Snake: କାତି ଛାଡିବା ପରେ ସାପକୁ ନୂଆ ଚର୍ମ ମିଳିଥାଏ ଏବଂ ତା’ ଶରୀରରେ ଜମା ହୋଇଥିବା ବ୍ୟାକ୍ଟେରିଆ ମଧ୍ୟ ଦୂର ହୋଇଯାଏ, ଯାହା ଦ୍ୱାରା ସାପଟି ବହୁତ ଚଞ୍ଚଳ ଅନୁଭବ କରିଥାଏ ।
ସାପ ସବୁବେଳେ ମଣିଷକୁ ଆକର୍ଷିତ କରିଆସିଛି। ସେମାନଙ୍କ ଦୁନିଆ ରହସ୍ୟରେ ଭରି ରହିଛି ଏବଂ ସାପକୁ ନେଇ ଅନେକ କାହାଣୀ ରହିଛି । ଉଦାହରଣ ସ୍ୱରୂପ, ସାପର କାତି ଛାଡ଼ିବା । ଏହାକୁ ନେଇ ଅନେକ ବିଶ୍ୱାସ ମଧ୍ୟ ରହିଛି, କିନ୍ତୁ ଆଜି ଆମେ ଏହାର ବୈଜ୍ଞାନିକ ଦିଗ ବିଷୟରେ ଆଲୋଚନା କରିବୁ ।
ସାପର ଜୀବନ ଅନ୍ୟ ଜୀବମାନଙ୍କ ଠାରୁ ବହୁତ ଭିନ୍ନ । ସେମାନଙ୍କ ଜୀବନର ଏକ ଗୁରୁତ୍ୱପୂର୍ଣ୍ଣ ପ୍ରକ୍ରିୟା ହେଉଛି ସେମାନଙ୍କ ଚର୍ମକୁ ଛଡ଼ାଇବା । ପ୍ରାୟ ପ୍ରତ୍ୟେକ ସାପ ନିଜ ଜୀବନକାଳ ମଧ୍ୟରେ ଚାରିରୁ ପାଞ୍ଚ ଥର ନିଜର ଚର୍ମ ଛାଡିଥାଏ । ଏହା ଏକ ସ୍ୱାଭାବିକ ପ୍ରକ୍ରିୟା ।
ସାପମାନଙ୍କ ଚର୍ମ ଛାଡିବା ପ୍ରକ୍ରିୟାକୁ ମୋଲ୍ଟିଂ କୁହାଯାଏ । ଶରୀରରେ ପରିବର୍ତ୍ତନ ଆସିଲେ ସାପ ତା’ର ଚର୍ମ ଛାଡି ଦିଏ; ସାପର ଶରୀର ବଢ଼ିଲେ ତା’ର ଚର୍ମ ଖସିଯାଏ।
ଚର୍ମ ଛାଡିବା ପରେ ସାପକୁ ନୂଆ ଚର୍ମ ମିଳିଥାଏ ଏବଂ ତା’ ଶରୀରରେ ଜମା ହୋଇଥିବା ବ୍ୟାକ୍ଟେରିଆ ମଧ୍ୟ ଦୂର ହୋଇଯାଏ, ଯାହା ଫଳରେ ସାପଟି ବହୁତ ଚଞ୍ଚଳ ଅନୁଭବ କରିଥାଏ । କୁହାଯାଏ ଯେ ଏହି କାରଣରୁ ସାପମାନେ ଚର୍ମ ଛାଡିବା ପରେ ବହୁତ ବିପଜ୍ଜନକ ହୋଇଯାଆନ୍ତି ।
କ’ଣ ଆପଣ ଜାଣନ୍ତି କି ସାପ ସବୁବେଳେ ବୁଦା କିମ୍ବା କୌଣସି ସ୍ଥାନରେ ଲୁଚି ରହି ନିଜର ଚର୍ମ ଛଡେଇଥାନ୍ତି । ବାସ୍ତବରେ ଚର୍ମ ଛାଡ଼ିବା ପ୍ରକ୍ରିୟାରେ ଅନେକ ଘଣ୍ଟାରୁ ଅନେକ ଦିନ ସମୟ ଲାଗିପାରେ ।
ସାପମାନେ ଯେତେବେଳେ ନିଜ ଚର୍ମକୁ ଛଡ଼ାଇଥାନ୍ତି, ସେତେବେଳେ ସେମାନେ ବହୁତ ଯନ୍ତ୍ରଣା ଅନୁଭବ କରନ୍ତି । ଏହା ସହିତ ସାପର ଆଖି ଧଳା ଓ ମେରୁନ ହୋଇଯାଏ, ଯାହା ଦ୍ୱାରା ସେମାନଙ୍କ ଦୃଶ୍ୟତା କମିଯାଏ । ତେଣୁ ସାପମାନେ ଅନ୍ୟ ଜୀବଜନ୍ତୁଙ୍କ ଶିକାରରୁ ବର୍ତ୍ତିବା ପାଇଁ ଲୁଚି ରହିଥାନ୍ତି।
କୁହାଯାଏ ଯେ ସାପମାନେ ଚର୍ମ ଛାଡିବା ସମୟରେ ସବୁଠାରୁ ଅଧିକ ଅସୁରକ୍ଷିତ ହୋଇଥାନ୍ତି, ଏହି କାରଣରୁ ସେମାନେ ଲୁଚି ରହିଥାନ୍ତି ।
ALSO READ: https://purvapaksa.com/holi-celebrations-worldwide-know-how-many-countries-celebrate/
କ’ଣ ଆପଣ ଜାଣନ୍ତି କି, କେବଳ ଭାରତରେ ନୁହେଁ ହୋଲିକୁ ଅନେକ ଦେଶରେ ମଧ୍ୟ ଖୁବ ଧୁମଧାମରେ ପାଳନ କରାଯାଏ
