ପ୍ରତିଶୃତି ନା ପ୍ରତାରଣା? — ଚାଷୀଙ୍କ କାନ୍ଦଣା ଓ ବିଧାନସଭାର ହଙ୍ଗାମା || Promise or deception? — Farmers’ cries and Assembly uproar

ରାଜ୍ୟର ରାଜନୀତି ଆଜି ପୁଣିଥରେ ଚାଷୀଙ୍କ ପ୍ରସଙ୍ଗକୁ କେନ୍ଦ୍ର କରି ତେଜ ହୋଇଉଠିଛି । ସରକାରୀ ଦାବି ଓ ଭୂମିସ୍ତରର ଯଥାର୍ଥତା ମଧ୍ୟରେ ଥିବା ତାରତମ୍ୟକୁ ନେଇ ଚର୍ଚ୍ଚା ଏବେ ପ୍ରତ୍ୟେକ ଚକ୍, ପ୍ରତ୍ୟେକ ଗାଁ, ପ୍ରତ୍ୟେକ ମଣ୍ଡିରେ ଶୁଣିବାକୁ ମିଳୁଛି । ସରକାର ନିଜକୁ ଚାଷୀଙ୍କ ସରକାର ବୋଲି ଦାବି କରୁଥିଲା, ସେଇ ସରକାର ଉପରେ ଆଜି ଚାଷୀ ବିରୋଧୀ ନୀତି ଗ୍ରହଣ କରିବାର ଅଭିଯୋଗ ଉଠୁଛି।

ପ୍ରଶ୍ନ — ଏହା କି ସତରେ ପ୍ରତିଶୃତିର ପୂରଣ, ନା କେବଳ ପ୍ରତାରଣା?

ଆପଣ ଯେଉଁ ଦୃଶ୍ୟ ଦେଖୁଛନ୍ତି, ସେହିଟା କୌଣସି ଗୋଟିଏ ଜିଲ୍ଲାର ନୁହେଁ। ଏହା ରାଜ୍ୟର ବହୁ ଜିଲ୍ଲାର ସାଧାରଣ ଚିତ୍ର। ମଣ୍ଡିରେ ଧାନ ପଡ଼ିରହିଛି। । ବର୍ଷା, କୁହୁଡ଼ି, ସହି ଚାଷୀ ଧାନକୁ ବଞ୍ଚାଇବାର ଚେଷ୍ଟା କରୁଛନ୍ତି।
ଚାଷୀ କହୁଛନ୍ତି —

“ଆମେ ଚାଷ କରିଲୁ, ଋଣ ନେଲୁ, ସରକାର କହିଲେ ଧାନ କିଣିବେ। ଏବେ ଧାନ ପଡ଼ି ନଷ୍ଟ ହେଉଛି, ଆମର କଥା କେହି ଶୁଣୁନାହାନ୍ତି।”

ଚାଷୀଙ୍କ ଏହି ଅସନ୍ତୋଷ ଆଜି ରାଜନୀତିକ ରୂପ ନେଇଛି।

ବଜେଟ୍ ଅଧିବେଶନର ଦ୍ୱିତୀୟ ଦିନରେ ବିଧାନସଭାରେ ଯେଉଁ ଦୃଶ୍ୟ ଦେଖିବାକୁ ମିଳିଲା, ସେଥି ଆଜି ରାଜ୍ୟର ରାଜନୀତିକ ତାପମାତ୍ରାକୁ ଆଉ ବଢ଼ାଇଦେଇଛି।

ପ୍ରଶ୍ନକାଳ ଆରମ୍ଭ ହେବା ମାତ୍ରେ ବିରୋଧୀ ଦଳ ଚାଷୀ ପ୍ରସଙ୍ଗକୁ ନେଇ ଗୃହ ଭିତରେ ଭାରୀ ହଙ୍ଗାମା କରିଥିଲେ। କେବଳ ନାରାବାଜି ନୁହେଁ, ବିଧାନସଭା ମଧ୍ୟରେ ଧାନ ରଖି ପ୍ରତିବାଦ କରାଯାଇଥିଲା।

ଏହାକୁ ବିରୋଧୀ ଦଳ କହିଛନ୍ତି — “ଚାଷୀଙ୍କ ଦୁଃଖକୁ ଗୃହ ଭିତରକୁ ନେବାର ଚେଷ୍ଟା।”

ବିଧାନସଭା ପ୍ରାଙ୍ଗଣରେ ଆଜି ସକାଳୁ ଚଞ୍ଚଳତା ଦେଖାଯାଇଥିଲା। ବିରୋଧୀ ବିଧାୟକମାନେ ଚାଷୀଙ୍କ ସମସ୍ୟା ଉଠାଇବା ପାଇଁ ପୂର୍ବରୁ ଯୋଜନା କରିଥିଲେ।

ଗୃହ ଭିତରକୁ ଧାନ ବସ୍ତା ନେଇଯିବା ଘଟଣା ଅପୂର୍ବ ଦୃଶ୍ୟ ସୃଷ୍ଟି କଲା। ସରକାରଙ୍କ ଉପରେ ଅଭିଯୋଗ ହେଲା ଯେ ସେମାନେ ଭୁଲ ତଥ୍ୟ ଦେଇ ଚାଷୀଙ୍କ ଦୁର୍ଦ୍ଦଶାକୁ ଲୁଚାଇବାକୁ ଚେଷ୍ଟା କରୁଛନ୍ତି।

ଏବେ ପ୍ରଶ୍ନ ହେଉଛି — ସତ୍ୟ କେଉଁଠି?

