ନୂଆପଡ଼ା ଉପନିର୍ବାଚନ ଭୋଟ୍ ତାରିଖ ଯେତିକି ପାଖେଇ ଆସୁଛି ଓଡ଼ିଶାର ରାଜନୀତିକ ତାପମାତ୍ରା ସେତିକି ବଢ଼ିବା ଆରମ୍ଭ ହୋଇଛି। ଏହି ଉପନିର୍ବାଚନ ବିଜୁ ଜନତା ଦଳ ପାଇଁ ଏକ ମାନସିକ ଓ ରାଜନୀତିକ ପରୀକ୍ଷା। ଦଶକ ଧରି ରାଜ୍ୟରେ ଶାସନ କରୁଥିବା ଏହି ଦଳ ଆଜି ନୂଆପଡ଼ାରେ ନିଜ ସ୍ଥିତି ରକ୍ଷା କରିବା ପାଇଁ ସଂଘର୍ଷ କରୁଛି। ଏବେ ଏହି ଯୁଦ୍ଧରେ ବିଜେଡିର ପାଦକୁ ନିଜ ମଣିଷ ବିକ୍ରମ ପଣ୍ଡା ଏକ ‘କଣ୍ଟା’ ଭଳି ଲାଗିବା ଆରମ୍ଭ କରିଛି।
ବିକ୍ରମ ପଣ୍ଡା ନୂଆପଡ଼ାରେ ବିଜେଡିର ଏକ ପ୍ରମୁଖ ମୁହଁ । ଦଳ ତାଙ୍କୁ ଉପନିର୍ବାଚନ ପାଇଁ ଷ୍ଟାର ପ୍ରଚାରକ ଭାବରେ ଘୋଷଣା କରିଥିଲା। ସେ ଦଳର ପ୍ରଚାର ଯାନ୍ତ୍ରଣାର ଅଂଶ ଭାବରେ ତିନିଟି ମୁଖ୍ୟ କମିଟିରେ ନିଯୁକ୍ତ ହୋଇଥିଲେ-ନିର୍ବାଚନ ପରିଚାଳନା,ସମ୍ପର୍କ ସମ୍ପାଦନ ଓ ଜନସମ୍ପର୍କ ଯୋଜନା। ଏହା ବିଜେଡିର ପକ୍ଷରୁ ତାଙ୍କ ଉପରେ ଭରସା ଓ ଗୁରୁତ୍ୱ ଦେଖାଉଥିଲା। କିନ୍ତୁ ଏବେ ସେହି ଭରସା ଉପରେ କଳା ଛାୟା ପଡ଼ିଛି। ବିକ୍ରମ ପଣ୍ଡା ଏକ ହତ୍ୟା ମାମଲାରେ ଅଭିଯୁକ୍ତ ହୋଇଛନ୍ତି। ଏହି ଘଟଣା ବିଜେଡିର ନୈତିକ ଛବିକୁ ଧୋକା ଦେଉଛି, ଅପରପକ୍ଷରେ ନୂଆପଡ଼ା ଯୁଦ୍ଧରେ ତାଙ୍କର ଯୋଜନାକୁ ମଧ୍ୟ ଅସ୍ଥିର କରିଦେଇଛି।
ନୂଆପଡ଼ା ଉପନିର୍ବାଚନକୁ ବିଜେଡି ମାନସିକ ଯୁଦ୍ଧ ଭାବରେ ଦେଖୁଛି। ମୋହନ ମାଝୀଙ୍କ ନେତୃତ୍ୱରେ ବିଜେପି ସରକାର ଗଠନ ପରେ ଏହା ଦଳର ପ୍ରଥମ ମହତ୍ୱପୂର୍ଣ୍ଣ ଉପନିର୍ବାଚନ। ଏହି ଫଳାଫଳ ଦେଖାଇବ କି- ନବୀନ ପଟ୍ଟନାୟକଙ୍କ ପ୍ରଭାବ ଅଦ୍ୟାପି ଲୋକପ୍ରିୟ କି ନାହିଁ? କିନ୍ତୁ ଏବେ ବିଜେଡି ପାଇଁ ଯେଥେଷ୍ଟ ଦୁର୍ବଳ ସ୍ଥିତି ସୃଷ୍ଟି ହୋଇଛି। ହତ୍ୟା ଅଭିଯୋଗ ମାମଲାରେ ତାଙ୍କ ଷ୍ଟାର ପ୍ରଚାରକ ଜଡ଼ିତ ହେବାରେ ବିଜେପି ଓ କଂଗ୍ରେସ ଦୁଇ ଦଳ ଏହାକୁ ଅସ୍ତ୍ର ଭାବେ ବ୍ୟବହାର କରିବାକୁ ଚେଷ୍ଟା କରିବେ।
