ଗହଣା କିଣିବା ଆଗରୁ ସୁନାର ଦର ଜାଣିବା ଗ୍ରାହକଙ୍କ ପାଇଁ ଅତ୍ୟନ୍ତ ଆବଶ୍ୟକ । ବିବାହ ଋତୁ, ପର୍ବପର୍ବାଣୀ କିମ୍ବା ନିବେଶ ଉଦ୍ଦେଶ୍ୟରେ ସୁନା କିଣିବାକୁ ଯୋଜନା କରୁଥିବା ଲୋକଙ୍କ ପାଇଁ ଆଜିର ସୁନା ଦର ଜା
ଣିବା ବହୁତ ଜରୁରୀ। ଆଜି ଭାରତୀୟ ବଜାରରେ ସୁନା ଦରରେ ସ୍ଥିରତା ଦେଖିବାକୁ ମିଳିଛି ।
ଆଜି ୨୪ କ୍ୟାରେଟ୍ ସୁନାର ମୂଲ୍ୟ ୧୦ ଗ୍ରାମ ପିଛା ୧,୬୨,୭୧୦ ଟଙ୍କା ରହିଛି । ସେହିପରି ୨୨ କ୍ୟାରେଟ୍ ସୁନାର ଦର ୧,୪୯,୧୫୦ ଟଙ୍କାକୁ ଛୁଇଁଛି । ଏହି ଦର ସାରା ଦେଶର ଅନେକ ପ୍ରମୁଖ ସହରରେ ପ୍ରାୟ ସମାନ ରହିଥିବା ବେଳେ କିଛି ସହରରେ ତଫାତ୍ ଦେଖାଯାଉଛି ।
ରାଜଧାନୀ ଭୁବନେଶ୍ୱରରେ ଆଜି ୨୪ କ୍ୟାରେଟ୍ ସୁନାର ମୂଲ୍ୟ ୧୦ ଗ୍ରାମ ପିଛା ୧,୬୨,୭୧୦ ଟଙ୍କା ରହିଛି। ସେହିପରି ୨୨ କ୍ୟାରେଟ୍ ସୁନା ୧,୪୯,୧୫୦ ଟଙ୍କାରେ ବିକ୍ରି ହେଉଛି। ଓଡ଼ିଶାରେ ଗହଣା କିଣିବାକୁ ଯୋଜନା କରୁଥିବା ଲୋକଙ୍କ ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ସୂଚନା।
ଆର୍ଥିକ ରାଜଧାନୀ ମୁମ୍ବାଇରେ ମଧ୍ୟ ସୁନା ଦର ଭୁବନେଶ୍ୱର ସହ ପ୍ରାୟ ସମାନ ରହିଛି। ଏଠାରେ ୨୪ କ୍ୟାରେଟ୍ ସୁନା ୧,୬୨,୭୧୦ ଟଙ୍କା ଏବଂ ୨୨ କ୍ୟାରେଟ୍ ସୁନା ୧,୪୯,୧୫୦ ଟଙ୍କାରେ ମିଳୁଛି। ସେହିପରି କୋଲକାତାରେ ମଧ୍ୟ ଏହି ଦର ପ୍ରାୟ ସମାନ ରହିଛି।
ରାଷ୍ଟ୍ରୀୟ ରାଜଧାନୀ ନୂଆଦିଲ୍ଲୀରେ ତୁଳନାମୂଳକ ଭାବେ ସୁନା ଦର ଅଧିକ ରହିଛି। ଏଠାରେ ୨୪ କ୍ୟାରେଟ୍ ସୁନାର ମୂଲ୍ୟ ୧,୬୨,୮୬୦ ଟଙ୍କା ଥିବା ବେଳେ ୨୨ କ୍ୟାରେଟ୍ ସୁନା ୧,୪୯,୩୦୦ ଟଙ୍କାରେ ବିକ୍ରି ହେଉଛି। ଦକ୍ଷିଣ ଭାରତର ପ୍ରମୁଖ ସହର ଚେନ୍ନାଇରେ ସୁନା ଦର ଅନ୍ୟ ସହର ତୁଳନାରେ କିଛି କମ୍ ରହିଛି। ଏଠାରେ ୨୪ କ୍ୟାରେଟ୍ ସୁନା ୧,୫୯,୮୨୦ ଟଙ୍କା ଏବଂ ୨୨ କ୍ୟାରେଟ୍ ସୁନା ୧,୪୬,୫୦୦ ଟଙ୍କାରେ ମିଳୁଛି। ଅନ୍ୟପଟେ, ରୁପାର ଦର ମଧ୍ୟ ବର୍ତ୍ତମାନ ଉଚ୍ଚ ସ୍ତରରେ ରହିଛି। ଆଜି ଭାରତୀୟ ବଜାରରେ କିଲୋ ପିଛା ରୁପା ମୂଲ୍ୟ ୩,୪୦,୦୦୦ ଟଙ୍କା ହୋଇଛି।
ସୁନାର ଶୁଦ୍ଧତା କେମିତି ଜାଣିବେ?
ସୁନା କିଣିବା ସମୟରେ କେବଳ ଦର ନୁହେଁ, ଶୁଦ୍ଧତା ଯାଞ୍ଚ କରିବା ମଧ୍ୟ ଅତ୍ୟନ୍ତ ଜରୁରୀ। ଗ୍ରାହକମାନେ ‘BIS Care App’ ମାଧ୍ୟମରେ ସୁନାର ହଲମାର୍କ, ଲାଇସେନ୍ସ ନମ୍ବର ଓ ପଞ୍ଜୀକରଣ ସଂଖ୍ୟା ଯାଞ୍ଚ କରିପାରିବେ। ଯଦି କୌଣସି ଭୁଲ କିମ୍ବା ଠକେଇ ଦେଖାଯାଏ, ତେବେ ସିଧାସଳଖ ସରକାରଙ୍କ ନିକଟରେ ଅଭିଯୋଗ କରିବା ସୁବିଧା ମଧ୍ୟ ଉପଲବ୍ଧ ରହିଛି।
ALSO READ https://purvapaksa.com/2026-padma-awards/