ସରକାର କହୁଛନ୍ତି, ଧାନ କ୍ରୟ ପ୍ରକ୍ରିୟା ସୁଚାରୁ ଭାବେ ଚାଲିଛି। କିନ୍ତୁ ଭୂମିସ୍ତରର ଚିତ୍ର କହୁଛି, ମଣ୍ଡିରେ ଧାନ ଉଠୁନାହିଁ, ଚାଷୀଙ୍କୁ ଟୋକେନ୍ ମିଳୁନାହିଁ, ଓ ପେମେଣ୍ଟ ବିଳମ୍ବ ହେଉଛି।
ଗୋଟେ ପଟେ ସରକାରୀ ତଥ୍ୟ, ଅନ୍ୟ ପଟେ ଚାଷୀଙ୍କ ଯନ୍ତ୍ରଣା।

“ଆମେ ସରକାରକୁ ଭୋଟ୍ ଦେଲୁ । ଏବେ ଧାନ ବିକ୍ରି ହେଉନାହିଁ, ଋଣ ଦେବାକୁ ଟଙ୍କା ନାହିଁ। ପରିବାର ଚାଲିବ କେମିତି?”

ଚାଷୀ ପ୍ରସଙ୍ଗ କେବଳ ରାଜନୀତିକ ନୁହେଁ। ଏହା ଆର୍ଥିକ, ସାମାଜିକ ଓ ମାନସିକ ସମସ୍ୟା। ଗାଁର ଅର୍ଥନୀତି ଚାଷ ଉପରେ ନିର୍ଭର କରେ। ଚାଷୀ ଦୁର୍ବଳ ହେଲେ ସମଗ୍ର ଗାଁ ଅସ୍ଥିର ହୋଇଯାଏ।

ଗୃହ ଭିତରେ ହଟ୍ଟଗୋଳ ଏତେ ବଢ଼ିଗଲା ଯେ ପ୍ରଶ୍ନକାଳ ସମ୍ପୂର୍ଣ୍ଣ ଭାବେ ପ୍ରଭାବିତ ହେଲା। ବିରୋଧୀ ବିଧାୟକମାନେ ସରକାରଙ୍କୁ ଉତ୍ତର ଦେବାକୁ ଦାବି କଲେ।

ସରକାରୀ ପକ୍ଷରୁ କୁହାଗଲା ଯେ ବିରୋଧୀ ଦଳ ଜାଣିଶୁଣି ଗୃହକୁ ଚଳାଇବାକୁ ଦେଉନାହାନ୍ତି।
ନିର୍ବାଚନ ପୂର୍ବରୁ ଚାଷୀ ପ୍ରସଙ୍ଗ ରାଜନୀତିର ମୁଖ୍ୟ ଅସ୍ତ୍ର ହୋଇଥାଏ। ସମସ୍ତ ଦଳ ଚାଷୀଙ୍କ ସମର୍ଥନ ପାଇଁ ପ୍ରତିଶୃତି ଦେଇଥାନ୍ତି।

କିନ୍ତୁ ନିର୍ବାଚନ ପରେ ସେଇ ପ୍ରତିଶୃତିର କି ହୁଏ?

ଆଜି ସେଇ ପ୍ରଶ୍ନ ପୁଣିଥରେ ଉଠୁଛି।
ଗାଁରେ ଚାଷୀ ପରିବାର ଚିନ୍ତାରେ। ଛୁଆଙ୍କ ପଢ଼ା, ଘର ଖର୍ଚ୍ଚ, ଋଣ ଭୁଗତାନ — ସବୁକିଛି ଧାନ ବିକ୍ରି ଉପରେ ନିର୍ଭର।
ଧାନ ମଣ୍ଡିରେ ଅଟକିଲେ ପରିବାରର ସମଗ୍ର ଯୋଜନା ଭଙ୍ଗିଯାଏ।

“ଆମେ ବର୍ଷରେ ଏକଥର ଫସଲ ପାଉଛୁ। ଏହା ନଷ୍ଟ ହେଲେ ସବୁ ଶେଷ।”

ଏବେ ସମସ୍ତଙ୍କ ନଜର ସରକାର ଉପରେ। ସମସ୍ୟାର ସମାଧାନ କେବେ ହେବ? ଚାଷୀଙ୍କ ଧାନ କେବେ ଉଠିବ? ପେମେଣ୍ଟ କେବେ ମିଳିବ?
ଏବଂ ସବୁଠାରୁ ବଡ଼ ପ୍ରଶ୍ନ — ଚାଷୀଙ୍କ ଆଶା ଭଙ୍ଗିଯିବ କି?ଚାଷୀ କେବଳ ଏକ ଭୋଟର ନୁହେଁ। ସେ ଆମ ଖାଦ୍ୟ ଦାତା। ତାଙ୍କ ମୁହଁର ହସ ହେଉଛି ଦେଶର ସମୃଦ୍ଧି।

ଆଜି ସେଇ ହସ ମ୍ଲାନ ହୋଇଯାଇଛି।

ପ୍ରତିଶୃତି ଓ ପ୍ରତାରଣା ମଧ୍ୟରେ ଆଟକି ପଡ଼ିଛି ଚାଷୀଙ୍କ ଜୀବନ।
ସମୟ କହିବ — ଏହି ସଙ୍କଟର ସମାଧାନ ହେବ କି, ନା ଏହା କେବଳ ଆଉ ଗୋଟିଏ ରାଜନୀତିକ ଚର୍ଚ୍ଚା ହେଇ ରହିଯିବ?

AlsoRead; https://purvapaksa.com/rajya-sabha-trumpet-sounded-pandian-group-active/

ରାଜ୍ୟସଭା ବିଗୁଲ ବାଜିଲା ପାଣ୍ଡିଆନ ଗୋଷ୍ଠୀ ସକ୍ରିୟ || Rajya Sabha trumpet sounded Pandian group active

NAZMEEN PARWEEN