Sidharth-Shehnaaz: ବିଗ୍ ବସ୍ ୧୩ର ବିଜେତା ସିଦ୍ଧାର୍ଥ ଶୁକ୍ଲା ଆଜି ଆମ ମଧ୍ୟରେ ନାହାଁନ୍ତି କିନ୍ତୁ ପ୍ରଶଂସକଙ୍କ ହୃଦୟରେ ତାଙ୍କର ସ୍ମୃତି ଆଜି ବି ଜୀବନ୍ତ ରହିଛି।
ସେ ଟିଭିର ସବୁଠାରୁ ଲୋକପ୍ରିୟ ଅଭିନେତା ଥିଲେ। ଶେହନାଜ ଗିଲଙ୍କ ସହ ସିଦ୍ଧାର୍ଥଙ୍କ ବନ୍ଧୁତା ମଧ୍ୟ ବହୁତ ପ୍ରସିଦ୍ଧ ଥିଲା। ପ୍ରଶଂସକମାନେ ଉଭୟଙ୍କୁ ବହୁତ ଭଲ ପାଉଥିଲେ ଏବଂ ସେମାନଙ୍କୁ ସବୁବେଳେ ଏକାଠି ଦେଖିବାକୁ ଚାହୁଁଥିଲେ। ପ୍ରଶଂସକମାନେ ଉଭୟଙ୍କୁ ବହୁତ ଭଲ ପାଉଥିଲେ ଏବଂ ସେମାନଙ୍କୁ ସବୁବେଳେ ଏକାଠି ଦେଖିବାକୁ ଚାହୁଁଥିଲେ। ତେବେ, ୨୦୨୧ ମସିହାରେ ସିଦ୍ଧାର୍ଥ ଏହି ଜଗତକୁ ବିଦାୟ ଦେଇଥିଲେ।
ସିଦ୍ଧାର୍ଥ ଶୁକ୍ଲା ଛୋଟ ପରଦାର ଜଣେ ବଡ଼ କଳାକାର ଥିଲେ। ସେ ମଡେଲିଂ ମାଧ୍ୟମରେ ଅଭିନୟ ଜଗତରେ ପ୍ରବେଶ କରିଥିଲେ । ତା’ପରେ ତାଙ୍କୁ ଅନେକ ଶୋ’ରେ ଦେଖାଯାଇଥିଲା। ସେ ‘ବାଲିକା ବଧୂ’ରେ ଶିବଙ୍କ ଭୂମିକାରେ ଅଭିନୟ କରି ପ୍ରତ୍ୟେକ ଘରେ ପ୍ରସିଦ୍ଧ ହୋଇଥିଲେ। ବିଗ୍ ବସ୍ ୧୩ର ବିଜେତା ହୋଇଥିଲେ । ସିଦ୍ଧାର୍ଥ ଆଉ ଆମ ମଧ୍ୟରେ ନାହାଁନ୍ତି, କିନ୍ତୁ ତାଙ୍କର ଜୀବନର କାହାଣୀଗୁଡ଼ିକ ଆଜିବି ଜୀବନ୍ତ ଅଛି। ତାଙ୍କର ଅଭିନୟ, ବନ୍ଧୁତା ଏବଂ ଶେହନାଜ୍ ଗିଲଙ୍କ ସହିତ ତାଙ୍କର ପ୍ରେମ କାହାଣୀ ପ୍ରଶଂସକମାନେ ଏବେ ବି ମାନେ ପକେଇଥାନ୍ତି।
ସିଦ୍ଧାର୍ଥ ଶୁକ୍ଲା ଏବଂ ଶେହନାଜ ଗିଲ ପ୍ରଥମେ ବିଗ୍ ବସ୍ ୧୩ରେ ଭେଟିଥିଲେ। ଏହି ଶୋ’ରେ ହିଁ ଦୁହେଁ ବନ୍ଧୁ ହେଲେ ଏବଂ ତା’ପରେ ସେମାନଙ୍କର ବନ୍ଧୁତ୍ୱ ଆରମ୍ଭ ହୋଇଥିଲା। ସମୟକ୍ରମେ ଉଭୟଙ୍କ ବନ୍ଧୁତା ଗଭୀର ହୋଇଗଲା। ଦର୍ଶକମାନେ ସେମାନଙ୍କର ପ୍ରେମ ଭରା ଝଗଡ଼ାକୁ ବହୁତ ପସନ୍ଦ କରୁଥିଲେ। ଏଠାରୁ ହିଁ ଏହି ଯୋଡି ‘ସିଡ଼ନାଜ’ ନାମ ପାଇଥିଲା। ଶୋ ଶେଷ ହେବା ପରେ ଉଭୟଙ୍କୁ ମ୍ୟୁଜିକ୍ ଭିଡିଓରେ ଦେଖିବାକୁ ମିଳିଥିଲା । ସେମାନେ ପ୍ରାୟ ସବୁ ସ୍ଥାନରେ ଏକାଠି ଦେଖାଯାଉଥିଲେ। ଦୁହିଁଙ୍କର ଅନେକ ଫଟୋ ଏବଂ ଭିଡ଼ିଓ ସବୁବେଳ ପାଇଁ ସୋସିଆଲ ମିଡ଼ିଆରେ ଭାଇରାଲ ହେଉଥିଲା।
ସିଦ୍ଧାର୍ଥ ଏବଂ ଶେହନାଜ ପରସ୍ପରକୁ ସର୍ବଦା ଭଲ ବନ୍ଧୁ ବୋଲି କହୁଥିଲେ କିନ୍ତୁ ପ୍ରଶଂସକମାନେ ଭାବୁଥିଲେ ଯେ ସେମାନଙ୍କ ମଧ୍ୟରେ ଏକ ପ୍ରେମ ସମ୍ପର୍କ ଅଛି। ଥରେ ଶେହନାଜ ସିଦ୍ଧାର୍ଥଙ୍କ ସହ ତାଙ୍କ ସମ୍ପର୍କ ବିଷୟରେ ଖୋଲାଖୋଲି ଭାବରେ କଥା ହୋଇଥିଲେ। ଶେହନାଜ କହିଥିଲେ, “ସିଡ଼ନାଜ କାହିଁକି ଏପର୍ଯ୍ୟନ୍ତ ରହିଛି ଏହାର ଏକମାତ୍ର ରହସ୍ୟ ହେଉଛି ଏହା ବାସ୍ତବ ଅଟେ। ଆମେ ଏକ ପବିତ୍ର ସମ୍ପର୍କ ବାଣ୍ଟିଛୁ। ମୁଁ ଭାବୁଛି ଲୋକମାନେ ତାଙ୍କ ସହ ମୋତେ ଯୋଡ଼ିଛନ୍ତି। ସେମାନେ ଯେପରି ମୋତେ ପ୍ରଶଂସା କଲେ ଏବଂ ମୋ ଉପରେ ପ୍ରେମ ଦେଖାଇଲେ, ମୁଁ ପ୍ରକୃତରେ ଏହାକୁ ନେଇ ମୁଁ ବହୁତ ଖୁସି। ଆମେ ଦୁହେଁ ପରସ୍ପର ପାଇଁ ସମାନ ଅନୁଭବ କରୁଥିଲୁ। ମୁଁ ନିଜେ ସହମତ ଯେ ସେ ମୋ ପରିବାର ପରି।”
ସେପ୍ଟେମ୍ବର ୨,୨୦୨୧ରେ ଯେତେବେଳେ ସିଦ୍ଧାର୍ଥ ଶୁକ୍ଲାଙ୍କ ମୃତ୍ୟୁ ଖବର ଆସିଲା, ସେତେବେଳେ ତାଙ୍କ ଫ୍ୟାନ୍ସମାନେ ଶୋକରେ ବୁଡ଼ି ଯାଇଥିଲେ। ଏହି ଅଭିନେତାଙ୍କୁ ମାତ୍ର ୪୦ ବର୍ଷ ହୋଇଥିଲା ଏବଂ ତାଙ୍କର ଦେହାନ୍ତ ଖବର ସମସ୍ତଙ୍କୁ ଚକିତ କରି ଦେଇଥିଲା। ଅଭିନେତାଙ୍କ ପରିବାର ବ୍ୟତୀତ ସବୁଠୁ ବଡ଼ ଝଟକା ତାଙ୍କ ଭଲ ବନ୍ଧୁ ଶାହନାଜ ଗିଲଙ୍କୁ ଲାଗିଥିଲା। ସେହି ସମୟର ସିଦ୍ଧାର୍ଥ ଏବଂ ଶେହନାଜଙ୍କ ଏହି ଫଟୋଗୁଡ଼ିକ ପ୍ରଶଂସକମାନଙ୍କୁ ଭାବପ୍ରବଣ କରିଥିଲା।
ALSO READ: https://purvapaksa.com/keerthy-suresh-wedding/
