ମିଆଁମାର, ଲାଓସ୍, କାମ୍ବୋଡିଆ ଓ ଭିଏତନାମ ଭଳି ଦକ୍ଷିଣ-ପୂର୍ବ ଏସୀୟ ଦେଶଗୁଡ଼ିକରୁ ଆସୁଥିବା ଜାଲିଆତି ଅନ୍ତର୍ଜାତୀୟ କଲ୍ ଏବଂ ସାଇବର ଅପରାଧକୁ ରୋକିବା ପାଇଁ ନିକଟରେ ଦୂରସଞ୍ଚାର ବିଭାଗ ଏକ ବଡ଼ ପଦକ୍ଷେପ ନେଇଛି।
ମିଆଁମାର, ଲାଓସ୍, କାମ୍ବୋଡିଆ ଏବଂ ଭିଏତନାମ ଭଳି ଦକ୍ଷିଣ-ପୂର୍ବ ଏସୀୟ ଦେଶଗୁଡ଼ିକରୁ ଆସୁଥିବା ଜାଲିଆତି ଅନ୍ତର୍ଜାତୀୟ କଲ୍ ଏବଂ ସାଇବର ଅପରାଧକୁ ରୋକିବା ପାଇଁ ଟେଲିକମ୍ ବିଭାଗ ନିକଟରେ ଏକ ବଡ଼ ଅଭିଯାନ ଆରମ୍ଭ କରିଛି। ଡିଜିଟାଲ ଠକେଇକୁ ରୋକିବା ଉଦ୍ଦେଶ୍ୟରେ ଡିଓଟି ଏହି ଦେଶଗୁଡ଼ିକରେ ପ୍ରାୟ ୪.୮ ଲକ୍ଷ ନକଲି ମୋବାଇଲ ଠାବ କରିଛି।
କାର୍ଯ୍ୟାନୁଷ୍ଠାନ ଗ୍ରହଣ କରି ବିଭାଗ ଏପର୍ଯ୍ୟନ୍ତ ଏଭଳି ସାଢ଼େ ତିନି ଲକ୍ଷ ସଂଯୋଗକୁ ବନ୍ଦ କରିସାରିଛି । ଏଥିସହ ବାକି ୨.୮ ଲକ୍ଷ ନମ୍ବର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ମୋବାଇଲ ସଂଯୋଗ ବ୍ୟତୀତ, ଡିଓଟି ଏହି ଠକେଇ କାର୍ଯ୍ୟକଳାପରେ ସମ୍ପୃକ୍ତ ଥିବା ୬,୨୦୦ ମୋବାଇଲ୍ ହ୍ୟାଣ୍ଡସେଟକୁ ଚିହ୍ନଟ କରିଛି ଏବଂ ଏହାର ଅପବ୍ୟବହାରକୁ ରୋକିବା ପାଇଁ ସମଗ୍ର ଭାରତରେ ଅବରୋଧ କରିଛି। ଅନ୍ତର୍ଜାତୀୟ ଫେକ୍ କଲ୍ ପ୍ରିଭେନ୍ସନ୍ ସିଷ୍ଟମ୍ ପ୍ରଚଳନ ପରେ ଏହି ପଦକ୍ଷେପ ନିଆଯାଇଛି, ଯାହା ଭାରତର ଡିଜିଟାଲ୍ ଏବଂ ଆର୍ଥିକ ଭିତ୍ତିଭୂମିର ସୁରକ୍ଷା ସୁନିଶ୍ଚିତ କରିବା ପାଇଁ ଡିଓଟି ଦ୍ୱାରା ନିଆଯାଇଥିବା ସକ୍ରିୟ ପଦକ୍ଷେପକୁ ପ୍ରତିଫଳିତ କରେ ।
କିଛି ମାସ ମଧ୍ୟରେ ଡିଜିଟାଲ ଗିରଫ ମାମଲା ଦ୍ରୁତ ଗତିରେ ବୃଦ୍ଧି ପାଇଛି । ଫଳରେ କୋଟି କୋଟି ଟଙ୍କାର କ୍ଷତି ହୋଇଛି। ଏଭଳି ସ୍ଥିତିରେ ସାଇବର କ୍ରାଇମ ପୋର୍ଟାଲରେ ଡିଜିଟାଲ ଗିରଫଦାରି ଅଭିଯୋଗକୁ ଦୃଷ୍ଟିରେ ରଖି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଗୃହ ମନ୍ତ୍ରାଳୟର ସାଇବର ଠକେଇ ସମନ୍ୱୟ କେନ୍ଦ୍ର ନିର୍ଦ୍ଦେଶ ନାମା ଜାରି କରିଛି। ଅଭିଯୋଗ ପାଇବା ପରେ ମେଟାର ଲୋକପ୍ରିୟ ପ୍ଲାଟଫର୍ମ ହ୍ୱାଟ୍ସଆପକୁ ଏଭଳି ଆକାଉଣ୍ଟ ଉପରେ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଛି।
ଡିଜିଟାଲ ଗିରଫଦାରି କ’ଣ?
କାର୍ଯ୍ୟାନୁଷ୍ଠାନର କାରଣ ହେଉଛି ଡିଜିଟାଲ ଠକେଇ , ଯାହା ଗତ କିଛି ଦିନ ମଧ୍ୟରେ ଦ୍ରୁତ ଗତିରେ ବୃଦ୍ଧି ପାଇଛି । କିନ୍ତୁ ଏହି ଡିଜିଟାଲ ଗିରଫଦାରୀ କ’ଣ? ବାସ୍ତବରେ ଏହା ସାଇବର ଠକେଇର ଏକ ନୂଆ ଉପାୟ । ଏହି ଠକେଇରେ ଠକମାନେ ସିବିଆଇ, ଇଡି, ଆୟକର ଅଧିକାରୀଙ୍କ ଅଧିକାରୀ ହୋଇ ଲୋକଙ୍କୁ ଭୟଭୀତ କରି ସେମାନଙ୍କଠାରୁ ଟଙ୍କା ଆଦାୟ କରିଥାନ୍ତି। ଏହି ଠକେଇ କରିବା ପାଇଁ ଠକମାନେ ସୋସିଆଲ ଇଞ୍ଜିନିୟରିଂର ସହାୟତା ନେଇଥାନ୍ତି। ଏହାଦ୍ୱାରା ଲୋକମାନେ ବିଶ୍ୱାସ କରନ୍ତି ଯେ ଠକ ପ୍ରକୃତରେ ଜଣେ ଅଧିକାରୀ । ଏଭଳି ସ୍ଥିତିରେ ଲୋକେ ଭୟଭୀତ ହୋଇ ସେହି ଠକଙ୍କ ଜାଲରେ ଫସି ଯାଆନ୍ତି।
Also read https://purvapaksa.com/chemotherapy-hair-loss-how-to-prevent-it/
