Night Skin Care: ସମସ୍ତେ ଭଲ ତ୍ୱଚା ପାଇବାକୁ ଚାହାନ୍ତି ଏବଂ ଏଥିପାଇଁ ଲୋକମାନେ ନିଜ ସାମର୍ଥ୍ୟ ଅନୁସାରେ ଅନେକ କିଛି ବ୍ୟବହାର କରିଥାନ୍ତି।
ସେମାନେ ନିଜ ମୁହଁରେ ବିଭିନ୍ନ ପ୍ରକାରର ପ୍ରଡ଼କ୍ଟ ବ୍ୟବହାର କରନ୍ତି ଏବଂ ଏକ ଭଲ ସ୍କିନ୍ କେୟାର ରୁଟିନ୍ ମଧ୍ୟ ଅନୁସରଣ କରନ୍ତି, କିନ୍ତୁ ସମସ୍ତଙ୍କ ପାଖରେ ନିଜ ତ୍ୱଚାର ଭଲ ଯତ୍ନ ନେବା ପାଇଁ ପର୍ଯ୍ୟାପ୍ତ ସମୟ ଉପଲବ୍ଧ ନଥାଏ । ଉତ୍ତମ ତ୍ୱଚା ପାଇବା ପାଇଁ, ଏହା ଜରୁରୀ ନୁହେଁ ଯେ ଆପଣ ଆପଣଙ୍କର ଅଧିକାଂଶ ସମୟ ଆପଣଙ୍କ ତ୍ୱଚା ବିଷୟରେ ଚିନ୍ତା କରିବେ । ଆପଣଙ୍କ ମୁହଁରେ ଅଧିକ ଉତ୍ପାଦ ବ୍ୟବହାର କରିବା ଦ୍ୱାରା ତ୍ୱଚା ସମସ୍ୟା ହେବାର ଆଶଙ୍କା ବଢିଯାଏ ।
ଯଦି ଆପଣ ମଧ୍ୟ ଭଲ ତ୍ୱଚା ଚାହୁଁଛନ୍ତି କିନ୍ତୁ ଆପଣ ବହୁତ କଷ୍ଟକର ସ୍କିନ୍ କେୟାର ରୁଟିନ୍ ଅନୁସରଣ କରିବାରୁ ଦୂରେଇ ରହିବାକୁ ଚାହୁଁଛନ୍ତି, ତେବେ ଏଠାରେ କିଛି ସହଜ ଟିପ୍ସ ଅଛି ଯାହାକୁ ଆପଣଙ୍କୁ ରାତିରେ ଶୋଇବା ପୂର୍ବରୁ ଅନୁସରଣ କରିବାକୁ ପଡ଼ିବ ଏବଂ ଏହି ଟିପ୍ସ ଆପଣଙ୍କ ତ୍ୱଚାକୁ ଭଲ ଦେଖାଯିବା ପାଇଁ ଯଥେଷ୍ଟ ହେବ ।
ଶୋଇବା ପୂର୍ବରୁ ମୁହଁ କ୍ଲିନଜିଂ କରନ୍ତୁ:
ରାତିରେ ଶୋଇବା ପୂର୍ବରୁ ସବୁବେଳେ ନିଜ ମୁହଁ ଭଲ ଭାବେ ସଫା କରନ୍ତୁ । ମେକଅପ୍ ସହ କେବେ ବି ଶୁଅନ୍ତୁ ନାହିଁ । ସବୁବେଳେ ମୁହଁରେ ମେକଅପ୍ ହଟାଇବା ପରେ ହିଁ ଶୋଇବାକୁ ଯାଆନ୍ତୁ । ସ୍କିନରେ ଜମିଥିବା ଧୂଳି, ମାଟି, ଝାଳ କିମ୍ବା ମେକଅପ୍ ସଫା କରିବା ଦ୍ବାରା ସ୍କିନ ପୋର ଖୋଲିଯାଏ । ଏହାଦ୍ବାରା ବ୍ରଣ ସମସ୍ୟା କମ୍ ହୋଇଥାଏ ।
ସ୍କିନରେ ମଇଶ୍ଚରାଇଜର ଲଗାନ୍ତୁ:
ଥଣ୍ଡାରେ ସ୍କିନକୁ ପୋଷଣ ଦେବାକୁ ଓ କୋମଳତା ବଜାୟ ରଖିବା ପାଇଁ ରାତିରେ ମଇଶ୍ଚରାଇଜର ଲଗାଇବା ଜରୁରୀ । ଏହାଦ୍ବାରା ସ୍କିନ ଭଲ ରହିଥାଏ । ଶୀତରେ ରୁକ୍ଷ-ଶୁଷ୍କ ହୋଇନଥାଏ । ଶୀତ ଦିନେ ଆପଣ ସାମାନ୍ୟ ଗାଢ ମଇଶ୍ଚରାଇଜର ବ୍ୟବହାର କରିପାରିବେ । ଏହା ଲମ୍ବା ସମୟ ପର୍ଯ୍ୟନ୍ତ ସ୍କିନକୁ ସଫ୍ଟ ଓ ହେଲ୍ଦି ରଖିବ ।
ତେଲ ବ୍ୟବହାର କରନ୍ତୁ:
ସ୍କିନକୁ ପୋଷଣ ଓ କୋମଳତା ଦେବା ଲାଗି ଆପଣ ନ୍ୟାଚୁରାଲ ଓ ଇସେନସିଆଲ ଅଏଲ ବ୍ୟବହାର କରିପାରିବେ । ଏହାଦ୍ବାରା କେବଳ ସ୍କିନ ଡ୍ରାଏନେସ୍ ବା ରୁକ୍ଷପଣ ଦୂର ହୋଇନଥାଏ, ବରଂ ହେଲ୍ଦି ମଧ୍ୟ ରହିଥାଏ । ସ୍କିନରେ ଆପଣ ନଡିଆ ତେଲ, ବାଦାମ ତେଲ କିମ୍ବା ଶିଆ ବଟର ଲଗାଇପାରିବେ ।
ସବୁଠୁ ଜରୁରୀ ହେଲା, ରାତିରେ ଶୋଇବା ପୂର୍ବରୁ ସ୍କିନକୁ ଭଲ ଭାବେ କ୍ଲିନ କରନ୍ତୁ । ଏହାପରେ ନିଜ ପସନ୍ଦର ଇସେନସିଆଲ ଅଏଲକୁ ହାଲୁକା ଉଷୁମ କରି ସ୍କିନକୁ ମାଲିସ କରନ୍ତ । ଶୀତ ଦିନିଆ ଡ୍ରାଏନେସ ସମସ୍ୟାରୁ ଏହା ମୁକ୍ତି ଦେଇଥାଏ ।
ALSO READ: https://purvapaksa.com/home-remedies-for-dark-and-pigmented-lip/
