ପୁରୀର ନିମାପଡ଼ା ପୋଲିସ ଷ୍ଟେସନ ବାହାରେ ଯୁବକଙ୍କ ମୃତ୍ୟୁ ପ୍ରତିବାଦରେ ଆରମ୍ଭ ହୋଇଛି ବିକ୍ଷୋଭ | ମଙ୍ଗଳବାର ସକାଳେ ଓଡ଼ିଶା ପୁରୀ ଜିଲ୍ଲାର ନିମାପଡ଼ା ଅଞ୍ଚଳରେ ଜଣେ ଯୁବକଙ୍କ ମୃତଦେହ ଗଛରେ ଝୁଲୁଥିବା ଦେଖିବାକୁ ମିଳିଥିଲା | ଏହା ପରେ ଗାଁ ଲୋକମାନେ ସ୍ଥାନୀୟ ପୋଲିସ ଷ୍ଟେସନ ସମ୍ମୁଖରେ ମୃତଦେହ ରଖି ବିକ୍ଷୋଭ କରିଛନ୍ତି | ମୃତକଙ୍କ ନାମ ସୁବ୍ରତ ଭୋଇ। ନିମାପଡ଼ା ଅଞ୍ଚଳ ଅନ୍ତର୍ଗତ ଡିହାବାଡ଼ି ଗ୍ରାମ ନିକଟରୁ ତାଙ୍କ ମୃତଦେହ ଉଦ୍ଧାର କରାଯାଇଛି। ରିପୋର୍ଟ ଅନୁଯାୟୀ, ଜଣେ ନାବାଳିକା ଝିଅକୁ ଅପହରଣ ଅଭିଯୋଗରେ ପୋଲିସ ସୋମବାର ଯୁବକଙ୍କୁ ପଚରାଉଚରା ପାଇଁ ନେଇଥିଲା।
ଝୁଲନ୍ତା ଅବସ୍ଥାରେ ମିଳିଛି ଶରୀର
ପୁଲିସ କହିଛି ଯେ , ମଙ୍ଗଳବାର ସକାଳେ ସୁବ୍ରତ ଭୋଇଙ୍କ ମୃତଦେହ ଗାଁ ପଡ଼ିଆରେ ଥିବା ଏକ ଗଛରେ ଝୁଲନ୍ତା ଅବସ୍ଥାରେ ମିଳିଥିଲା । ପରେ ତାଙ୍କୁ ଉଦ୍ଧାରକରି ହସ୍ପିଟାଲକୁ ନିଆଯାଇଥିଲା ଯେଉଁଠି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ ଘଟଣା ପରେ ଅଞ୍ଚଳରେ ସୃଷ୍ଟି ହୋଇଥିଲା ଉତ୍ତେଜନା | ଶହ ଶହ ଗ୍ରାମବାସୀ ନିମାପଡ଼ା ପୋଲିସ ଷ୍ଟେସନ ସମ୍ମୁଖରେ ଏକାଠି ହୋଇ ନ୍ୟାୟ ଦାବି କରିବା ସହ ମୃତଦେହକୁ ରଖି ଧାରଣା ଦେଇଥିଲେ।
ପରିବାର ପକ୍ଷରୁ ପୋଲିସ ନିର୍ଯାତନା ଅଭିଯୋଗ
ପରିବାର ସଦସ୍ୟମାନେ ଅଭିଯୋଗ କରିଛନ୍ତି ଯେ , ପୋଲିସ ଦ୍ୱାରା କଥିତ ନିର୍ଯାତନା ସହ୍ୟ କରିନପାରି ଯୁବକ ଜଣକ ନିଜ ଜୀବନ ନେଇଛି । ମୃତକଙ୍କ ଭାଇ ଅଭୟ ଭୋଇ କହିଛନ୍ତି, “ମୁଁ ଜାଣିନାହିଁ ସେ ଗତକାଲି କେଉଁଠାକୁ ଯାଇଥିଲେ । ସେମାନେ ତାଙ୍କୁ ଛାଡି ନଥିଲେ ଏବଂ ଆମେ ଜାଣିନାହୁଁ ସେମାନେ ତାଙ୍କୁ ବିଳମ୍ବିତ ରାତିରେ କେଉଁଠାକୁ ନେଇଯାଇଥିଲେ। ଆମେ ଆଜି ସକାଳେ ତାଙ୍କୁ ଝୁଲନ୍ତା ଅବସ୍ଥାରେ ପାଇଲୁ। ନିମାପଡ଼ା ପୋଲିସ ଷ୍ଟେସନର ଏସ୍.ଆଇ. ତାଙ୍କ ମୃତ୍ୟୁ ପାଇଁ ଦାୟୀ।”
