- ରାଜ ମହଲର ମୂଲ୍ୟ ୨୪,୦୦୦ କୋଟି ଟଙ୍କା
Lakshmi Vilas Palaceବରୋଦାର ଗାଏକୱାଡ ରାଜ ପରିବାର ଏକ ବିଶାଳ ପ୍ୟାଲେସରେ ରହୁଛି, ଯାଉଁ ପ୍ୟାଲେସ ବ୍ରିଟେନର ବଙ୍କିଂହାମ ପ୍ୟାଲେସ ୪ଗୁଣ ବଡ଼। ଏହି ରାଜ ମହଲର ନାମ ଲକ୍ଷ୍ମୀ ବିଳାସ ପ୍ୟାଲେସ। ଗାଏକୱାଡ ରାଜପରିବାର ବିଳାସପୂର୍ଣ୍ଣ ଜୀବନ ଶୈଳୀ, ସୌଖିନ ପୁରୁଣା କାର୍ ସଂଗ୍ରହ ଏବଂ ମରାଠା ବୀରତ୍ୱର ଇତିହାସ ପାଇଁ ଜଣାଶୁଣା । କ୍ରିକେଟ୍ ସଫଳତାଠାରୁ ଆରମ୍ଭ କରି ସାଂସ୍କୃତିକ ସମ୍ପଦର ସଂରକ୍ଷଣ ପର୍ଯ୍ୟନ୍ତ ଏହି ପରିବାର ପରମ୍ପରାକୁ ଆଧୁନିକତା ସହ ମିଶାଇ ଭାରତର ଅନ୍ୟତମ ପ୍ରସିଦ୍ଧ ରାଜଐତିହ୍ୟକୁ ସୁରକ୍ଷିତ ରଖିଛନ୍ତି।
ଯେତେବେଳେ କେହି ଗୁଜରାଟ କଥା କୁହନ୍ତି, ସେତେବେଳେ ଅଧିକାଂଶ ଲୋକଙ୍କ ମନରେ ଟଙ୍କା ଓ ବ୍ୟବସାୟ ଭାବନର ଆସିଥାଏ। ଅତୀତରେ ଏହା ଅନେକ ଦେଶୀୟ ରାଜ୍ୟ ଏବଂ ଆଜିର ବଡ଼ ବଡ଼ ନାମୀ ଦାବୀ ଲୋକମାନଙ୍କର ଘର। ଏସବୁ ଭିତରେ ବରୋଦା ରୟାଲ ଫ୍ୟାମିଲି ରହିଛି ଯିଏ କି ପ୍ରତିଷ୍ଠାତା କାର୍ଲ ବେଞ୍ଜଙ୍କ ଦ୍ୱାରା ଉଦ୍ଭାବିତ ପ୍ରଥମ କାର ୧୮୮୬ ବେଞ୍ଜ ପେଟେଣ୍ଟ ମୋଟରୱେଗନର ମାଲିକ । ଏହା ହେଉଛି ବରୋଦା ରୟାଲ ଫ୍ୟାମିଲି, ଯିଏ କି ବକିଂହାମ ପ୍ୟାଲେସଠାରୁ ଚାରି ଗୁଣ ବଡ଼ ଆକାରର ଏକ ମହଲରେ ରହୁଛନ୍ତି, ଯାହାର ସମ୍ପତ୍ତି ୨୦,୦୦୦ କୋଟି ଟଙ୍କାରୁ ଅଧିକ ।
ମହାରାଜା ସମରଜିତ ସିଂହ ଗାଏକୱାଡଙ୍କ ନେତୃତ୍ୱରେ ଗଠିତ ଏହି ପରିବାର ଇତିହାସ ଓ ଆଧୁନିକତାର ମିଶ୍ରଣ ପ୍ରଦାନ କରିଥାଏ । ୧୮୮୦ ଦଶକରେ ନିର୍ମିତ ବକିଂହାମ୍ ପ୍ୟାଲେସ୍ ଠାରୁ ୪ ଗୁଣ ବଡ଼ ୭୦୦ ଏକରରୁ ଅଧିକ ଜମିରେ ନିର୍ମିତ ୧୭୦ଟି କୋଠରୀ ବିଶିଷ୍ଟ ଲକ୍ଷ୍ମୀ ବିଳାସ ପ୍ୟାଲେସରେ ଏହି ପରିବାର ଅବସ୍ଥାନ କରନ୍ତି ଏବଂ ଏହି ମହଲରେ ରାଜା ରବି ବର୍ମାଙ୍କ ଅମୂଲ୍ୟ ଚିତ୍ର ରହିଛି। ବରୋଦା ମହାରାଜା ସୟାଜିରାଓ ଗାଏକୱାଡ ତୃତୀୟ ହିଁ ରାଜା ରବି ବର୍ମାଙ୍କୁ ୧୯୮୪ ମସିହାରେ ମୁମ୍ବାଇରେ ଏକ ଲିଥୋଗ୍ରାଫିକ୍ ପ୍ରେସ୍ ପ୍ରତିଷ୍ଠା କରିବାରେ ସାହାଯ୍ୟ କରିଥିଲେ । ଏହି ମହଲକୁ ବିଶ୍ୱର ସର୍ବବୃହତ ବ୍ୟକ୍ତିଗତ ବାସଭବନ ଭାବେ ତାଲିକାଭୁକ୍ତ କରାଯାଇଛି।
- ଆକର୍ଷଣୀୟ ରୟାଲ ଇତିହାସ
