ବୁଧବାର ବିଳମ୍ବିତ ରାତିରେ ଭୁବନେଶ୍ୱର ଭରତପୁର ଅଞ୍ଚଳର କଳିଙ୍ଗ ଷ୍ଟୁଡିଓ ସ୍କୋୟାର ନିକଟରେ ଥିବା ତାରିଣୀ ମାର୍କେଟରେ ହଠାତ ହୁ ହୁ ହୋଇ ଜଳିଥିଲା ନିଆଁ | ଏକ ବଡ଼ ଭୟାବହ ଅଗ୍ନିକାଣ୍ଡ ପାଇଁ ଜଳିଯାଇଥିଲା ୧୦ରୁ ଅଧିକ ଦୋକାନ ଓ ଆଖପାଖ ଏକାଧିକ ଦୋକାନକୁ ମଧ୍ୟ ହୋଇଥିଲା ବ୍ୟାପକ କ୍ଷତି ଯାହା ସ୍ଥାନୀୟ ଅଞ୍ଚଳରେ ମଧ୍ୟ ନିଅଁ ଧରିବାର ଆତଙ୍କ ସୃଷ୍ଟି କରିଥିଲା।
ପ୍ରାଥମିକ ରିପୋର୍ଟ ଅନୁଯାୟୀ, ରାତି ୧୨:୦୦ ରୁ ୧୨:୩୦ ମଧ୍ୟରେ ଅଗ୍ନିକାଣ୍ଡ ଘଟିଥିଲା | ଯାହା ଦ୍ରୁତ ଗତିରେ ବଜାର ଅଞ୍ଚଳରେ ବ୍ୟାପି ଯାଇଥିଲା । ଅଗ୍ନିକାଣ୍ଡରେ ୧୫ ରୁ ଅଧିକ ଦୋକାନ ପୋଡ଼ି ଯାଇଥିଲା, ଯାହା ଫଳରେ ବହୁ ସମ୍ପତ୍ତି ନଷ୍ଟ ହୋଇଥିଲା। ଖବର ପାଇ ଅଗ୍ନିଶମ ସେବା କର୍ମଚାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିବା ଆରମ୍ଭ କରିଦେଇଥିଲେ। ଅକ୍ଲାନ୍ତ ଚେଷ୍ଟା ପରେ ଅଗ୍ନିଶମ କର୍ମଚାରୀମାନେ ନିଆଁକୁ ନିୟନ୍ତ୍ରଣ କରିବାରେ ସଫଳ ହୋଇଥିଲେ ମଧ୍ୟ ଅନେକ ଦୋକାନକୁ ଗୁରୁତର ଭାବରେ କ୍ଷତି ପହଞ୍ଚେଇ ସରିଥିଲା ଅଗ୍ନିର ଭୟଙ୍କର ରୂପ |
ବ୍ୟାପକ ସମ୍ପତ୍ତି କ୍ଷତି
ପ୍ରଭାବିତ ଦୋକାନ ମଧ୍ୟରେ ଏକ ଫର୍ଣ୍ଣିଚର ଦୋକାନ ମଧ୍ୟ ଥିଲା ଯାହା ନିଆଁରେ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା । ତେବେ ଦୋକାନ ମାଲିକ କହିଛନ୍ତି ଯେ ଏହି ଘଟଣାରେ ପ୍ରାୟ 3 ଲକ୍ଷ ଟଙ୍କାର ଫର୍ଣ୍ଣିଚର, ଯାହାସବୁ ଡେଲିଭରି ପାଇଁ ପ୍ରସ୍ତୁତ ହେଉଥିଲା ତାହା ସବୁ ପୋଡି ପାଉଁଶ ହୋଇଗଲା । ପୋଡ଼ିଯାଇଥିବା ଦୋକାନରୁ ଟଙ୍କା ବଞ୍ଚାଇବାକୁ ଚେଷ୍ଟା କରିବା ସମୟରେ ଦୋକାନୀ ମଧ୍ୟ ସାମାନ୍ୟ ପୋଡ଼ି ଆହତ ହୋଇଥିବା ଜଣାପଡ଼ିଛି।
ସନ୍ଦେହ ପ୍ରକାଶ, ତଦନ୍ତ ଜାରି
ଏହି ସମୟରେ, ଜଣେ ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି ଯେ ଘଟଣାଟି ସନ୍ଦେହଜନକ ସହ ନିଆଁ ଲାଗିବା ଏକ ପୂର୍ବ ଯୋଜନାବଦ୍ଧ କାର୍ଯ୍ୟ ହୋଇପାରେ ବୋଲି ମତ ଦେଇଛନ୍ତି । ସେଠିକା ବାସିନ୍ଦା ଦାବି କରିଛନ୍ତି ଯେ ଅଞ୍ଚଳର ଦୋକାନୀମାନେ ପୂର୍ବରୁ ଭୁବନେଶ୍ୱର ମ୍ୟୁନିସିପାଲ କର୍ପୋରେସନ (BMC) ପକ୍ଷରୁ ନିକଟରେ ଏକ ଫୁଟପାଥ୍ ନିର୍ମାଣ ସମ୍ପର୍କରେ ବାରମ୍ବାର ଚେତାବନୀ ପାଇଥିଲେ। ହୁଏତ ଏହି ଦୁର୍ଘଟଣା ପ୍ରତ୍ୟକ୍ଷ ବା ପରୋକ୍ଷ ଭାବେ ପରସ୍ପର ସହ ଜଡିତ ଥିବା ନେଇ କରାଯାଉଛି ସନ୍ଦେହ | ତେବେ ଦୁର୍ଘଟଣା ପରେ ଘଟଣାର ତଦନ୍ତ କରିବା ଆରମ୍ଭ କରିଛି ପୋଲିସ କିନ୍ତୁ ଏପର୍ଯ୍ୟନ୍ତ ଅଗ୍ନିକାଣ୍ଡର ସଠିକ୍ କାରଣ ଜଣାପଡି ନାହିଁ । ଏନେଇ କର୍ତ୍ତୃପକ୍ଷ କହିଛନ୍ତି ଯେ ସମସ୍ତ ସମ୍ଭାବ୍ୟ ଦିଗଗୁଡ଼ିକୁ ଯାଞ୍ଚ କରାଯାଉଛି ।
also read : https://purvapaksa.com/gutka-will-be-available-again-orrisa-high-court/
ପୁଣି ମିଳିବ ଗୁଟକା; ଓଡିଶା ହାଇକୋର୍ଟ || Gutka will be available again; Orrisa High Court
