ଅଘୋଷିତ ବିଦ୍ୟୁତ୍ କାଟ ହେଲେ ମିଳିବ ଜେଲ ଦଣ୍ଡ : ମୁଖ୍ୟମନ୍ତ୍ରୀ ମୋହନ ମାଝୀ || Unannounced power cuts in Odisha to attract jail sentences: CM Majhi

ଓଡ଼ିଶା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଅଘୋଷିତ ବିଦ୍ୟୁତ୍ କାଟ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ପାଇଁ ଦେଇଛନ୍ତି କଠୋର ଚେତାବନୀ । ସେ କହିଛନ୍ତି ଯେ ଏପରି ବିଭ୍ରାଟ ପାଇଁ ଦାୟୀ ଅଧିକାରୀମାନଙ୍କୁ ଜେଲଦଣ୍ଡ ଭୋଗିବାକୁ ପଡିବ। ଗ୍ରୀଷ୍ମ ମାସରେ ଅନିର୍ଦ୍ଧାରିତ ବିଦ୍ୟୁତ୍ ବିଭ୍ରାଟର ବାରମ୍ବାର ଅଭିଯୋଗ ଆସିବା ପରେ ମୁଖ୍ୟମନ୍ତ୍ରୀ ଦେଇଛନ୍ତି ଏପରି ନିର୍ଦ୍ଦେଶ ଦେଇଛନ୍ତି ।

ଅଧିକାରୀ ଏବଂ କମ୍ପାନୀଗୁଡ଼ିକୁ ଚେତାବନୀ

ଭୁବନେଶ୍ୱର ଉପକଣ୍ଠ ବାଲିଅନ୍ତାରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ଉଦବୋଧନ ଦେଇ ମୁଖ୍ୟମନ୍ତ୍ରୀ ବିଦ୍ୟୁତ୍ ବଣ୍ଟନ କମ୍ପାନୀ ଏବଂ ଅଧିକାରୀମାନଙ୍କୁ ଏକ କଠୋର ଚେତାବନୀ ଦେଇଛନ୍ତି । ସେ ଗୁରୁତ୍ୱାରୋପ କରିଛନ୍ତି ଯେ , ରାଜ୍ୟ ସରକାର ଅଘୋଷିତ ବିଭ୍ରାଟକୁ ସହ୍ୟ କରିବେ ନାହିଁ । ନିରବଚ୍ଛିନ୍ନ, ଉଚ୍ଚମାନର ଏବଂ ନିର୍ଭରଯୋଗ୍ୟ ବିଦ୍ୟୁତ୍ ଯୋଗାଣକୁ ସୁନିଶ୍ଚିତ କରିବା ପାଇଁ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଛନ୍ତି ।

ମାଝୀ କହିଛନ୍ତି, “ଆଉ କୌଣସି ବିଦ୍ୟୁତ୍ କାଟ ହେବ ନାହିଁ। ମୁଁ ଆମ ସରକାରଙ୍କ ପକ୍ଷରୁ ପ୍ରତିଶ୍ରୁତି ଦେଉଛି ଯେ ଗ୍ରୀଷ୍ମ ଋତୁ ଆରମ୍ଭ ହେବା ସହିତ, ଅନେକ ଲୋକ ଅଘୋଷିତ ବିଦ୍ୟୁତ୍ କାଟ ବିଷୟରେ ଅଭିଯୋଗ କରିଛନ୍ତି । ଗତ ବର୍ଷ ମଧ୍ୟ, ମୁଁ ଶକ୍ତି ବିଭାଗ ଏବଂ ମନ୍ତ୍ରୀ କେଭି ସିଂହ ଦେଓଙ୍କୁ ନିର୍ଦ୍ଦେଶ ଦେଇଥିଲି ଯେ କୌଣସି ବିଦ୍ୟୁତ୍ କାଟ ହେବ ନାହିଁ, ଏବଂ ଏହା କୌଣସି ପ୍ରକାରେ ହୋଇବି ନଥିଲା।”
ସେ ଆହୁରି କହିଛନ୍ତି, “ଓଡିଶା ସରକାର ଅଘୋଷିତ ବିଦ୍ୟୁତ୍ କାଟରେ ଲିପ୍ତ ହୁଅନ୍ତି ନାହିଁ । ଯଦି ଏପରି କୌଣସି ଘଟଣା କୌଣସି କର୍ତ୍ତୃପକ୍ଷ କିମ୍ବା କର୍ମଚାରୀ ଦ୍ୱାରା କରାଯାଏ, ତେବେ ଏହାକୁ ଏକ ଦଣ୍ଡନୀୟ କାର୍ଯ୍ୟ ଭାବରେ ବିବେଚନା କରାଯିବ । ସରକାରୀ ଅଧିକାରୀ ସମେତ ଦାୟୀ ବ୍ୟକ୍ତିଙ୍କୁ ଜେଲ୍ ଦଣ୍ଡରେ ଦଣ୍ଡିତ କରାଯିବ । ଏହି କ୍ଷେତ୍ରରେ କୌଣସି ସାଲିସ କରାଯିବ ନାହିଁ।”