ପୂର୍ବତନ କ୍ରିକେଟର ସମରଜିତ ସିଂହ ଗାଏକୱାଡ ୨୦୧୨ରେ ତାଙ୍କ ପିତାଙ୍କ ଦେହାନ୍ତ ପରେ ମହାରାଜା ଭାବେ ଦାୟିତ୍ୱ ଗ୍ରହଣ କରିଥିଲେ। ଏବେ ସେ ମୋତି ବାଗ ଷ୍ଟାଡିୟମରେ ଥିବା ତାଙ୍କ ଏକାଡେମୀ ଜରିଆରେ କ୍ରିକେଟର ପ୍ରଚାର ପ୍ରସାର ପାଇଁ ଉତ୍ସର୍ଗୀକୃତ ଅଛନ୍ତି। ତାଙ୍କ ପତ୍ନୀ ମହାରାଣୀ ରାଧିକାରାଜେ ଗାଏକୱାଡ ଜଣେ ଐତିହାସିକ ଏବଂ ୱାଙ୍କନେର ରାଜପରିବାରର ପୂର୍ବତନ ସାମ୍ବାଦିକ । ସେମାନେ ମିଶି ରାଜଦାୟିତ୍ୱକୁ ବ୍ୟକ୍ତିଗତ ଉତ୍ସାହ ଏବଂ ଦୁଇ ଝିଅଙ୍କ ଲାଳନପାଳନ ସହିତ ସନ୍ତୁଳନ କରନ୍ତି ।
୨୦୧୨ମସିହାରେ ରାଜମୁକୁଟ ପରିଧାନ ଉତ୍ସବ ସମୟରେ ସମରଜିତ ସିଂହ ଗାଏକୱାଡ ତାଙ୍କ ମାମୁଁ ସଂଗ୍ରାମ ସିଂହ ଗାଇକୱାଡଙ୍କ ସହ ଦୀର୍ଘ ଦିନ ଧରି ଚାଲିଆସୁଥିବା ଉତ୍ତରାଧିକାର ବିବାଦର ସମାଧାନ କରିଥିଲେ । ଏହି ବୁଝାମଣା ତାଙ୍କୁ ଭବ୍ୟ ଲକ୍ଷ୍ମୀ ବିଳାସ ପ୍ୟାଲେସର ମାଲିକାନା ପ୍ରଦାନ କରିଥିଲା ।
ଏହି ପରିବାର ଗୁଜରାଟ ଏବଂ ବନାରସରେ ୧୭ଟି ଐତିହାସିକ ମନ୍ଦିରର ତଦାରଖ କରନ୍ତି ଏବଂ ୧୭୨୧ ମସିହାର ଏକ ପରମ୍ପରାକୁ ମନେ ପକାନ୍ତି, ଯେତେବେଳେ ସେମାନଙ୍କ ପୂର୍ବପୁରୁଷମାନେ ବରୋଦାକୁ ଏକ ସ୍ୱାଧୀନ ମରାଠା ରାଜ୍ୟ ଭାବରେ ପ୍ରତିଷ୍ଠା କରିଥିଲେ ।
ଏହି ସମୟରେ ମରାଠା ଜେନେରାଲ ପିଲାଜୀ ରାଓ ଗାଏକ୍ୱାଡ ମୋଗଲମାନଙ୍କ ଠାରୁ ବରୋଦାକୁ ଦଖଲ କରିଥିଲେ । ଛତ୍ରପତି ଶାହୁ ପ୍ରଥମ ଜାଗିର ଭାବରେ ସ୍ୱୀକୃତି ପାଇଥିବା ଏହି ପରିବାର ମରାଠା ଇତିହାସର ଏକ ପ୍ରମୁଖ ଅଂଶ ପାଲଟିଯାଇଥିଲା । ପାନିପତ ଯୁଦ୍ଧରେ ମରାଠା ପରାଜୟ (୧୭୬୧) ପରେ ଗାଏକୱାଡମାନେ ନିଜକୁ ସ୍ୱାଧୀନ ଶାସକ ଭାବରେ ପ୍ରତିଷ୍ଠିତ କରିଥିଲେ ।
ସେମାନେ ଯେଉଁ ମହଲରେ ରହୁଛନ୍ତି ତାହା ସେତେବେଳେ ମହାରାଜା ସୟାଜୀରାଓଙ୍କ ଦ୍ୱାରା ନିର୍ମାଣ କରାଯାଇଥିଲା । ୧୮୦୨ ମସିହା ବେଳକୁ ସେମାନେ ବ୍ରିଟିଶ ସାର୍ବଭୌମତ୍ୱକୁ ସ୍ୱୀକୃତି ଦେବା ବଦଳରେ ସ୍ଥାନୀୟ ସ୍ୱାଧୀନତା ହାସଲ କରି ବ୍ରିଟିଶମାନଙ୍କ ସହ କାମ୍ବେ ଚୁକ୍ତି ସ୍ୱାକ୍ଷର କରିଥିଲେ । ୧୯୩୪ ରୋଲ୍ସ-ରଏସ୍, ୧୯୮୪ର ବେଣ୍ଟଲେ ମାର୍କ ଷଷ୍ଠ, ୧୯୩୭ର ରୋଲ୍ସ ରଏସ୍ ଫ୍ୟାଣ୍ଟମ୍-୩ ଏବଂ ୧୮୮୬ ର ପ୍ରସିଦ୍ଧ ବେଞ୍ଜ ପେଟେଣ୍ଟ ମୋଟରଓ୍ଵାଗନ୍ ଭଳି ପୁରୁଣା କାର୍ ମଧ୍ୟ ସେମାନଙ୍କର ଆକର୍ଷଣକୁ ଆହୁରି ବଢ଼ାଇଛି।
previous article: https://purvapaksa.com/why-does-this-planet-like-jupiter-have-a-tail-that-is-thousands-of-kilometers-long/
