ଭାରତରେ ଓ୍ଵାଟ୍ସଆପର ଆଧିପତ୍ୟକୁ ଟକ୍କର ଦେବା ପାଇଁ ଆରଟ୍ଟାଇ ନାମକ ଏକ ଦେଶୀ ଆପ୍ ଆସିଛି । ଏହି ଆପକୁ ଭାରତ ସରକାରଙ୍କ ଅନେକ ମନ୍ତ୍ରୀ ମଧ୍ୟ ପ୍ରମୋଟ୍ କରିଛନ୍ତି, ଯେଉଁଥିପାଇଁ ଏହାର ଲୋକପ୍ରିୟତା ଗତ କିଛି ସମୟରେ ବହୁତ ବୃଦ୍ଧି ପାଇଛି। ଏହା ଭାରତରେ ଆପ୍ ଷ୍ଟୋରରେ ପ୍ରଥମ ନମ୍ବରର ସୋସିଆଲ ନେଟୱାର୍କିଂ ଆପ୍ ହୋଇଛି। ଏହି ଆପକୁ ତିଆରି କରିଥିବା କମ୍ପାନୀର ନାମ ହେଉଛି ଜୋହୋ, ଯାହାର ପ୍ରତିଷ୍ଠାତା ହେଉଛନ୍ତି ଶ୍ରୀଧର ଭେମ୍ବୁ। ତାଙ୍କ କମ୍ପାନୀ ଏହି ଆପ୍ ମାଧ୍ୟମରେ ଓ୍ଵାଟ୍ସଆପର ଆଧିପତ୍ୟକୁ ଚ୍ୟାଲେଞ୍ଜ ଦେଇଛି। ଆସନ୍ତୁ, ଜାଣିବା ଶ୍ରୀଧର ଭେମ୍ବୁ କିଏ?
ଆମେରିକାର ସିଲିକନ ଭ୍ୟାଲି ଛାଡ଼ି ଗାଁ’ ଲେଉଟାଣି
ଶ୍ରୀଧର ଭେମ୍ବୁ ଜଣେ ଭାରତୀୟ ବ୍ୟବସାୟୀ ଏବଂ ଜୋହୋ କର୍ପୋରେସନର ଫାଉଣ୍ଡର। ସେ ଭାରତର ଏକ ଗାଁରୁ ବିଶ୍ୱସ୍ତରୀୟ ସଫ୍ଟୱେର କମ୍ପାନୀ ତିଆରି କରିଛନ୍ତି। ଏହା ବ୍ୟତୀତ, ଆରଟ୍ଟାଇ ମେସେଜିଂ ଆପର ପଛରେ ମଧ୍ୟ ସେ ଅଛନ୍ତି। ଶ୍ରୀଧର ଭେମ୍ବୁ ପ୍ରିନ୍ସଟନ ବିଶ୍ୱବିଦ୍ୟାଳୟର ଛାତ୍ର ଥିଲେ । ଆମେରିକାର ସିଲିକନ ଭ୍ୟାଲୀରେ ଟେକ୍ ଇଣ୍ଡଷ୍ଟ୍ରିରେ କାମ କରିଛନ୍ତି। ସେଠାରେ ଭଲ ଚାକିରି ଏବଂ ସଫଳତା ସତ୍ତ୍ୱେ, ସେ ଭାରତକୁ ଫେରିବାକୁ ନିଷ୍ପତ୍ତି ନେଇଥିଲେ। ୨୦୦୦ ମସିହାର ଆରମ୍ଭରେ ସେ ତାମିଲନାଡୁର ନିଜ ଗାଁକୁ ଫେରିଥିଲେ। ତାଙ୍କର ସ୍ୱପ୍ନ ଥିଲା ଭାରତର ଗୋଟିଏ ଗାଁରୁ ଏକ ବିଶ୍ୱସ୍ତରୀୟ ଟେକ୍ କମ୍ପାନୀ ତିଆରି କରିବା। ଏହିପରି ଜୋହୋ କର୍ପୋରେସନର ମୂଳଦୁଆ ପଡ଼ିଥିଲା।
ବଡ଼ ସହରରୁ ନୁହେଁ, ଗାଁରୁ ଚଳାଇଲେ କମ୍ପାନୀ
