ପାକିସ୍ତାନ ପାଇଁ ଏବେ ଚତୁର୍ଦ୍ଦିଗରୁ ବିପଦ ମାଡ଼ି ଆସୁଛି। ଗୋଟେ ପଟେ ଆର୍ଥିକ ସଙ୍କଟ, ଆଉ ଅନ୍ୟପଟେ ପଡ଼ୋଶୀ ଦେଶମାନଙ୍କ ସହ ସୀମା ବିବାଦ। କିନ୍ତୁ ଏବେ ଯେଉଁ ଖବର ସାମ୍ନାକୁ ଆସୁଛି, ତାହା ପାକିସ୍ତାନ ସେନାର ନିଦ ହଜାଇ ଦେଇଛି।”
ପାକିସ୍ତାନର ଅତି ଗୁରୁତ୍ୱପୂର୍ଣ୍ଣ ‘ନୂର ଖାନ ଏୟାରବେସ୍’ (Noor Khan Air Base) ଉପରେ ହୋଇଛି ଏକ ବଡ଼ ଧରଣର ଆକ୍ରମଣ! ଆଉ ଏହି ଆକ୍ରମଣ ପଛରେ କୌଣସି ଆତଙ୍କବାଦୀ ସଙ୍ଗଠନ ନୁହେଁ, ବରଂ ସିଧାସଳଖ ଆଫଗାନିସ୍ତାନ ବାୟୁସେନାର ହାତ ଥିବା କୁହାଯାଉଛି।
“ସୂଚନା ଅନୁଯାୟୀ, ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଏହି ଦାବି କରାଯାଇଛି ଯେ, ସେମାନଙ୍କ ବାୟୁସେନା ପାକିସ୍ତାନ ଭିତରେ ପଶି ଏକାଧିକ ସାମରିକ ଘାଟିକୁ ଟାର୍ଗେଟ୍ କରିଛି। ରାୱଲପିଣ୍ଡିରେ ଥିବା ଏହି ନୂର ଖାନ ଏୟାରବେସ୍କୁ ଡ୍ରୋନ୍ ସାହାଯ୍ୟରେ ଛାରଖାର କରିଦିଆଯାଇଛି। ଖାଲି ସେତିକି ନୁହେଁ, କ୍ୱେଟା ଏବଂ ଖାଇବର ପାଖ୍ତୁନଖୱାରେ ଥିବା ପାକିସ୍ତାନୀ ସେନା କ୍ୟାମ୍ପ ଉପରେ ମଧ୍ୟ ପ୍ରବଳ ବୋମାମାଡ଼ ହୋଇଥିବା ଖବର ମିଳୁଛି।”
“ଏଠାରେ ମନେ ରଖିବାକୁ ହେବ ଯେ, ଏହି ନୂର ଖାନ ଏୟାରବେସ୍ ହେଉଛି ପାକିସ୍ତାନର ଅତ୍ୟନ୍ତ ସମ୍ବେଦନଶୀଳ ସାମରିକ ଘାଟି। ଗତବର୍ଷ ଭାରତର ‘ଅପରେସନ ସିନ୍ଦୂର’ (Operation Sindoor) ସମୟରେ ମଧ୍ୟ ଏହି ବେସ୍ କ୍ଷତିଗ୍ରସ୍ତ ହୋଇଥିଲା। ଏବେ ଯେତେବେଳେ ପାକିସ୍ତାନ ଏହାର ମରାମତି କରୁଥିଲା, ଠିକ୍ ସେତିକିବେଳେ ଆଫଗାନିସ୍ତାନର ଏହି ଆକ୍ରମଣ ପାକିସ୍ତାନର ଅହଂକାରକୁ ଧୂଳିସାତ କରିଦେଇଛି।
ଆଜି ପାକିସ୍ତାନ ନିଜ ଦେଶର ସୁରକ୍ଷା ଦେବାରେ ବିଫଳ ହେଉଛି। ଯେଉଁ ଦେଶ ଦିନେ ଆତଙ୍କବାଦକୁ ପ୍ରଶ୍ରୟ ଦେଉଥିଲା, ଆଜି ନିଜେ ସେହି ଜାଲରେ ଫସିଯାଇଛି।”
“ତେବେ ପ୍ରଶ୍ନ ଉଠୁଛି, ପାକିସ୍ତାନ କ’ଣ ଏହାର ଜବାବ ଦେବ? କିମ୍ବା ଆଗକୁ ଏହି ଯୁଦ୍ଧ ପରିସ୍ଥିତି ଆହୁରି ଭୟଙ୍କର ରୂପ ନେବ?
AlsoRead; https://purvapaksa.com/basmati-rice-exports-at-risk-during-war/
ଯୁଦ୍ଧ ସମୟରେ ବାସୁମତୀ ଚାଉଳ ରପ୍ତାନିରେ ବିପଦ || Basmati rice exports at risk during war
