hydrogen fuel-run train engine: ଭାରତୀୟ ରେଳବାଇ ଦ୍ୱାରା ବିକଶିତ ହାଇଡ୍ରୋଜେନ୍ ଇନ୍ଧନ ଚାଳିତ ଟ୍ରେନ୍ ଇଞ୍ଜିନରେ ବିଶ୍ୱର ସର୍ବାଧିକ ହର୍ସପାୱାର ରହିଛି ବୋଲି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି।
- ଖୁବଶୀଘ୍ର ଆରମ୍ଭ ହେବ ପରୀକ୍ଷଣ…
- ଇଞ୍ଜିନ୍ ଉତ୍ପାଦନ ଶେଷ ହୋଇଛି, ବର୍ତ୍ତମାନ ଏହାର ସିଷ୍ଟମ୍ ଇଣ୍ଟିଗ୍ରେସନ୍ ଚାଲିଛି
ହାଇଡ୍ରୋଜେନ୍ ଇନ୍ଧନ ଟ୍ରେନ୍ ସେଟ୍ ସବୁଜ ପରିବହନ ପ୍ରଯୁକ୍ତିକୁ ପ୍ରୋତ୍ସାହିତ କରିବାରେ ଯଥେଷ୍ଟ ଲାଭ ପ୍ରଦାନ କରିବ, ସ୍ୱଚ୍ଛ ଶକ୍ତି ମାଧ୍ୟମରେ ଶୂନ୍ୟ କାର୍ବନ ନିର୍ଗମନ ଲକ୍ଷ୍ୟ ହାସଲ କରିବାରେ ସାହାଯ୍ୟ କରିବ । ୨୦୨୩-୨୪ ଆର୍ଥିକ ବର୍ଷ ପାଇଁ ରେଳ ମନ୍ତ୍ରଣାଳୟ ୩୫ଟି ହାଇଡ୍ରୋଜେନ ସେଲ ଚାଳିତ ଟ୍ରେନର ବିକାଶ ପାଇଁ ୨୮୦୦ କୋଟି ଟଙ୍କା ବ୍ୟୟ ବରାଦ କରିଛି।
ବିଶ୍ୱର ମାତ୍ର ୪ଟି ଦେଶ ଏଭଳି ହାଇଡ୍ରୋଜେନ ଇଞ୍ଜିନ୍ ତିଆରି କରୁଛନ୍ତି। ମାତ୍ର ଭାରତ ନିର୍ମାଣ କରିଥିବା ଇଞ୍ଜିନ ସବୁଠୁ ଶକ୍ତିଶାଳୀ। ଅନ୍ୟଦେଶମାନେ ନିର୍ମାଣ କରୁଥିବା ଇଞ୍ଜିନ ୫୦୦ରୁ ୬୦୦ ହର୍ସପାୱାର ଉତ୍ପାଦନ କରୁଥିବା ବେଳେ ଭାରତୀୟ ରେଳବାଇ ସ୍ୱଦେଶୀ ଜ୍ଞାନକୌଶଳ ବ୍ୟବହାର କରି ଉତ୍ପାଦନ କରୁଥିବା ଇଞ୍ଜିନରେ ୧୨୦୦ ହର୍ସପାୱାର ଉତ୍ପାଦନ ହୋଇଥାଏ, ଯାହା କି ଏହି ବର୍ଗରେ ଏପର୍ଯ୍ୟନ୍ତ ସର୍ବାଧିକ।
ଏଭଳି ହାଇଡ୍ରୋଜେନ ଇନ୍ଧନ ଚାଳିତ ପ୍ରଥମ ଟ୍ରେନ୍ ଖୁବ୍ ଶୀଘ୍ର ଜିନ୍ଦ-ସୋନିପତ ପଥରେ ହରିୟାଣାରେ ପରୀକ୍ଷାମୂଳକ ଭାବେ ଚାଲିବ ବୋଲି ଆଶା କରାଯାଉଛି। ପ୍ରଥମ ହାଇଡ୍ରୋଜେନ୍ ଟ୍ରେନ୍ ଉତ୍ତର ରେଳପଥର ଦିଲ୍ଲୀ ଡିଭିଜନକୁ ଦିଆଯାଇଛି ଏବଂ ଏହା ୮୯ କିଲୋମିଟର ଦୀର୍ଘ ଜିନ୍ଦ-ସୋନିପତ ସେକ୍ସନରେ ଚଳାଚଳ କରିବ ବୋଲି ଆଶା କରାଯାଉଛି।