ଜୋହୋ କର୍ପୋରେସନର ଆରମ୍ଭ ବିନା କୌଣସି ବାହାରୁ ନିବେଶ ବିନା ହୋଇଥିଲା। ଏହାକୁ ବୁଟଷ୍ଟ୍ରାପ୍ଡ କମ୍ପାନୀ କୁହାଯାଏ, ଅର୍ଥାତ୍ ଯାହା ନିଜ ଆୟରୁ କାୟବିସ୍ତାର କରିଥାଏ । ଶ୍ରୀଧର ପ୍ରଥମେ କମ୍ପାନୀର ନାମ ଆଡଭେଣ୍ଟନେଟ ରଖିଥିଲେ, ଯାହା ପରେ ଜୋହୋ କର୍ପୋରେସନ ହୋଇଥିଲା। ସେ ବିଜନେସ ସଫ୍ଟୱେର ତିଆରି କରିଥିଲେ, ଯାହା ବିଶ୍ୱର ବଡ଼ ବ୍ରାଣ୍ଡମାନଙ୍କ ସହ ମୁକାବିଲା କରିପାରୁଥିଲା। ତାଙ୍କର ବିଶେଷତ୍ୱ ଥିଲା ଯେ ଏହା ସବୁ ସେ ଗାଁରୁ କରିଥିଲେ, କୌଣସି ବଡ଼ ସହରରୁ ନୁହେଁ।
ଗାଁର ଯୁବକମାନଙ୍କୁ ତାଲିମ ଦେଲେ
ଶ୍ରୀଧର ଗାଁର ଯୁବକମାନଙ୍କୁ ସଫ୍ଟୱେର ଡେଭେଲପମେଣ୍ଟ ଶିଖାଇବା ପାଇଁ ଏକ ଅନନ୍ୟ ପଦକ୍ଷେପ ନେଇଥିଲେ। ସେ ଗ୍ରାମୀଣ ଅଞ୍ଚଳରେ ତାଲିମ ପ୍ରୋଗ୍ରାମ ଏବଂ ସ୍କୁଲ ଆରମ୍ଭ କରିଥିଲେ। ପରେ ଏମାନଙ୍କୁ ଜୋହୋରେ ଚାକିରି ମିଳିଥିଲା। ତାଙ୍କର ବିଶ୍ୱାସ ଥିଲା ଯେ ପ୍ରତିଭା କେବଳ ବଡ଼ ସହର କିମ୍ବା ମହଙ୍ଗା କଲେଜରେ ନୁହେଁ, ବରଂ ଗାଁରେ ମଧ୍ୟ ରହିପାରେ। ଜୋହୋ ୫୦ରୁ ଅଧିକ କ୍ଲାଉଡ-ବେସ୍ଡ ସଫ୍ଟୱେର ତିଆରି କରେ, ଯାହାର ବ୍ୟବହାର ୧୮୦ରୁ ଅଧିକ ଦେଶରେ ୧୦ କୋଟିରୁ ଅଧିକ ଲୋକ କରନ୍ତି।
ସ୍ୱଦେଶୀ ଆପ୍ ତିଆରି କଲେ
ଶ୍ରୀଧର ଭେମ୍ବୁଙ୍କ କମ୍ପାନୀ ଜୋହୋ ଆରଟ୍ଟାଇ ନାମକ ଏକ ମେସେଜିଂ ଆପ୍ ମଧ୍ୟ ତିଆରି କରିଛି, ଯାହା ଓ୍ଵାଟ୍ସଆପର ଭାରତୀୟ ବିକଳ୍ପ। ଏହି ଆପକୁ ଭାରତରେ ଡାଟା ଗୋପନୀୟତା ଏବଂ ସ୍ଥାନୀୟ ଟେକ୍ନୋଲୋଜିକୁ ପ୍ରୋତ୍ସାହନ ଦେବା ପାଇଁ ତିଆରି କରାଯାଇଛି। ଏହି ଆପକୁ ଦ୍ରୁତ ଗତିରେ ପ୍ରମୋଟ୍ କରାଯାଉଛି, ଯାହା ଦ୍ୱାରା ସ୍ୱଦେଶୀ ଆପକୁ ପ୍ରୋତ୍ସାହନ ମିଳିପାରେ।
ଶ୍ରୀଧର ଭେମ୍ବୁ ହେଉଛନ୍ତି ଜୋହୋ କର୍ପୋରେସନର ସହ-ପ୍ରତିଷ୍ଠାତା ତଥା ସିଇଓ, ଯିଏ ଭାରତରୁ ଏକ ବିଶ୍ୱସ୍ତରୀୟ ଟେକ୍ କମ୍ପାନୀ ଗଢ଼ିଛନ୍ତି।
