Author: TRUPTIMAYEE SAHOO

ଭୁବନେଶ୍ୱରର ଏକ ହସ୍ପିଟାଲର ଆଇସିୟୁରେ ଏକ ମଧ୍ୟମବୟସ୍କ ପୁରୁଷ ଗମ୍ଭୀର ଅବସ୍ଥାରେ ହସ୍ପିଟାଲାଇଜ ହୋଇଛନ୍ତି । ଉଚ୍ଚ ରକ୍ତଚାପ ଓ ମଧୁମେହରେ ପୀଡ଼ିତ, ବ୍ୟକ୍ତି ଜଣକ ସାଧାରଣ ଶାରୀରିକ ଅସୁବିଧାକୁ ଉପଶମ କରିବା ପାଇଁ ପଡ଼ୋଶ ଫାର୍ମାସିରୁ ଡାକ୍ତରଙ୍କ ପରାମର୍ଶ ବିନା ଔଷଧ ନେଇଥିଲେ । ଏହି “ସାମାନ୍ୟ” ଔଷଧ ତାଙ୍କର ହୃଦସ୍ପନ୍ଦନକୁ ବେକାବୁ କରିଦେଲା, ଶରୀରରେ ଆଲର୍ଜିକ୍ ପ୍ରତିକ୍ରିୟା ସୃଷ୍ଟି କଲା ତାପମାତ୍ରା ବଢ଼ିଗଲା। ଏଭଳି ପରିସ୍ଥିତିରେ ଡାକ୍ତରମାନେ ତାଙ୍କୁ ଆଇସିୟୁକୁ ସ୍ଥାନାନ୍ତର କରିବାକୁ ଲାଗିଲେ। ଏହା କେବଳ ଏକ ଘଟଣା ନୁହେଁ—ଭୁବନେଶ୍ୱରରେ ଡାକ୍ତରଙ୍କ ବିନା ପରାମର୍ଶରେ ଔଷଧ ଖାଇବାର ପ୍ରବୃତ୍ତି ବୃଦ୍ଧି ଦେଖାଯାଉଛି, ସେଥିରୁ ହଜାର ହଜାର ଲୋକ ଏମିତି ସଙ୍କଟରେ ପଡ଼ିବାର ଆଶଙ୍କା ରହିଛି। ସାମ୍ପ୍ରତିକ ଅଧ୍ୟୟନ ଆଲାର୍ମ: ୮୦% ଭୁବନେଶ୍ୱରୀୟ ଡାକ୍ତରଙ୍କ ବିନା ପରାମର୍ଶରେ ଔଷଧ ସେବନ କରୁଛନ୍ତି ମାର୍ଚ୍ଚ ମାସରେ କ୍ଲିନିକାଲ୍ ଏପିଡେମିଓଲୋଜି ଆଣ୍ଡ୍ ଗ୍ଲୋବାଲ୍ ହେଲ୍ଥେରେ ପ୍ରକାଶିତ ଏକ ଅଧ୍ୟୟନ ଭୁବନେଶ୍ୱରର ସ୍ୱାସ୍ଥ୍ୟ…