ଭାରତ ପାକିସ୍ତାନ ଏବଂ ପାକିସ୍ତାନ ଅଧିକୃତ କଶ୍ମୀର (ପିଓକେ)ରେ ଆତଙ୍କବାଦୀମାନଙ୍କ ବିରୁଦ୍ଧରେ ଅପରେସନ ସିନ୍ଦୁର ଆରମ୍ଭ କରିଥିଲା, ତେବେ ସାରାବିଶ୍ୱର ସମର୍ଥନ ମିଳିଥିଲା। ଯଦିଓ ତୁର୍କୀ ଏହି ଆତଙ୍କବାଦ ବିରୋଧୀ ଅଭିଯାନରେ ପାକିସ୍ତାନର ସାଙ୍ଗରେ ରହିଥିଲା। ପାକିସ୍ତାନ ଭାରତ ଉପରେ ଆକ୍ରମଣ କରିଥିବା ୪୦୦ ଡ୍ରୋନଗୁଡ଼ିକୁ ତୁର୍କୀ ଯୋଗାଇ ଦେଇଥିଲା।
ଏହା ସେହି ତୁର୍କୀ, ଯାହାକୁ ଭୂମିକମ୍ପବେଳେ ପ୍ରଥମେ ସାହାଯ୍ୟର ହାତ ବଢ଼ାଇଥିଲା ଭାରତ। କିନ୍ତୁ ମାସ କେଇଟାରେ ତୁର୍କୀ ସେହି ସାହଯ୍ୟକୁ ଭୁଲି ଭାରତ ବିରୋଧରେ ପାକିସ୍ତାନ ସହ ଛିଡ଼ା ହୋଇଛି। ତେବେ ଏଥିରେ ଚକିତ ହେବାର କିଛି ନାହିଁ। କାରଣ ତୁର୍କୀର ଇତିହାସ ହିଁ କୁହେ ତୁର୍କୀ ହିନ୍ଦୁ ବିରୋଧୀ। ଶହଶହ ବର୍ଷ ତଳେ ତୁର୍କୀର ଲୁଟେରା ଭାରତକୁ ଲୁଟ୍ କରିବା ସହିତ ଭାରତରେ କରିଥିଲେ ହିନ୍ଦୁ ଗଣସଂହାର। ଆସନ୍ତୁ ଜାଣିବା ତୁର୍କୀର ଶିରା ପ୍ରଶୀରରେ କେମିତି ବହେ ହିନ୍ଦୁ ବିରୋଧୀ ରକ୍ତ।
ହର୍ଷବର୍ଧନଙ୍କ ସାମ୍ରାଜ୍ୟର ପତନ ସହିତ ଭାରତରେ ଅନେକ ଛୋଟବଡ଼ ରାଜ୍ୟ ମୁଣ୍ଡ ଟେକନ୍ତି। କେନ୍ଦ୍ରୀୟ ଶକ୍ତିର ଅଭାବରେ ବିଦେଶୀ ଲୁଟେରା ଭାରତ ଉପରେ ଆକ୍ରମଣ କରନ୍ତି। ତୁର୍କୀ ଶାସକମାନେ ଭାରତ ଉପରେ ଆକ୍ରମଣ କରି ଲୁଟ୍ପାଟ୍ କରିଥିଲେ। ପରେ ତାଙ୍କ ଗୁଲାମମାନେ ଏଠାରେ ଶାସନ କରିଥିଲେ। ଏମାନଙ୍କର ଏକ ଲମ୍ବା ତାଲିକା ରହିଛି।
ଆଫଗାନିସ୍ତାନର ଗଜନୀରେ ଅଲପ୍ତଗୀନ ନାମକ ଜଣେ ତୁର୍କୀ ସରଦାର ତୁର୍କୀ ସାମ୍ରାଜ୍ୟର ସ୍ଥାପନା କରିଥିଲେ। ଅଲପ୍ତଗୀନର ଜାମାତା ସୁବୁକ୍ତଗୀନ ଖ୍ରୀଷ୍ଟାବ୍ଦ ୯୭୭ରେ ଗଜନୀରେ ଶାସନ କରିଥିଲେ। ସେ ତା’ ଶାସନକୁ ଆଫଗାନିସ୍ତାନ, ଖୁରାସାନ, ବଲ୍ଖ ଏବଂ ଉତ୍ତର-ପଶ୍ଚିମ ଭାରତ ପର୍ଯ୍ୟନ୍ତ ବିସ୍ତାର କରିଥିଲେ। ସୁବୁକ୍ତଗୀନ ପରେ ତା’ ପୁତ୍ର ମହମୂଦ ଗଜନୀ ସିଂହାସନରେ ବସିଥିଲା ଏବଂ ବାଗଦାଦର ଖଲିଫାଙ୍କ ଆଦେଶରେ ଭାରତର ସେହି ଅଞ୍ଚଳଗୁଡ଼ିକ ଉପରେ ଆକ୍ରମଣ ଆରମ୍ଭ କରିଥିଲେ, ଯେଉଁଗୁଡ଼ିକ ତାଙ୍କ ଶାସନର ଅଂଶ ନ ଥିଲା।