ଭିତ୍ତିଭୂମି ବୃଦ୍ଧି ଘୋଷଣା

କାର୍ଯ୍ୟକ୍ରମ ସମୟରେ, ତିନୋଟି ନୂତନ ଗ୍ରୀଡ୍ ସବଷ୍ଟେସନ୍ ଏବଂ ଆଠଟି ଗୁରୁତ୍ୱପୂର୍ଣ୍ଣ ଟ୍ରାନ୍ସମିସନ୍ ଲାଇନ ଉଦ୍ଘାଟନ କରାଯାଇଥିଲା । ପ୍ରାୟ ୬୦୦କୋଟି ଟଙ୍କା ବ୍ୟୟରେ କଟକର ବାଲିଅନ୍ତା, ସତ୍ୟନଗର ଏବଂ ଏସସିବି ମେଡିକାଲରେ ଏହି ସବଷ୍ଟେସନ୍ ସବୁକୁ ସ୍ଥାପନ କରାଯାଇଥିଲା । ଏହି ପ୍ରକଳ୍ପଗୁଡ଼ିକର ଅନ୍ତର୍ଭୁକ୍ତ ସମଗ୍ର ଅଞ୍ଚଳରେ ପ୍ରାୟ ୨୨ଲକ୍ଷ ଗ୍ରାହକଙ୍କୁ ଉପକୃତ କରିବ ବୋଲି ଆଶା କରାଯାଉଥିବା ନେଇ କହିଛନ୍ତି ମନ୍ତ୍ରୀ ।

ନିର୍ଭରଯୋଗ୍ୟ ବିଦ୍ୟୁତ୍ ଯୋଗାଣ ପାଇଁ ଯୋଜନା

ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ ଭୁବନେଶ୍ୱରକୁ ଏକ ବିକଳ୍ପ ବିଦ୍ୟୁତ୍ ଉତ୍ସ ସହିତ ସଂଯୋଗ କରାଯାଇଛି । ଆଗାମୀ ଦିନରେ, କଟକ ଏବଂ ଭୁବନେଶ୍ୱର ଉଭୟକୁ ଏକାଧିକ ଫିଡର ଲାଇନ ମାଧ୍ୟମରେ ସଂଯୋଗ କରାଯିବ। ତାଙ୍କ କହିବା ଅନୁଯାୟୀ, ଏହି ପଦକ୍ଷେପଗୁଡ଼ିକ ଭୁବନେଶ୍ୱରର ବାସିନ୍ଦାଙ୍କ ପାଇଁ ନିରନ୍ତର ଏବଂ ଗୁଣାତ୍ମକ ବିଦ୍ୟୁତ୍ ଯୋଗାଣ ସୁନିଶ୍ଚିତ କରିବ, ବିଶେଷକରି ଗ୍ରୀଷ୍ମ ଋତୁରେ ଯେତେବେଳେ ବିଦ୍ୟୁତ୍ ଚାହିଦା ଅଧିକ ରହିଥାଏ ସେତେବେଳେ ମଧ୍ୟ ।

also read : https://purvapaksa.com/cabinet-approves-projects-worth-over-rs-3000-crore/

କ୍ୟାବିନେଟ୍ ରେ ୩ହଜାର କୋଟିରୁ ଉର୍ଦ୍ଧ ଟଙ୍କାର ପ୍ରକଳ୍ପକୁ ମଞ୍ଜୁରୀ || Cabinet approves projects worth over Rs 3,000 crore

TRUPTIMAYEE SAHOO