Mahakumbh: ଉତ୍ତରପ୍ରଦେଶର ପ୍ରୟାଗରାଜରେ ଅନୁଷ୍ଠିତ ହୋଇଛି ଆସ୍ଥାର ମହାକୁମ୍ଭ ।
ଜାନୁଆରୀ ୧୩ତାରିଖରୁ ଆରମ୍ଭ ହୋଇଥିବା ଏହି ମହାକୁମ୍ଭ ଫେବ୍ରୁଆରି ୨୬ ତାରିଖ ପର୍ଯ୍ୟନ୍ତ ଚାଲିବ। କୋଟି କୋଟି ଶ୍ରଦ୍ଧାଳୁ ପବିତ୍ର ସ୍ନାନ କରିବାକୁ ଆସିସାରିଥିବା ବେଳେ ଆହୁରି ଲକ୍ଷ ଲକ୍ଷ ଶ୍ରଦ୍ଧାଳୁ ଆସିବେ ବୋଲି ଆଶା କରାଯାଉଛି। ସାଧାରଣ ଶ୍ରଦ୍ଧାଳୁଙ୍କ ବ୍ୟତୀତ ଆଖାଡ଼ା ମଧ୍ୟ ଉପସ୍ଥିତ ଥାଆନ୍ତି, ଯେଉଁଥିରେ ସାଧୁ ସନ୍ଥ ମାନେ ରହୁଛନ୍ତି । ମହାକୁମ୍ଭରେ ସମୁଦାୟ ୧୩ଟି ଆଖାଡ଼ା ରହିଛି।
ଏହି ସବୁ ଆଖଡ଼ା ମଧ୍ୟରେ ଅନେକ ମହାମଣ୍ଡଳେଶ୍ୱର ମଧ୍ୟ ଅଛନ୍ତି । ନିକଟରେ ବଲିଉଡ଼ର ପୂର୍ବତନ ଅଭିନେତ୍ରୀ ମମତା କୁଲକର୍ଣ୍ଣିଙ୍କୁ କିନ୍ନର ଆଖଡ଼ାର ମହାମଣ୍ଡଳେଶ୍ୱର କରାଯାଇଥିଲା। ତେବେ ଏହାକୁ ନେଇ ବିବାଦ ଉପୁଜିବା ପରେ ତାଙ୍କୁ ମଧ୍ୟ ଏହି ପଦରୁ ହଟାଇ ଦିଆଯାଇଥିଲା। ତାଙ୍କ ବ୍ୟତୀତ ଅନ୍ୟ କେତେଜଣଙ୍କୁ ଏହି ମହାକୁମ୍ଭରେ ମହାମଣ୍ଡଳେଶ୍ୱର ଉପାଧି ଦିଆଯାଇଛି। ଆସନ୍ତୁ ଜାଣିବା ଚଳିତ ବର୍ଷ କେତେ ଲୋକ ମହାମଣ୍ଡଳେଶ୍ୱର ହୋଇଛନ୍ତି। ଏଠାରେ ସମସ୍ତ ଆଖଡ଼ା ବିଷୟରେ ସମ୍ପୂର୍ଣ୍ଣ ସୂଚନା ଦିଆଯାଇଛି ।
ମହାମଣ୍ଡଳେଶ୍ୱର କିପରି ତିଆରି କରାଯାଏ ?
