସରକାରଙ୍କ ବିରୋଧରେ ଥିଲେ, ସେମାନେ ଏବେ ‘ନ୍ୟାସନାଲ ପ୍ରାଇଡ୍’ ବା ଦେଶର ସମ୍ମାନ ପାଇଁ ସେନା ସହ ଠିଆ ହୋଇଛନ୍ତି। ଯୁଦ୍ଧ ସମୟରେ ଇରାନୀ ମାନେ ଦର୍ଶାଇ ଦେଇଛନ୍ତି ଯେ, ସେମାନଙ୍କ ପାଇଁ ଏହା ବଞ୍ଚିବା ଓ ମରିବା ଭଳି ଏକ ଅସ୍ତିତ୍ୱର ଲଢ଼େଇ।
ଡେଡ୍ ହ୍ୟାଣ୍ଡ ଷ୍ଟ୍ରାଟେଜୀ ଏବଂ ବିଶ୍ୱ ଅର୍ଥନୀତି
ଇରାନ ପାଖରେ ଆଉ ଏକ ମାରାତ୍ମକ ଅସ୍ତ୍ର ଅଛି – ‘ଷ୍ଟ୍ରେଟ୍ ଅଫ୍ ହର୍ମୁଜ’କୁ ବନ୍ଦ କରିବା। ଯଦି ଏହି ସାମୁଦ୍ରିକ ରାସ୍ତା ବନ୍ଦ ହୁଏ, ତେବେ ବିଶ୍ୱର ୨୦% ତେଲ ଯୋଗାଣ ବନ୍ଦ ହୋଇଯିବ। ଭାରତରେ ପେଟ୍ରୋଲ ଦର ୪୦୦ରୁ ୫୦୦ ଟଙ୍କା ପର୍ଯ୍ୟନ୍ତ ଯାଇପାରେ। ସାରା ଦୁନିଆର ଅର୍ଥନୀତି ତାସ ଘର ଭଳି ଭୁଶୁଡ଼ି ପଡ଼ିବ। ଏହି ଭୟରେ ଆମେରିକାରେ ମଧ୍ୟ ଡୋନାଲ୍ଡ ଟ୍ରମ୍ପଙ୍କ ନୀତିକୁ ନେଇ ବିରୋଧ ଆରମ୍ଭ ହେଲାଣି। କମଲା ହାରିସଙ୍କ ଭଳି ନେତା କହୁଛନ୍ତି ଯେ, ଟ୍ରମ୍ପ ଦୁନିଆକୁ ତୃତୀୟ ବିଶ୍ୱଯୁଦ୍ଧ ମୁହଁକୁ ଠେଲି ଦେଉଛନ୍ତି।
ଏହି ଯୁଦ୍ଧ ଏବେ ସେହି ମୋଡ଼ରେ ପହଞ୍ଚିଛି, ଯେଉଁଠୁ ପଛକୁ ଫେରିବା ଅର୍ଥ ହାର୍ ମାନିବା ଏବଂ ଆଗକୁ ବଢ଼ିବା ଅର୍ଥ ଏକ ଅସରନ୍ତି ଯୁଦ୍ଧର ଦଳଦଳରେ ଫଶିଯିବା। ଇରାନ ଏହା ପ୍ରମାଣ କରିଛି ଯେ, କୌଣସି ଆହତ ସିଂହକୁ କମ୍ ଆକଳନ କରିବା ଆତ୍ମଘାତୀ ହୋଇପାରେ। ଆମେରିକା ଓ ଇସ୍ରାଏଲ୍ ହୁଏତ ଇରାନର ମେସିନ୍ ଏବଂ ହତିଆରର ତାକତ ମାପି ଦେଇଥିଲେ, କିନ୍ତୁ ଇରାନୀ ସେନାର ଲଢ଼ିବାର ଜୁନୁନ୍କୁ ବୁଝିବାରେ ବଡ଼ ଭୁଲ୍ କରିଦେଇଛନ୍ତି।
AlsoRead; https://purvapaksa.com/what-is-the-real-festival-of-odisha-raja-nuakhai-or-dola-purnima/