ବିଜେଡି ସାଧାରଣତଃ ଚାଲାକ ପ୍ରଚାର ଓ ଭଲ ନାରେଟିଭ ସୃଷ୍ଟି କରି ଅନ୍ୟ ଦଳଙ୍କୁ ଆକ୍ରମଣ କରିଥାଏ। ଏଥର ଦଳ ରକ୍ଷାତ୍ମକ ମୁଡ଼ରେ ରହିବ। ବିକ୍ରମ ପଣ୍ଡା ମାମଲାରେ ଦଳ ନିଜକୁ ସାମାଜିକ ମାଧ୍ୟମ ଓ ମାଧ୍ୟମିକ ଚାପରୁ ରକ୍ଷା କରିବାରେ ବ୍ୟସ୍ତ ରହିବ।
ଏହାର ଫଳ ହେଲା- ବିଜେଡି ପ୍ରଚାରରେ ପ୍ରତିଆକ୍ରମଣ କରିପାରିବ ନାହିଁ । “ବିଜେଡି ହତ୍ୟାକାରୀ ଦଳ” ବୋଲି ଅଭିଯୋଗ କରି ତଳସ୍ତରରେ ବିଜେପି ଓ କଂଗ୍ରେସ ନାରେଟିଭ ଗଢ଼ୁଛନ୍ତି । ଏହି ପ୍ରଚାର ନୂଆପଡ଼ାର ଗାଁ ଗାଁ ଘୁରୁଛି ଓ ମତଦାତାଙ୍କ ମନରେ ସନ୍ଦେହ ସୃଷ୍ଟି କରୁଛି। ବିଜେପି ଏହି ଅଭିଯୋଗକୁ ନିଜ ପାଇଁ ସୁଯୋଗ ଭାବରେ ନେଇଛି। ସେମାନେ ମତଦାତାଙ୍କ ମଧ୍ୟରେ ଏକ ସ୍ପଷ୍ଟ ମେସେଜ ପଠାଇବାରେ ଲାଗିଛନ୍ତି- ବିଜେଡି ଆଜି ଜନସେବାରୁ ଦୂରରେ, ଅପରାଧ ଓ ଦୁର୍ନୀତିରେ ଜଡ଼ିତ।
କଂଗ୍ରେସ ମଧ୍ୟ ବିଜେପି ତାଳରେ ନିଜ ସୁର ଯୋଡ଼ିଛି। ସେମାନେ ଜୋର ଦେଉଛନ୍ତି ଯେ ବିଜେଡି ଓ ବିଜେପି ଦୁଇଟି ଦଳ ଅପରାଧୀକରଣରେ ଲିପ୍ତ କିନ୍ତୁ ଏବେ ବିଜେଡି ନିଜ ଦଳର ନେତାଙ୍କୁ ସୁରକ୍ଷା କରି ନୈତିକତା ହରାଇଛି।ଗ୍ରାମାଞ୍ଚଳରେ ମତଦାତାଙ୍କ ମନୋଭାବ ସର୍ବଦା ସମ୍ବେଦନଶୀଳ। ଯେତେବେଳେ ହତ୍ୟା ଓ ଅପରାଧର ଖବର ଗୋଟିଏ ପ୍ରାର୍ଥୀ କିମ୍ବା ନେତାଙ୍କ ସହ ଯୋଡ଼ିଯାଏ, ସେଥିରୁ ଜନମନରେ ଅସ୍ଥିରତା ସୃଷ୍ଟି ହୋଇଥାଏ। ବିକ୍ରମ ପଣ୍ଡା ମାମଲା ଏହି ପରିସ୍ଥିତିକୁ ଉତ୍ପନ୍ନ କରିଛି। ମତଦାତା ମଧ୍ୟରେ ଏକ ଧାରଣା ବଢ଼ୁଛି ଯେ ବିଜେଡି ଦଳ ଅପରାଧୀଙ୍କୁ ଆଶ୍ରୟ ଦେଉଛି।