ବୈଷ୍ଣବ କହିଛନ୍ତି ଯେ ଇଞ୍ଜିନ୍ ଉତ୍ପାଦନ ଶେଷ ହୋଇଛି, ବର୍ତ୍ତମାନ ଏହାର ସିଷ୍ଟମ୍ ଇଣ୍ଟିଗ୍ରେସନ୍ ଚାଲିଛି। ଭାରତର ନିଜସ୍ୱ ବୈଷୟିକ ଉପଲବ୍ଧି ଦେଶକୁ ସ୍ପିନ୍ ଅଫ୍ ଉତ୍ପାଦ ଏବଂ ସେବା ଉତ୍ପାଦନ କରିବାରେ ସାହାଯ୍ୟ କରିପାରିବ ବୋଲି ଉଲ୍ଲେଖ କରି ସେ କହିଥିଲେ ଯେ ଯେତେବେଳେ ଦେଶ ଏତେ ପରିମାଣରେ ହାଇଡ୍ରୋଜେନ୍ ଚାଳିତ ଟ୍ରେନ୍ ଇଞ୍ଜିନ୍ ନିର୍ମାଣ କରିପାରିବ, ସେତେବେଳେ ଟ୍ରକ୍, ଟଗ୍ ବୋଟ୍ ଏବଂ ଅନ୍ୟମାନଙ୍କ ପାଇଁ ପାୱାର ଟ୍ରେନ୍ ଉତ୍ପାଦନ କରିବା ପାଇଁ ଏହି ଟେକ୍ନୋଲୋଜିକୁ ଗ୍ରହଣ କରିବାର ସମ୍ଭାବନାକୁ ବୁଝାଯାଇପାରିବ। ବୈଷ୍ଣବ କହିଛନ୍ତି, ସ୍ୱଦେଶୀ ଜ୍ଞାନକୌଶଳ ବିଭିନ୍ନ ଆପ୍ଲିକେସନ୍ ପାଇଁ ଡେରିଭେଟିଭ୍ ଟେକ୍ନୋଲୋଜି ତିଆରି କରିବାର ଏକ ଅନନ୍ୟ ସୁଯୋଗ ପ୍ରଦାନ କରୁଛି।
ଏଭଳି ବୈଷୟିକ ଉନ୍ନତି ଦେଶକୁ ଆତ୍ମବିଶ୍ୱାସ ଦେଇଥାଏ ଏବଂ ବୈଷୟିକ ଆତ୍ମନିର୍ଭରଶୀଳତା ହାସଲ କରିବା ଦିଗରେ ଭାରତକୁ ବହୁତ ଆଗକୁ ଯିବାକୁ ପଡିବ ଏବଂ ମୂଲ୍ୟ ଶୃଙ୍ଖଳାର ଅଂଶ ବିଶେଷ କରିବାର ଆବଶ୍ୟକତା ରହିଛି । ୨୦୨୫-୨୬ ଆର୍ଥିକ ବର୍ଷ ସୁଦ୍ଧା ଭାରତର ପ୍ରଥମ ହାଇଡ୍ରୋଜେନ୍ ଟ୍ରେନ୍ ଚଳାଚଳ ଆରମ୍ଭ ହେବ ବୋଲି ଆକଳନ କରାଯାଇଥିବା ବେଳେ ଖୁବ ଶୀଘ୍ର ଏହାର ପରୀକ୍ଷଣ ଆରମ୍ଭ ହେବ ବୋଲି ଆଶା କରାଯାଉଛି।
previous article: https://purvapaksa.com/indias-highest-earning-trains/