ତାଙ୍କର ଲକ୍ଷ୍ୟ ଥିଲା ଇସଲାମର ବିସ୍ତାର ଏବଂ ସମୃଦ୍ଧ ଭାରତରେ ଲୁଟ୍ପାଟ୍। ମହମୂଦ ଖ୍ରୀଷ୍ଟାବ୍ଦ ୧୦୦୧ ରୁ ୧୦୨୬ ମଧ୍ୟରେ ଭାରତ ଉପରେ ୧୭ ଆକ୍ରମଣ କରିଥିଲେ। ଏହି ସମୟରେ ସେ ବହୁତ ଲୁଟ୍ପାଟ୍ କରିଥିଲେ ଏବଂ ତାଙ୍କ ପ୍ରଭାବରେ ଅନେକ ଭାରତୀୟ ରାଜା ଇସଲାମ ଗ୍ରହଣ କରିଥିଲେ।
ମହମୂଦ ଗଜନୀ ପରେ ଗଜନୀ ଓ ହେରାତ ମଧ୍ୟରେ ଥିବା ଛୋଟ ପାହାଡ଼ି ରାଜ୍ୟ ଗୋରର ଶାସକ ଶିହାବୁଦ୍ଦୀନ ଉର୍ଫ ମୁଇଜୁଦ୍ଦୀନ ମୁହମ୍ମଦ ଗୌରୀ ଭାରତ ଉପରେ ଅନେକ ଆକ୍ରମଣ କରିଥିଲେ। ନିର୍ଦ୍ଦୟ ହତ୍ୟାକାଣ୍ଡ ଓ ଲୁଟ୍ପାଟ୍ ସହିତ ଗୌରୀ ଭାରତରେ ତୁର୍କୀ ସାମ୍ରାଜ୍ୟର ସ୍ଥାପନା କରିଥିଲେ। ପୃଥ୍ୱୀରାଜ ଚୌହାନ ଏବଂ ପରେ ଜୟଚନ୍ଦ୍ରଙ୍କୁ ପରାସ୍ତ କରି ମୁହମ୍ମଦ ଗୌରୀ ଭାରତର ରାଜ୍ୟ ତାଙ୍କ ଗୁଲାମ କୁତୁବୁଦ୍ଦୀନ ଐବକଙ୍କୁ ହସ୍ତାନ୍ତର କରି ନିଜେ ଫେରିଯାଇଥିଲେ।
ଖ୍ରୀଷ୍ଟାବ୍ଦ ୧୨୦୬ ରେ କୁତୁବୁଦ୍ଦୀନ ଐବକ ଭାରତରେ ଦାସ ବଂଶର ଶାସନ ସ୍ଥାପନ କରିଥିଲେ। ଏହି ବଂଶର ତୁର୍କୀ ଗୁଲାମ ଶାସକମାନଙ୍କ ଦିଲ୍ଲୀ ଶାସନକୁ ଦିଲ୍ଲୀ ସୁଲତାନତ ନାମ ଦିଆଯାଇଥିଲା। ଖ୍ରୀଷ୍ଟାବ୍ଦ ୧୨୯୦ ପର୍ଯ୍ୟନ୍ତ ଦିଲ୍ଲୀ ସୁଲତାନତ ଉପରେ ଏହି ତୁର୍କୀ ଶାସକମାନଙ୍କ ଶାସନ ରହିଥିଲା।
ଗୁଲାମ ବଂଶର ଅନ୍ୟାନ୍ୟ ତୁର୍କୀ ଶାସକମାନଙ୍କ ମଧ୍ୟରେ ଆରାମଶାହ, ଇଲ୍ତୁତ୍ମିସ୍, ରୁକୁନୁଦ୍ଦୀନ ଫିରୋଜଶାହ, ରଜିୟା ସୁଲତାନ, ମୁଇଜୁଦ୍ଦୀନ ବାହାରାମଶାହ, ଅଲାଉଦ୍ଦୀନ ମସୁଦ, ନାସିରୁଦ୍ଦୀନ ମାହମୂଦଙ୍କ ନାମ ଉଲ୍ଲେଖନୀୟ। ଏହାପରେ ଆହୁରି ଅନେକ ଶାସକ ଆସିଥିଲେ, କିନ୍ତୁ ଗୟାସୁଦ୍ଦୀନ ବଲବନ (୧୨୫୦-୧୨୯୦) ଉଲ୍ଲେଖନୀୟ।
