ସ୍ୱାଧୀନ ଭାରତର ଇତିହାସ ଏକ ନୂଆ ମୋଡ଼ ନେଉଛି । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ PMO India (‘ସାଉଥ୍ ବ୍ଲକ୍’) ବିଦାୟ ନେଇ ଏବେ ତାର ନୂତନ ଠିକଣା ‘ସେବା ତୀର୍ଥ’କୁ ସ୍ଥାନାନ୍ତରିତ ହେବ । ଏହି ପରିବର୍ତ୍ତନ ସ୍ୱାଧୀନତା ପରେ ଭାରତର ଇତିହାସରେ ଏକ ସ୍ୱତନ୍ତ୍ର ଅଧ୍ୟାୟ ଆରମ୍ଭ କରୁଛି, ଯାହାର ଲକ୍ଷ୍ୟ ପୁରୁଣା ବ୍ରିଟିଶ କାଳର ଚିହ୍ନକୁ ପରିବର୍ତ୍ତନ କରି ଭାରତୀୟ ସେବାକୁ ପ୍ରଧାନ୍ୟ ଦେବା ।
ସଂଯୋଗର ଏହି ଦିନର ଐତିହାସିକ ପୃଷ୍ଠଭୂମି ମଧ୍ୟ ଆକର୍ଷଣୀୟ । ୧୯୩୧ ମସିହାରେ ଫେବୃଆରୀ ୧୩ ତାରିଖରେ ଭାରତର ରାଜଧାନୀ ଭାବେ ନୂଆଦିଲ୍ଲୀକୁ ଘୋଷଣା କରାଯାଇଥିଲା । ସମାନ ଦିନରେ, ସାଉଥ୍ ବ୍ଲକରୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏହି ସେବାମୂଳକ ନୂତନ ସ୍ଥାନକୁ ଯିବ ।
ନୂତନ କାର୍ଯ୍ୟାଳୟ ‘ସେବା ତୀର୍ଥ’ ଓ ‘କର୍ତ୍ତବ୍ୟ ଭବନ-୧ ଓ ୨’ ର ଉଦ୍ଘାଟନ କାର୍ଯ୍ୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ୱାରା ଆଜି ସନ୍ଧ୍ୟା ୧ଟା ୩୦ ସମୟରେ କରାଯିବ । ଏହି ସ୍ଥାନରେ ପ୍ରଧାନମନ୍ତ୍ରୀଙ୍କ ନୂତନ କାର୍ଯ୍ୟାଳୟ ସହିତ ସହର ଜାତୀୟ ସୁରକ୍ଷା ପରିଷଦ ସଚିବାଳୟ ଓ କ୍ୟାବିନେଟ୍ ସଚିବାଳୟ ମଧ୍ୟ କାର୍ଯ୍ୟ କରିବ।
ପୂର୍ବରୁ ଏହି ପରିସର ‘ଏଜିକ୍ୟୁଟିଭ୍ ଏନକ୍ଲେଭ୍’ ନାମରେ ପରିଚିତ ଥିଲା, ଏବେ ଏହାର ନାମ ‘ସେବା ତୀର୍ଥ’ ରଖାଯାଇଛି, ଯାହାର ଲକ୍ଷ୍ୟ କ୍ଷମତା ନୁହେଁ, ଜନସାଧାରଣଙ୍କ ସେବାକୁ ପ୍ରାଥମିକତା ଦେବା । ସେବା ତୀର୍ଥ ଏକ ଆଧୁନିକ, ସୁବିଧାସମ୍ପନ୍ନ ପରିସର ଯେଉଁଠାରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଅବସ୍ଥିତ ରହିବ।
କର୍ତ୍ତବ୍ୟ ଭବନରେ ବିଭିନ୍ନ କେନ୍ଦ୍ରୀୟ ମନ୍ତ୍ରଣାଳୟ ଏକାଠି ରହିବ ଯାହା ଅର୍ଥ, ପ୍ରତିରକ୍ଷା, ସ୍ୱାସ୍ଥ୍ୟ ଓ ଶିକ୍ଷା ଭଳି ବିଭାଗଗୁଡ଼ିକୁ ଅଧିକ ସମନ୍ୱୟ ଓ କାର୍ଯ୍ୟଦକ୍ଷତା ଦେବ। ସେଣ୍ଟ୍ରାଲ ଭିଷ୍ଟା ପ୍ରକଳ୍ପ ଦ୍ୱାରା ଦିଲ୍ଲୀର ପାୱାର କରିଡରକୁ ଆଧୁନିକ ରୂପ ଦିଆଯାଇଛି ।
ପୁରୁଣା ବ୍ରିଟିଶ କାଳର ବିଲ୍ଡିଂ ହଟାଇ ନୂତନ ଭବନଗୁଡ଼ିକ ସ୍ୱାଭିମାନ, ସେବା ଓ ଆଧୁନିକତାର ପରିଚୟ ଦେବାରେ ସକ୍ଷମ । ଏହି ନୂତନ ପରିସର ଭାରତୀୟ ପ୍ରଶାସନର ଏକ ନୂତନ ଅଧ୍ୟାୟ ଆରମ୍ଭ କରୁଛି, ଯାହା ଲକ୍ଷ୍ୟ ରାଷ୍ଟ୍ରୀୟ ସେବାକୁ ସମ୍ପୂର୍ଣ୍ଣ ରୂପେ ସୁଦୃଢ କରିବା।
also read https://purvapaksa.com/gold-rate-13/
କମିଛି ସୁନା ଓ ରୁପା ଦର, ଶୀଘ୍ର କିଣି ନିଅନ୍ତୁ ଅଳଙ୍କାର ।। Gold rate
