ବର୍ତ୍ତମାନ ସାରା ଦେଶରେ ରାଜ୍ୟସଭା ନିର୍ବାଚନକୁ ନେଇ ଚର୍ଚ୍ଚା ଜୋର ଧରିଛି। ଓଡ଼ିଶାରେ ମଧ୍ୟ ଏହି ଆଲୋଚନା ବେଶ୍ ପ୍ରାସଙ୍ଗିକ, କାରଣ ଆମ ରାଜ୍ୟରୁ କିଏ ରାଜ୍ୟସଭାକୁ ଯିବେ ଏବଂ କାହାକୁ ଦଳ ସୁଯୋଗ ଦେବ, ତାହା ସବୁବେଳେ କୌତୂହଳର ବିଷୟ। ଜାତୀୟ ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ପରେ, ଆମ ରାଜ୍ୟର ସାଂସଦମାନେ ଦିଲ୍ଲୀ ଦରବାରରେ ଓଡ଼ିଶାର ସ୍ୱରକୁ କେତେ ଦୃଢ଼ ଭାବରେ ଉପସ୍ଥାପନ କରୁଛନ୍ତି, ତାହା ଜାଣିବା ନିହାତି ଜରୁରୀ। ଆଜିର ଏହି ଆଲୋଚନାରେ ଆମେ ଓଡ଼ିଶାର ପ୍ରଭାବଶାଳୀ ନେତାମାନଙ୍କର ରାଜ୍ୟସଭା ପ୍ରଦର୍ଶନ ଉପରେ ଏକ ତଥ୍ୟଭିତ୍ତିକ ଆଲୋଚନା କରିବା। ବର୍ତ୍ତମାନ ଦେଖିବା ଓଡ଼ିଶାର ବିଜେଡି ଏବଂ ବିଜେପି ରାଜ୍ୟସଭା ସାଂସଦମାନଙ୍କର ସ୍ଥିତି କ’ଣ।
ତଥ୍ୟ ଦର୍ଶାଉଛି ଯେ କେବଳ ପ୍ରଭାବଶାଳୀ ବ୍ୟକ୍ତିତ୍ୱ ହେଲେ ଜଣେ ଭଲ ସାଂସଦ ହୋଇପାରିବେ ନାହିଁ।
ବିଜେଡି ପକ୍ଷରୁ ରାଜ୍ୟସଭାରେ ସାତଜଣ ସାଂସଦ ଅଛନ୍ତି: ଡକ୍ଟର ସସ୍ମିତ ପାତ୍ର, ମାନସ ମଙ୍ଗରାଜ, ନିରଞ୍ଜନ ବିଶି, ସୁଲତା ଦେଓ, ଶୁଭାଶିଷ ଖୁଣ୍ଟିଆ, ଦେବାଶିଷ ସାମନ୍ତରାୟ ଏବଂ ମୁନ୍ନା ଖାଁ।
ଓଡ଼ିଶାର ରାଜ୍ୟସଭା ସାଂସଦଙ୍କ ମଧ୍ୟରେ ଡକ୍ଟର ସସ୍ମିତ ପାତ୍ର ସର୍ବଶ୍ରେଷ୍ଠ ପ୍ରଦର୍ଶନକାରୀ। ବିଜେଡି ସାଂସଦମାନଙ୍କ ମଧ୍ୟରେ ଡକ୍ଟର ସସ୍ମିତ ପାତ୍ର ସବୁଠାରୁ ଆଗରେ ଅଛନ୍ତି। ତାଙ୍କର ପ୍ରଦର୍ଶନ ଅନ୍ୟମାନଙ୍କ ପାଇଁ ଏକ ଉଦାହରଣ।
ତାଙ୍କର ପ୍ରାଇଭେଟ୍ ମେମ୍ବର ବିଲ୍: ୨୩ଟି
ପ୍ରଶ୍ନ ପଚାରିଛନ୍ତି: ୬୩୩ଟି
ବିତର୍କରେ ଅଂଶଗ୍ରହଣ: ୨୬୫୧ଟି (ଏହା ଏକ ବଡ଼ ସଂଖ୍ୟା)
ସସ୍ମିତ ପାତ୍ରଙ୍କୁ ଛାଡ଼ିଦେଲେ ଅନ୍ୟ ୬ ଜଣ ସାଂସଦଙ୍କ ରିପୋର୍ଟ କାର୍ଡ ଅପେକ୍ଷାକୃତ ଦୁର୍ବଳ। ସବୁଠାରୁ ବଡ଼ କଥା ହେଉଛି, ଏହି ୬ ଜଣଙ୍କ ମଧ୍ୟରୁ କେହି ଜଣେ ହେଲେ ବି ଗୋଟିଏ ହେଲେ ‘ପ୍ରାଇଭେଟ୍ ମେମ୍ବର ବିଲ୍’ ଆଣିନାହାନ୍ତି।
ମାନସ ମଙ୍ଗରାଜ ମାତ୍ର ୨୪ଟି ବିତର୍କରେ ଭାଗ ନେଇଛନ୍ତି, ଯାହା ବିଜେଡି ସାଂସଦଙ୍କ ମଧ୍ୟରେ ସର୍ବନିମ୍ନ।
ଶୁଭାଶିଷ ଖୁଣ୍ଟିଆ ସବୁଠାରୁ କମ୍ ମାତ୍ର ୩୮ଟି ପ୍ରଶ୍ନ ପଚାରିଛନ୍ତି।
ଦେବାଶିଷ ସାମନ୍ତରାୟ ୧୧୨ଟି ପ୍ରଶ୍ନ ପଚାରିଛନ୍ତି।