ଗୁଲାମ ବଂଶ ପରେ ଦିଲ୍ଲୀରେ ଖ୍ରୀଷ୍ଟାବ୍ଦ ୧୨୯୦ ରୁ ୧୩୨୦ ପର୍ଯ୍ୟନ୍ତ ଖିଲଜୀ ବଂଶର ଶାସନ ରହିଥିଲା। ଏହାର ଆରମ୍ଭ ଜଲାଲୁଦ୍ଦୀନ ଖିଲଜୀ କରିଥିଲେ। ଖିଲଜୀ ଗୋଷ୍ଠୀ ମୂଳତଃ ତୁର୍କୀସ୍ତାନରୁ ଆସିଥିଲେ, ଯେଉଁମାନେ ପ୍ରଥମେ ଆଫଗାନିସ୍ତାନରେ ବସତି କରିଥିଲେ। ଜଲାଲୁଦ୍ଦୀନ ଖିଲଜୀ ଗୁଲାମ ବଂଶର ସେନାରେ ଜଣେ ସୈନିକ ଥିଲେ। ସେ ଗୁଲାମ ବଂଶର ଦୁର୍ବଳ ଶାସକ କୈକୁବାଦଙ୍କ ପତନ ପରେ ସିଂହାସନ ହାତେଇ ନେଇଥିଲେ। ଯଦିଓ ତାଙ୍କ ଭାଇଙ୍କ ପୁତ୍ର ଜୁନା ଖାଁ ୧୨୯୬ ରେ ଜଲାଲୁଦ୍ଦୀନଙ୍କୁ ହତ୍ୟା କରି ଅଲାଉଦ୍ଦୀନ ଖିଲଜୀ ନାମରେ ସୁଲତାନ ହୋଇଥିଲେ।
ଅଲାଉଦ୍ଦୀନ ଖିଲଜୀଙ୍କ ପରେ ଶିହାବୁଦ୍ଦୀନ ଉମର ଖିଲଜୀ ଏବଂ କୁତୁବୁଦ୍ଦୀନ ମୁବାରକ ଖିଲଜୀ ଦିଲ୍ଲୀରେ ଶାସନ କରିଥିଲେ। ମାଲୱାର ସୁଲତାନ ଗୟାସୁଦ୍ଦୀନ ଖିଲଜୀ ମଧ୍ୟ ଖିଲଜୀ ବଂଶର ଥିଲେ। ଶେଷ ଖିଲଜୀ ଶାସକଭାବେ କୁତୁବୁଦ୍ଦୀନ ମୁବାରକ ଖିଲଜୀଙ୍କ ନାମ ନିଆଯାଏ। ତାଙ୍କୁ ୧୩୨୦ ରେ ତାଙ୍କ ପ୍ରଧାନମନ୍ତ୍ରୀ ଖୁସରୋ ଖାଁ ହତ୍ୟା କରିଥିଲେ।
ଗୟାସୁଦ୍ଦୀନ ତୁଗଲକ ଖୁସରୋ ଖାଁଙ୍କଠାରୁ ସିଂହାସନ ଛଡ଼ାଇ ନେଇ ଭାରତରେ ତୁଗଲକ ବଂଶର ସ୍ଥାପନା କରିଥିଲେ। ଗୟାସୁଦ୍ଦୀନ ତୁଗଲକଙ୍କୁ ଗାଜୀ ମଲିକ ନାମରେ ମଧ୍ୟ ଜଣାଯାଏ। ତାଙ୍କ ପିତା ତୁର୍କୀ ଥିଲେ, କିନ୍ତୁ ମାତା ଥିଲେ ପଞ୍ଜାବୀ ଜାଟ। ଗୟାସୁଦ୍ଦୀନ ତୁଗଲକଙ୍କ ପରେ ମୁହମ୍ମଦ ବିନ ତୁଗଲକ, ଫିରୋଜଶାହ ତୁଗଲକ, ନସରତ ଶାହ ତୁଗଲକ ଏବଂ ମାହମୂଦ ତୁଗଲକ ଦିଲ୍ଲୀରେ ଶାସନ କରିଥିଲେ।
ତୁଗଲକ ବଂଶର ଶେଷ ଶାସକ ମାହମୂଦ ତୁଗଲକଙ୍କ ମୃତ୍ୟୁ ପରେ ୧୪୧୪ ରେ ସୟୀଦ ବଂଶର ଶାସନ ଆରମ୍ଭ ହୋଇଥିଲା, ଯେଉଁମାନଙ୍କ ମଧ୍ୟରେ ଖିଜ୍ର ଖାଁ, ମୁବାରକ ଶାହ, ମୁହମ୍ମଦ ଶାହ ଏବଂ ଅଲାଉଦ୍ଦୀନ ଆଲମ ଶାହଙ୍କ ନାମ ପ୍ରମୁଖ। ୧୪୫୧ରେ ସୟୀଦ ବଂଶର ଶେଷ ସୁଲତାନ ବହଲୋଲ ଲୋଦୀଙ୍କୁ ଦିଲ୍ଲୀର ସିଂହାସନ ହସ୍ତାନ୍ତର କରିଥିଲେ ଏବଂ ଏହା ସହିତ ତୁର୍କୀମାନଙ୍କ ସ୍ଥାନରେ ଦିଲ୍ଲୀରେ ଆଫଗାନମାନଙ୍କ ଶାସନ ସ୍ଥାପିତ ହୋଇଥିଲା।
ଶସ୍ତାରୁ ହିନସ୍ତା,ଚୀନ୍ ଅସ୍ତ୍ର କିଣି ପସ୍ତାଉଛନ୍ତି ଏହି ଆଠ ଦେଶ: ଚୀନ୍ ମାଲକୁ ନାହିଁ ଭରସା