କ୍ୟାପିଟାଲ ରିଜିଅନ୍ ଅର୍ବାନ ଟ୍ରାନ୍ସପୋର୍ଟ (ସିଆରୟୁଟି) ପକ୍ଷରୁ ଭୁବନେଶ୍ୱରରେ ହପ୍-ଅନ୍ ହପ୍-ଅଫ୍ ବସ ସମେତ ଦୁଇଟି ନୂଆ ସେବା ଆରମ୍ଭ କରାଯାଇଛି।
ବୁଧବାରଠାରୁ ଭୁବନେଶ୍ୱରର ଦୁଇଟି ରୁଟରେ ଡବଲ ଡେକର ଏକ୍ସପ୍ରେସ୍ ବସ୍ ସେବା ଯୋଗାଇ ଦେବ ସିଆରୟୁଟି। ବରମୁଣ୍ଡା ବିଏସଏବିଟିରୁ ପୁରୀର ସମୁଦ୍ର ବେଳାଭୂମି ପର୍ଯ୍ୟନ୍ତ ଡିଡି-୧ ରୁଟରେ ଏହି ଡବଲ ଡେକର ବସ୍ ଚଳାଚଳ କରିବ। ସମୁଦ୍ର କୂଳରେ ପହଞ୍ଚିବା ପୂର୍ବରୁ ଏହା ପୁରୀ ବାଇପାସ୍ ଓ ପୁରୀର ଜଗନ୍ନାଥ ବଲ୍ଲଭ ପାର୍କିଂ ଦେଇ ଯିବ।
ବସ୍ଗୁଡ଼ିକ ସକାଳ ୬ଟା, ୭ଟା, ଅପରାହ୍ନ ୩ଟା ଓ ଅପରାହ୍ନ ୪ଟାରେ ବିଏସ୍ ଏବିଟିରୁ ବାହାରିବ। ପୁରୀ ସମୁଦ୍ର କୂଳରୁ ସକାଳ ୮ଟା ୪୦, ସକାଳ ୯ଟା ୪୦, ସନ୍ଧ୍ୟା ସାଢ଼େ ୫ଟା ଓ ସନ୍ଧ୍ୟା ସାଢ଼େ ୬ଟାରେ ବସ୍ ଗୁଡ଼ିକ ଛାଡ଼ିବ। ଭଡ଼ା ୩୦ ଟଙ୍କାରୁ ୧୭୦ ଟଙ୍କା ପର୍ଯ୍ୟନ୍ତ ରହିଛି।
ରୁଟ୍ ଡିଡି-୨ରେ ଏହି ଡବଲ୍ ଡେକର ବସ ସହରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ ଖୋର୍ଦ୍ଧାର ନୂଆ ବସଷ୍ଟାଣ୍ଡ ପର୍ଯ୍ୟନ୍ତ ଚାଲିବ। ଏହା ଏଜି ଛକ, ଭୁବନେଶ୍ୱର ରେଳ ଷ୍ଟେସନ, ବାଣୀବିହାର, ଆଚାର୍ଯ୍ୟବିହାର, ଇସ୍କନ ମନ୍ଦିର, ବିଏସଏବିଟି, ଖଣ୍ଡଗିରି ଛକ, ବରୁଣେଇ ପିଠା ଛକ ଦେଇ ଖୋର୍ଦ୍ଧା ନୂଆ ବସଷ୍ଟାଣ୍ଡରେ ପହଞ୍ଚିବ।
ହପ୍-ଅନ୍ ହପ୍-ଅଫ୍ ବସ୍ ଗୁଡ଼ିକ ଭୁବନେଶ୍ୱର ଓ କଟକର ପ୍ରମୁଖ ପର୍ଯ୍ୟଟନସ୍ଥଳୀକୁ ଅନ୍ତର୍ଭୁକ୍ତ କରି ଏକ ସୁବିଧାଜନକ ଏବଂ ନମନୀୟ ଯାତ୍ରା ମାଧ୍ୟମ ପ୍ରଦାନ କରିବ। ପର୍ଯ୍ୟଟକମାନେ ସହରର ସମୃଦ୍ଧ ସାଂସ୍କୃତିକ ଏବଂ ଐତିହାସିକ ଐତିହ୍ୟକୁ ଅନୁଭବ କରିବା ସହିତ ନିଜ ଗତିରେ ଅନୁସନ୍ଧାନ କରିବାକୁ ଅନୁମତି ଦେବା ପାଇଁ ଏହି ସେବା ଡିଜାଇନ୍ କରାଯାଇଛି ।
୧-ଏଚ୍, ୨-ଏଚ୍ ଓ ୩-ଏଚ୍ ରୁଟ୍ରେ ଏହି ବସ୍ ଚଳାଚଳ କରିବ। ଏହି ତିନୋଟି ରୁଟରେ ବସ୍ ଭୁବନେଶ୍ୱର ରେଳ ଷ୍ଟେସନରୁ ଆରମ୍ଭ ହୋଇ ସହର ପରିକ୍ରମା କରିବା ପରେ ସେଠାରେ ଶେଷ ହେବ।
ହୋହୋ ବସ ସେବାରେ ୨୦୦ ଟଙ୍କା ମୂଲ୍ୟର ଦିନିକିଆ ପାସ ଉପଲବ୍ଧ ହେବ, ଯାହା କି ହୋହୋ ନେଟୱାର୍କ ମଧ୍ୟରେ ଯେକୌଣସି ମାର୍ଗରେ ଅସୀମିତ ଯାତ୍ରା କରିପାରିବ ।
ଏହା ପୂର୍ବରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଭୁବନେଶ୍ୱରରେ ଇଲେକ୍ଟ୍ରିକ୍ ଡବଲ ଡେକର ବସ ଓ ହୋହୋ ବସର ଶୁଭାରମ୍ଭ କରିଥିଲେ। ସହରର ଗଦାକଣାସ୍ଥିତ ମୋ ବସ୍ ଡିପୋରେ ସେ ୫ଟି ଇଲେକ୍ଟ୍ରିକ ଡବଲ୍ ଡେକର ବସ ଓ ୧୦ଟି ପତାକା ଦେଖାଇ ଶୁଭାରମ୍ଭ କରିଥିଲେ।
Also read https://purvapaksa.com/youth-migrant-indian-day-started-in-bhubaneswar/