ଏହି ଧାରଣା ଦଳ ପାଇଁ ହାନିକାରକ, ବିଶେଷକରି ଏକ ଉପନିର୍ବାଚନରେ ଯେଉଁଠାରେ ଗୋଟିଏ ଭୋଟ ବିଭାଜନ ହେଲେ ବିଜେପି ପାଇଁ ଲାଭଦାୟକ ହେବ । ବିଜେଡି ଏହି ଅଭିଯୋଗରେ ସିଧାସଳଖ ଉତ୍ତର ଦେଇନାହିଁ। ଦଳର ମୁଖପାତ୍ରମାନେ କେବଳ ଏତିକି କହିଛନ୍ତି ଯେ “ଆଇନ ତାହାର କାମ କରିବ”। ଏହା ଦଳର ଏକ ସାବଧାନ ପଦକ୍ଷେପ, କିନ୍ତୁ ଏହା ମତଦାତାଙ୍କ ମନରେ ବିଶ୍ୱାସ ଜଗାଇପାରୁନାହିଁ। ଅଧିକାଂଶ ରାଜନୀତିକ ବିଶ୍ଳେଷକଙ୍କ ମତ ହେଉଛି- ଏହି ନିର୍ବାଚନରେ ବିଜେଡି ନିଜ ଅଭିଯୁକ୍ତ ନେତାଙ୍କ ଛାୟାରୁ ମୁକ୍ତ ହୋଇ ଅସଲି ବିକାଶ ଏବଂ ସାଧୁ ଶାସନ ନାରେଟିଭକୁ ଆଗେଇ ଆଣିପାରିଲେ ଲଢ଼େଇ ଜିତିପାରିବ। ନଚେତ୍ ଅଭିଯୁକ୍ତ ନେତା ବିକ୍ରମ ପଣ୍ଡାଙ୍କ ପାଇଁ ଧରାଶାୟୀ ହେବ।
ନୂଆପଡ଼ା ଘଟଣା କେବଳ ଏକ ଆସନ ପର୍ଯ୍ୟନ୍ତ ସୀମିତ ନୁହେଁ। ଏହା ରାଜ୍ୟସ୍ତରରେ ବିଜେଡିର ନୀତିଗତ ଛବିକୁ ମଧ୍ୟ ପ୍ରଶ୍ନଚିହ୍ନ କରିଛି। ନବୀନ ପଟ୍ଟନାୟକଙ୍କ ଦଳ ଦୀର୍ଘଦିନ ଧରି ଶୁଚିତା ଓ ସାଧୁ ପ୍ରଶାସନର ଛବି ଉପରେ ଭିତ୍ତି କରି ଜିତିଆସିଛି। ଯଦି ଏବେ ଦଳ ଏହି ମାମଲାକୁ ସଠିକ୍ ଭାବେ ହାଣ୍ଡଲ କରିପାରିବ ନାହିଁ, ତେବେ ଏହା ଆଗାମୀ ନିର୍ବାଚନ ନାରେଟିଭରେ ମୁଖ୍ୟ ଆକ୍ରମଣ ବିଷୟ ହୋଇପାରେ।
ବିଜେଡି ଏପର୍ଯ୍ୟନ୍ତ ଅନେକ ରାଜନୀତିକ ଝଡ଼ ସହିଛି, ତଥାପି ନବୀନ ପଟ୍ଟନାୟକଙ୍କ ନିଜସ୍ଵ ଛବି ଓ ଶାସନ ନୀତି ଦଳକୁ ସଂରକ୍ଷିତ କରିଆସିଛି। କିନ୍ତୁ ବିକ୍ରମ ପଣ୍ଡା ମାମଲା ଏକ ଭିନ୍ନ ପରିସ୍ଥିତି। ଏହି ଘଟଣା ଦଳର ମଧ୍ୟସ୍ଥ ନେତୃତ୍ୱ ଓ ନୈତିକ ଦାୟିତ୍ୱକୁ ପ୍ରଶ୍ନଚିହ୍ନ ଭିତରକୁ ଆଣିଛି। ଯଦି ବିଜେଡି ଏହି ଘଟଣାକୁ ସଠିକ୍ ଭାବେ ନିୟନ୍ତ୍ରଣ କରିନପାରିବ, ତେବେ ଏହା କେବଳ ନୂଆପଡ଼ା ନୁହେଁ, ଆଗାମୀ ନିର୍ବାଚନରେ ମଧ୍ୟ ବିଜେଡି ପାଇଁ ଦୀର୍ଘକାଳୀନ ରାଜନୀତିକ କଣ୍ଟା ହେବ।
also read https://purvapaksa.com/father-is-law-minister-son-is-government-lawyer/
Father is Law Minister-Son is Government Lawyer II ବାପା ଆଇନ ମନ୍ତ୍ରୀ-ପୁଅ ସରକାରୀ ଓକିଲ