ଜନ୍ମ ଓ ଶିକ୍ଷା
ଶ୍ରୀଧର ଭେମ୍ବୁ ୧୯୬୮ରେ ତାମିଲନାଡୁର ତୁଞ୍ଜାଭୁର ଜିଲ୍ଲାରେ ଏକ ମଧ୍ୟବିତ୍ତ ପରିବାରରେ ଜନ୍ମଗ୍ରହଣ କରିଥିଲେ। ସେ ଆଇଆଇଟି ମାଡ୍ରାସରୁ ଇଲେକ୍ଟ୍ରିକାଲ ଇଞ୍ଜିନିୟରିଂରେ ସ୍ନାତକ ଡିଗ୍ରୀ ହାସଲ କରିଥିଲେ। ପରେ ସେ ଆମେରିକାର ପ୍ରିନ୍ସଟନ ବିଶ୍ୱବିଦ୍ୟାଳୟରୁ ଇଲେକ୍ଟ୍ରିକାଲ ଇଞ୍ଜିନିୟରିଂରେ ପିଏଚଡି କରିଥିଲେ।
କ୍ୟାରିଅର ଆରମ୍ଭ
ଆମେରିକାରେ ସେ କ୍ୱାଲକମ ଭଳି ବଡ଼ ଟେକ୍ କମ୍ପାନୀରେ କାମ କରିଥିଲେ। କିନ୍ତୁ ସେ ଏହି ସଫଳ କ୍ୟାରିଅର ଛାଡ଼ି ଭାରତ ଫେରିଥିଲେ, ଯେଉଁଠାରେ ସେ ନିଜର ଦୃଷ୍ଟିକୋଣ ଅନୁଯାୟୀ ଏକ ସଫ୍ଟୱେର କମ୍ପାନୀ ଗଢ଼ିବାକୁ ଚାହିଁଥିଲେ। ୧୯୯୬ରେ ସେ ତାଙ୍କ ଭାଇ କୁମାର ଭେମ୍ବୁ ଏବଂ ଅନ୍ୟ ସହଯୋଗୀଙ୍କ ସହ ଆଡଭେଣ୍ଟନେଟ ପ୍ରତିଷ୍ଠା କରିଥିଲେ, ଯାହା ପରେ ଜୋହୋ କର୍ପୋରେସନ ହେଲା।
ଜୋହୋର ଅଭିନବ ମଡେଲ
ଜୋହୋ ଏକ ବୁଟଷ୍ଟ୍ରାପ୍ଡ କମ୍ପାନୀ, ଯାହା ବାହାରୁ ନିବେଶ ନନେଇ ନିଜର ଆୟ ଦ୍ୱାରା ବୃଦ୍ଧି ପାଇଛି। ଏହା କ୍ଲାଉଡ-ଆଧାରିତ ସଫ୍ଟୱେର ଯେପରିକି CRM, ଇମେଲ ସେବା, ପ୍ରୋଜେକ୍ଟ ମ୍ୟାନେଜମେଣ୍ଟ ଏବଂ ଅଫିସ ସୁଟ୍ ଆଦି ପ୍ରଦାନ କରେ। ଏହାର ଉତ୍ପାଦଗୁଡ଼ିକ ମାଇକ୍ରୋସଫ୍ଟ ଓ ଗୁଗଲ ଭଳି ବଡ଼ କମ୍ପାନୀମାନଙ୍କ ସହ ପ୍ରତିଯୋଗିତା କରେ। ଜୋହୋର ମୁଖ୍ୟାଳୟ ତାମିଲନାଡୁର ଚେନ୍ନାଇରେ ରହିଛି, କିନ୍ତୁ ଏହାର ଅନେକ କାର୍ଯ୍ୟାଳୟ ଗ୍ରାମୀଣ ଅଞ୍ଚଳ ଯେପରିକି ତେନକାସିରେ ରହିଛି।
ଗ୍ରାମୀଣ ଉନ୍ନୟନ ପ୍ରତି ଅବଦାନ