ଯେକୌଣସି ଆଖଡ଼ାର ମହାମଣ୍ଡଳେଶ୍ୱର ହେବା ସହଜ କାମ ନୁହେଁ। ଏଥିରେ ଏକ ଜଟିଳ ପ୍ରକ୍ରିୟା ଜଡ଼ିତ। ଚାକିରି ଭଳି ଉକ୍ତ ବ୍ୟକ୍ତିଙ୍କ ବିଷୟରେ ମଧ୍ୟ ଗଭୀର ଅନୁସନ୍ଧାନ କରାଯାଇଥାଏ। ସବୁ ଦିଗ ଠିକ୍ ପ୍ରମାଣିତ ହେବା ପରେ ହିଁ ମହାମଣ୍ଡଳେଶ୍ୱର ତିଆରି କରାଯାଏ । ମହାମଣ୍ଡଳେଶ୍ୱର ହେବାକୁ ହେଲେ ଆଚାର୍ଯ୍ୟ-ଶାସ୍ତ୍ରୀଙ୍କ ଭଳି ପଦବୀରେ ରହିବା ନିହାତି ଜରୁରୀ। ସେମାନେ ବେଦଙ୍ଗରେ ଶିକ୍ଷା ଲାଭ କରିବା ଆବଶ୍ୟକ । ଯଦି ସେମାନଙ୍କ ପାଖରେ ଏଭଳି କୌଣସି ଡିଗ୍ରୀ ନାହିଁ, ତେବେ ସେମାନେ କଥା ବଚକ ହେବା ଜରୁରୀ ।
ଜାନୁଆରୀ ୨୭ରେ କୁମ୍ଭମେଳାରେ ପିଲିଭିତ ବରଖେଡା ବିଧାନସଭାର ବିଧାୟକ ଜୟଦ୍ରଥଙ୍କ ସମେତ ୧୭ ଜଣଙ୍କୁ ମହାମଣ୍ଡଳେଶ୍ୱର ଭାବେ ନିଯୁକ୍ତ କରାଯାଇଛି । ସେହିପରି ଦିଲ୍ଲୀର ସ୍ୱାମୀ ଶ୍ରୀ ନିବାସନ କାର୍ତ୍ତିକୟନ ନାରାୟଣ ଓ ପ୍ରୟାଗରାଜର ସ୍ୱାମୀ ବଳଯୋଗୀ ବିନୟାନନ୍ଦ ଗିରିଙ୍କୁ ନିରଞ୍ଜନୀ ଆଖଡ଼ାରେ ମହାମଣ୍ଡଳେଶ୍ୱର କରାଯାଇଛି। ରାଜସ୍ଥାନଉଦୟପୁରର ହିତେଶ୍ୱରାନନ୍ଦ ସରସ୍ୱତୀଙ୍କୁ ଶ୍ରୀ ମହାନବାଣୀ ଆଖଡ଼ା ମହାମଣ୍ଡଳେଶ୍ୱର ଭାବେ ନିଯୁକ୍ତ କରିଛନ୍ତି।
ପିଲିଭିତର ପୀଠଧିଶ୍ୱର ପ୍ରଭାତାନନ୍ଦଙ୍କୁ ମହାମଣ୍ଡଳେଶ୍ୱର କରାଯାଇଛି। ସାଧ୍ୱୀ ଡାକ୍ତର ଗୀତା ଶ୍ରୀହରିଙ୍କୁ ନିର୍ମଳ ଆଖଡ଼ା ପକ୍ଷରୁ ମହାମଣ୍ଡଳେଶ୍ୱର ଭାବେ ନିଯୁକ୍ତ କରାଯାଇଛି। ଜୁନା ଆଖଡ଼ାରୁ ସ୍ୱାମୀ ବିଶ୍ୱେଶ୍ୱର ଭାରତୀ, ସ୍ୱାମୀ ଅନନ୍ତାନନ୍ଦ, ଆନନ୍ଦବାନ ଭାରତୀ, ସ୍ୱାମୀ ବଳରାମ ପୁରୀ, ଆତ୍ମବନ୍ଦନା ଗିରି, ସ୍ୱାମୀ ବିଷ୍ଣୁ ଗିରି, ସ୍ୱାମୀ ଋଷି ଭାରତୀ, ବିଶ୍ୱେଶ୍ୱରୀ ମାତା, ସ୍ୱାମୀ ବୀରେନ୍ଦ୍ର ଗିରି ଓ ମନୋରମା ଗିରିଙ୍କୁ ମହାମଣ୍ଡଳେଶ୍ୱର ଉପାଧି ପ୍ରଦାନ କରାଯାଇଛି ।
ଜୁନା ଆଖଡ଼ାରେ ୭୧ ଜଣଙ୍କୁ ମହାମଣ୍ଡଳେଶ୍ୱର କରାଯାଇଛି। ଏହି କୁମ୍ଭରେ ଜୁନା ଆଖଡ଼ା ଏସସି-ଏସଟି ସମ୍ପ୍ରଦାୟର ୭୧ ଜଣ ବ୍ୟକ୍ତିଙ୍କୁ ମହାମଣ୍ଡଳେଶ୍ୱର ଉପାଧି ପ୍ରଦାନ କରିଛି । ସେହିପରି ଗୁଜୁରାଟରୁ ୧୫, ମହାରାଷ୍ଟ୍ରର ୧୨, ଛତିଶଗଡ଼ର ୧୨, ଝାଡ଼ଖଣ୍ଡରୁ ୯, ମଧ୍ୟପ୍ରଦେଶରୁ ୮, କେରଳର ୮ ଓ ଓଡ଼ିଶାରୁ ୭ ଜଣ ଅଛନ୍ତି।
ରତ୍ନଗିରିରେ ଏଏସଆଇ ଖନନ ସମୟରେ ମିଳିଲା ବିରାଟ ବୁଦ୍ଧ ମୁଣ୍ଡ, ବିଶାଳ ତାଳ: ଏହାର ଅର୍ଥ କ’ଣ?
