ବାଲେଶ୍ୱରରେ ଅଭାବନୀୟ ଘଟଣା। ବିବାହ ପରେ ନବଦମ୍ପତି ଥାନାରେ ଅଟକ ରହିଥିବା ଖବର ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ଘଟଣାଟି ବାଲେଶ୍ୱର ସହରର ସହଦେବଖୁଣ୍ଟା ପୋଲିସ ଷ୍ଟେସନ ଅଧୀନ ବାଲିଆ ଅଞ୍ଚଳରେ ଘଟିଛି। ସୂଚନା ଅନୁସାରେ, ବାଲିଆ ଅଞ୍ଚଳର ଜଣେ ପ୍ରାୟ ୫୦ ବର୍ଷୀୟ ବ୍ୟକ୍ତି, ଯିଏ ବାଲେଶ୍ୱର ପୋଲିସ ଲାଇନ୍ ଛକରେ ଅଟୋ ଚଳାଇ ଜୀବିକା ନିର୍ବାହ କରନ୍ତି, ତାଙ୍କ ସହ ଜଣେ ପ୍ରାୟ ୨୦ ବର୍ଷୀୟ ଯୁବତୀଙ୍କର ପ୍ରେମ ସମ୍ପର୍କ ଗଢ଼ିଉଠିଥିଲା। ଦୁହେଁ ମଧ୍ୟରେ କିଛିଦିନ ଧରି ପରିଚୟ ଓ ଆଲୋଚନା ଚାଲିଥିବା କୁହାଯାଉଛି।
ଗତକାଲି ଯୁବତୀଙ୍କ ଘର ନିକଟରେ ଦୁହେଁ କଥା ହେଉଥିବା ବେଳେ ସ୍ଥାନୀୟ ଲୋକମାନେ ସେମାନଙ୍କୁ ଧରିଥିଲେ। ବୟସର ବଡ଼ ତାଫାତ୍ ଓ ସମ୍ପର୍କକୁ ନେଇ ସନ୍ଦେହ ହୋଇଥିବାରୁ ଲୋକେ ତୁରନ୍ତ ଦୁହେଁଙ୍କ ବିବାହ କରାଇଦେଇଥିବା ଖବର ମିଳିଛି। ସ୍ଥାନୀୟ ମନ୍ଦିରରେ ସରଳ ଆଚାର-ବିଚାର ମାଧ୍ୟମରେ ବିବାହ ସମ୍ପନ୍ନ ହୋଇଥିବା କୁହାଯାଉଛି।
କିନ୍ତୁ ବିବାହ ପରେ କିଛି ଲୋକ ଯୁବତୀ ନାବାଳିକା ହୋଇପାରେ ବୋଲି ସନ୍ଦେହ କରିଥିଲେ। ଏହାପରେ ସେମାନେ ପୋଲିସକୁ ଖବର ଦେଇଥିଲେ। ଖବର ପାଇ ସହଦେବଖୁଣ୍ଟା ପୋଲିସ ଷ୍ଟେସନର ପୋଲିସ ଘଟଣାସ୍ଥଳକୁ ପହଞ୍ଚି ଉଭୟ ବର ଓ କନ୍ୟାଙ୍କୁ ଥାନାକୁ ନେଇଆସିଥିଲେ।
ପୋଲିସ ପକ୍ଷରୁ କୁହାଯାଇଛି ଯେ, ଯୁବତୀଙ୍କ ପାଖରେ ଜନ୍ମ ପ୍ରମାଣପତ୍ର, ଶିକ୍ଷା ସାର୍ଟିଫିକେଟ କିମ୍ବା ଆଧାର କାର୍ଡ ଭଳି କୌଣସି ପ୍ରମାଣ ପତ୍ର ନଥିବାରୁ ବୟସ ସଠିକ୍ ଭାବେ ଯାଞ୍ଚ କରିବା ପାଇଁ ତଦନ୍ତ ଜାରି ରହିଛି। ଯଦି ଯୁବତୀ ନାବାଳିକା ବୋଲି ପ୍ରମାଣିତ ହୁଏ, ତେବେ ସମ୍ପୃକ୍ତ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ହେବ ବୋଲି ପୋଲିସ ସୂଚନା ଦେଇଛି।
ସେହିପରି ସ୍ଥାନୀୟ ଲୋକମାନଙ୍କ ମତ ଅନୁସାରେ, ଯୁବତୀ ସାବାଳିକା ଓ ଦୁହେଁ ନିଜ ଇଚ୍ଛାରେ ବିବାହ କରିଛନ୍ତି। ବୟସର ତାଫାତ୍ ଥିଲେ ମଧ୍ୟ ସମ୍ପର୍କଟି ସମ୍ମତିସୂଚକ ବୋଲି କୁହାଯାଉଛି। ଏହି ଘଟଣାକୁ ନେଇ ଅଞ୍ଚଳରେ ବିଭିନ୍ନ ମତ ଦେଖାଯାଉଛି।
ବର୍ତ୍ତମାନ ଉଭୟ ବର ଓ କନ୍ୟା ସହଦେବଖୁଣ୍ଟା ଥାନାରେ ଅଟକ ରହିଛନ୍ତି ଏବଂ ପୋଲିସ ଯୁବତୀଙ୍କ ବୟସ ସମ୍ବନ୍ଧୀୟ ସଠିକ୍ ପ୍ରମାଣ ସଂଗ୍ରହ କରିବାରେ ଲାଗିଛି। ଘଟଣାଟି ବାଲେଶ୍ୱର ଅଞ୍ଚଳରେ ଚର୍ଚ୍ଚା ସୃଷ୍ଟି କରିଥିବା ବେଳେ, ଆଗାମୀ ତଦନ୍ତ ରିପୋର୍ଟ ଉପରେ ସମସ୍ତଙ୍କ ନଜର ରହିଛି।
also read https://purvapaksa.com/security-forces-search-for-maoist-leader-sukru/
ମାଓ ନେତା ସୁକ୍ରୁର ତଲାସରେ ବାହାରିଲେ ସୁରକ୍ଷା ବାହିନୀ || Security forces search for Maoist leader Sukru