ଶ୍ରୀଧରଙ୍କର ଏକ ବଡ଼ ଅବଦାନ ହେଉଛି ଗ୍ରାମୀଣ ଯୁବକମାନଙ୍କୁ ସଫ୍ଟୱେର ଡେଭେଲପମେଣ୍ଟ ଶିଖାଇବା। ସେ ଜୋହୋ ସ୍କୁଲ ଅଫ ଲର୍ଣ୍ଣିଂ ପ୍ରତିଷ୍ଠା କରିଛନ୍ତି, ଯେଉଁଠାରେ ଗାଁର ଯୁବକମାନଙ୍କୁ ତାଲିମ ଦିଆଯାଏ ଏବଂ ତାଙ୍କୁ ଜୋହୋରେ ନିଯୁକ୍ତି ଦିଆଯାଏ। ଏହା ଗ୍ରାମୀଣ ଅର୍ଥନୀତିକୁ ମଜବୁତ କରିବା ସହ ସ୍ଥାନୀୟ ପ୍ରତିଭାକୁ ସୁଯୋଗ ପ୍ରଦାନ କରେ ।
ପୁରସ୍କାର ଓ ସ୍ୱୀକୃତି
ଶ୍ରୀଧର ଭେମ୍ବୁଙ୍କୁ ତାଙ୍କ ଅବଦାନ ପାଇଁ ଅନେକ ପୁରସ୍କାର ମିଳିଛି। ୨୦୨୧ରେ ସେ ଭାରତ ସରକାରଙ୍କ ଦ୍ୱାରା ପଦ୍ମଶ୍ରୀ ସମ୍ମାନରେ ସମ୍ମାନିତ ହୋଇଥିଲେ। ଏହା ବ୍ୟତୀତ, ସେ ଭାରତରେ ଟେକ୍ ଉଦ୍ୟୋଗୀମାନଙ୍କ ମଧ୍ୟରେ ଏକ ପ୍ରେରଣାଦାୟୀ ବ୍ୟକ୍ତିତ୍ୱ ଭାବେ ପରିଚିତ।
ଦୃଷ୍ଟିକୋଣ ଓ ମୂଲ୍ୟବୋଧ
ଶ୍ରୀଧର ସବୁବେଳେ ସ୍ଥାନୀୟ ଉନ୍ନୟନ, ସମାନତା ଓ ସହଜ ଜୀବନଶୈଳୀକୁ ଗୁରୁତ୍ୱ ଦେଇଛନ୍ତି। ସେ ଗାଁରେ ରହି ନିଜେ ଏକ ସାଧାରଣ ଜୀବନ ନେଇଛନ୍ତି ଏବଂ ଅନ୍ୟମାନଙ୍କୁ ମଧ୍ୟ ଏହା ପାଇଁ ପ୍ରେରଣା ଦେଇଛନ୍ତି। ତାଙ୍କର ଦୃଷ୍ଟିକୋଣ ହେଉଛି ଭାରତରୁ ବିଶ୍ୱସ୍ତରୀୟ ଟେକ୍ନୋଲୋଜି ନିର୍ମାଣ କରିବା ଏବଂ ଏହାକୁ ଗ୍ରାମୀଣ ଭାରତରେ ମଜବୁତ କରିବା।
ବ୍ୟକ୍ତିଗତ ଜୀବନ
ଶ୍ରୀଧର ନିଜର ବ୍ୟକ୍ତିଗତ ଜୀବନକୁ ବେଶୀ ପ୍ରକାଶ କରନ୍ତି ନାହିଁ। ସେ ତାମିଲନାଡୁର ଗ୍ରାମୀଣ ଅଞ୍ଚଳରେ ରହୁଛନ୍ତି ଏବଂ ସେଠାରେ ସେ ସ୍ଥାନୀୟ ସମୁଦାୟ ସହ ଜଡ଼ିତ ରହି କାମ କରୁଛନ୍ତି। ତାଙ୍କର ଏହି ଜୀବନଶୈଳୀ ତାଙ୍କୁ ଅନ୍ୟ ଟେକ୍ ଉଦ୍ୟୋଗୀମାନଙ୍କଠାରୁ ଅଲଗା କରିଥାଏ।
ଶ୍ରୀଧର ଭେମ୍ବୁଙ୍କ କାହାଣୀ ଏକ ପ୍ରେରଣାଦାୟୀ ଉଦାହରଣ ଯେ କିପରି ନିଷ୍ଠା, ଦୃଷ୍ଟିକୋଣ ଏବଂ ସ୍ଥାନୀୟ ପ୍ରତିଭାର ବ୍ୟବହାର କରି ବିଶ୍ୱସ୍ତରୀୟ ସଫଳତା ହାସଲ କରାଯାଇପାରେ।
ALSO READ https://purvapaksa.com/go-back-to-pakistan/
