Author: Anasuya Das

Bengal : ପୁରୀ ଜଗନ୍ନାଥ ମନ୍ଦିର  ଭଳି ୨୫୦ କୋଟି ଟଙ୍କା ବ୍ୟୟରେ ଗୋଲାପୀ ବାଲୁକା ପଥରରେ ନିର୍ମିତ ମନ୍ଦିର ପଶ୍ଚିମବଙ୍ଗର ଦିଘାରେ ଏକ ପ୍ରମୁଖ ଆଧ୍ୟାତ୍ମିକ ଓ ପର୍ଯ୍ୟଟନ କେନ୍ଦ୍ରରେ ପରିଣତ ହେବାକୁ ଲକ୍ଷ୍ୟ ରଖିଛି। ଏହି ମନ୍ଦିର ଆସନ୍ତାକାଲି ବୁଧବାର ଉଦଘାଟିତ ହେବ। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ପବିତ୍ର ଅକ୍ଷୟ ତୃତୀୟା ଅବସରରେ ବୁଧବାର ଦିଘାରେ ଭବ୍ୟ ଜଗନ୍ନାଥ ଧାମକୁ ଉଦଘାଟନ କରିବାକୁ ଯାଉଛନ୍ତି। ନବନିର୍ମିତ ଏହି ମନ୍ଦିର ପ୍ରସିଦ୍ଧ ପୁରୀ ଜଗନ୍ନାଥ ମନ୍ଦିରର ଏକ ଚମତ୍କାର ପ୍ରତିକୃତି ଏବଂ ଏହି ଅଞ୍ଚଳର ଏକ ଗୁରୁତ୍ୱପୂର୍ଣ୍ଣ ତୀର୍ଥ ଓ ପର୍ଯ୍ୟଟନ କେନ୍ଦ୍ରରେ ପରିଣତ ହେବାକୁ ଯାଉଛି । ପାରମ୍ପାରିକ କଳିଙ୍ଗ ସ୍ଥାପତ୍ୟ ଶୈଳୀରେ ନିର୍ମିତ ଏହି ଭବ୍ୟ ଢାଞ୍ଚା ରାଜସ୍ଥାନରୁ ଅଣାଯାଇଥିବା ସୁନ୍ଦର ଗୋଲାପୀ ବାଲୁକାପଥରରୁ ନିର୍ମିତ ହୋଇଛି। ୨୫୦ କୋଟି ଟଙ୍କା ବିନିଯୋଗରେ ରାଜ୍ୟ ସରକାର ୨୦ ଏକର ପରିମିତ ଏହି ମହତ୍ତ୍ୱାକାଂକ୍ଷୀ ପ୍ରକଳ୍ପ ହାତକୁ ନେଇଥିଲେ।…