ମୁନା ଖାଁ ୨୦୮ ଟି ପ୍ରଶ୍ନ ପଚାରିଛନ୍ତି।
ନିରଞ୍ଜନ ବିଶି ୩୫୨ଟି ପ୍ରଶ୍ନ ପଚାରିଛନ୍ତି।
ସୁଲତା ଦେଓ ୨୬୧ଟି ପ୍ରଶ୍ନ ପଚାରିଛନ୍ତ।
ବିଜେପି ପକ୍ଷରୁ ଓଡ଼ିଶାରୁ ତିନିଜଣ ସାଂସଦ ଅଛନ୍ତି: ଅଶ୍ୱିନୀ ବୈଷ୍ଣବ (କେନ୍ଦ୍ର ମନ୍ତ୍ରୀ), ସୁଜିତ କୁମାର ଏବଂ ମମତା ମହାନ୍ତ। ବିଜେପି ସାଂସଦମାନଙ୍କ ମଧ୍ୟରେ ସୁଜିତ କୁମାରଙ୍କ ପ୍ରଦର୍ଶନ ବେଶ୍ ପ୍ରଶଂସନୀୟ।
ତାଙ୍କର ପ୍ରାଇଭେଟ୍ ମେମ୍ବର ବିଲ୍: ୧୫ଟି
ବିତର୍କ: ୬୧୫ଟି
ପ୍ରଶ୍ନ: ୫୪୦ଟି
ଅଶ୍ୱିନୀ ବୈଷ୍ଣବ ଜଣେ କେନ୍ଦ୍ର ମନ୍ତ୍ରୀ ଭାବରେ ସେ ପ୍ରାଇଭେଟ୍ ମେମ୍ବର ବିଲ୍ ଆଣିପାରିବେ ନାହିଁ, ତଥାପି ସେ ମନ୍ତ୍ରୀ ହେବା ପୂର୍ବରୁ ମଧ୍ୟ କୌଣସି ବିଲ୍ ଆଣିନଥିଲେ। ସେ ମୋଟ ୨୫ଟି ବିତର୍କରେ ଅଂଶଗ୍ରହଣ କରିଛନ୍ତି ଏବଂ ୨୧ଟି ପ୍ରଶ୍ନ ପଚାରିଛନ୍ତି।
ମମତା ମହାନ୍ତ ସେ ୬୦ଟି ବିତର୍କରେ ଭାଗ ନେଇଥିବାବେଳେ ୧୭୦ଟି ପ୍ରଶ୍ନ ପଚାରିଛନ୍ତି। କିନ୍ତୁ ତାଙ୍କର ମଧ୍ୟ ପ୍ରାଇଭେଟ୍ ମେମ୍ବର ବିଲ୍ ସଂଖ୍ୟା ଶୂନ୍ୟ।
ରାଜ୍ୟସଭା ହେଉଛି ଜ୍ଞାନୀ ଏବଂ ଅଭିଜ୍ଞ ବ୍ୟକ୍ତିମାନଙ୍କର ସଭା। ଓଡ଼ିଶାର ସ୍ୱାର୍ଥ ରକ୍ଷା ପାଇଁ କେବଳ ରାଜ୍ୟସଭାରେ ବସିବା ଯଥେଷ୍ଟ ନୁହେଁ, ବରଂ ପ୍ରଶ୍ନ ପଚାରିବା, ବିତର୍କ କରିବା ଏବଂ ନୂତନ ବିଲ୍ ଆଣିବା ନିହାତି ଆବଶ୍ୟକ। ଆମ ରାଜ୍ୟର ଅଧିକାଂଶ ସାଂସଦ (ସସ୍ମିତ ପାତ୍ର ଏବଂ ସୁଜିତ କୁମାରଙ୍କୁ ଛାଡ଼ି) ପ୍ରାଇଭେଟ୍ ମେମ୍ବର ବିଲ୍ ଆଣିବାରେ ବିଫଳ ହୋଇଛନ୍ତି।
ଆଗାମୀ ଦିନରେ ଯେତେବେଳେ ରାଜନୈତିକ ଦଳଗୁଡ଼ିକ ପ୍ରାର୍ଥୀ ଚୟନ କରିବେ, ସେତେବେଳେ କେବଳ ରାଜନୈତିକ ଆନୁଗତ୍ୟ ନୁହେଁ, ବରଂ ବ୍ୟକ୍ତିର ଦକ୍ଷତା ଏବଂ ସଂସଦରେ କାର୍ଯ୍ୟ କରିବାର ଇଚ୍ଛାଶକ୍ତିକୁ ଆଧାର କରିବା ଉଚିତ। ଓଡ଼ିଶାର ଜନସାଧାରଣ ଏହି ରିପୋର୍ଟ କାର୍ଡକୁ ଦେଖି ନିଶ୍ଚୟ ବିଚାର କରିବେ ଯେ, ତାଙ୍କ ଦ୍ୱାରା ନିର୍ବାଚିତ ପ୍ରତିନିଧିମାନେ ଦିଲ୍ଲୀରେ ଓଡ଼ିଶାର ସମ୍ମାନ ରଖିବାରେ କେତେ ସଫଳ ହୋଇଛନ୍ତି।
AlsoRead; https://purvapaksa.com/terrible-earthquake-in-kolkata-shook-the-city/
କୋଲକାତାରେ ଭୟଙ୍କର ଭୂମିକମ୍ପ, ଥରିଲା ସହର || Terrible earthquake in Kolkata, shook the city