ପୋଲିସ ଅଭିଯୋଗକୁ ଅସ୍ୱୀକାର କରିଛି
ନିମାପଡ଼ା ଏସଡିପିଓ ପରିବାର ଦ୍ୱାରା କରାଯାଇଥିବା ଅଭିଯୋଗକୁ ଅସ୍ୱୀକାର କରି କହିଛନ୍ତି ଯେ ଯୁବକଙ୍କୁ କେବେ ଥାନାକୁ ଅଣାଯାଇ ନଥିଲା। “ଗତକାଲି ରାତିରେ ଯୁବକଙ୍କ ପରିବାର ଝିଅକୁ ହସ୍ତାନ୍ତର କରିଥିଲେ । ଏବେ ସେମାନେ ଅଭିଯୋଗ କରୁଛନ୍ତି ଯେ ସେମାନେ ତାଙ୍କୁ ଗାଁର ଶ୍ମଶାନରେ ଝୁଲନ୍ତା ଅବସ୍ଥାରେ ପାଇଥିଲେ। ତା’ପରେ ସେମାନେ ତାଙ୍କୁ ଡାକ୍ତରଖାନାକୁ ନେଇଗଲେ ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହା ପରେ, ସେମାନେ ରାଗରେ ତାଙ୍କ ମୃତଦେହ ଆଣି ଥାନା ସମ୍ମୁଖରେ ରଖିଥିଲେ,” ।
ହାଜତ ନିର୍ଯାତନା ଅଭିଯୋଗର ଜବାବରେ, SDPO ଆହୁରି କହିଛନ୍ତି, “ପୁଲିସ୍ ତାଙ୍କୁ କେବେ ନିର୍ଯାତନା ଦେଇନାହିଁ। ଅଧିକାରୀମାନେ ତାଙ୍କୁ କେବେ ଭେଟି ନାହାଁନ୍ତି। ପରିବାର ଯେଉଁ ଅଧିକାରୀଙ୍କୁ ନେଇ ଅଭିଯୋଗ କରୁଛନ୍ତି, ସେ ଯୁବକଙ୍କ ବାସଭବନକୁ ତଦନ୍ତ ପାଇଁ ଯାଇଥିଲେ ସତ କିନ୍ତୁ ତାଙ୍କୁ ଭେଟି ନଥିଲେ।” ତେବେ ଯୁବକଙ୍କୁ କେବେ ଷ୍ଟେସନକୁ ଅଣା ହିଁ ଯାଇ ନଥିଲା ଏନେଇ ପୋଲିସ ଷ୍ଟେସନର CCTV ଫୁଟେଜ୍ ଯାଞ୍ଚ କରାଯାଇପାରିବ ଓ ପ୍ରମାଣ ଦିଆଯାଇପାରିବା ନେଇ ସେ କହିଛନ୍ତି |
also read : https://purvapaksa.com/4-minors-held-day-after-passing-comments/
କମେଣ୍ଟ ମରାକୁ ନେଇ ସପ୍ତମ ଶ୍ରେଣୀ ଛାତ୍ର ଧରିଲା ଛୁରୀ | 4 minors held day after passing comments
