Author: Ayesha Debnath

Pakistan: ପହଲଗାମ ହତ୍ୟାକାଣ୍ଡ ପରେ ସିନ୍ଧୁ ଜଳ ଚୁକ୍ତିକୁ ସ୍ଥଗିତ ରଖିଥିଲା ଭାରତ । ପାକିସ୍ତାନର ୮୦ ପ୍ରତିଶତ ଚାଷ ଜମି ସିନ୍ଧୁ ପ୍ରଣାଳୀର ପାଣି ଉପରେ ନିର୍ଭର କରେ । ବର୍ତ୍ତମାନର ଭିତ୍ତିଭୂମି ବଳରେ ଭାରତ ପାକିସ୍ତାନକୁ ପ୍ରବାହିତ ହେଉଥିବା ଜଳର ଏକ ଅଂଶକୁ ସଂରକ୍ଷଣ କରିପାରିବ। ସିନ୍ଧୁ ପ୍ରଣାଳୀକୁ ଉପଯୋଗ କରିବା ପାଇଁ ଅନେକ ପ୍ରକଳ୍ପ ଯୋଜନା କରାଯାଇଛି । ଭାରତ ଚାହିଁଲେ ପାକିସ୍ତାନର ଟ୍ୟାପ୍ କୁ ସମ୍ପୂର୍ଣ୍ଣ ବନ୍ଦ କରିବାକୁ କେତେ ସମୟ ଲାଗିବ? ୨୦୧୬ରେ ପାକିସ୍ତାନ ସମର୍ଥିତ ଉରି ଆକ୍ରମଣରେ ୧୮ ଜଣ ଭାରତୀୟ ଯବାନ ସହିଦ ହେବା ପରେ କ୍ଷୁବ୍ଧ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଥିଲେ, ରକ୍ତ ଓ ପାଣି ଏକାସାଙ୍ଗରେ ପ୍ରବାହିତ ହୋଇପାରିବ ନାହିଁ। ସେ ସିନ୍ଧୁ ଜଳ ଚୁକ୍ତି ବିଷୟରେ କହିଥିଲେ। ପାକିସ୍ତାନ ଭାରତ ମାଟିରେ ଆତଙ୍କବାଦକୁ ପ୍ରୋତ୍ସାହନ ଦେଉଥିବା ବେଳେ ସିନ୍ଧୁ ଜଳ ଚୁକ୍ତି (ଆଇଡବ୍ଲ୍ୟୁଟି)କୁ ନେଇ ଭାରତର ନିରାଶା ଥିଲା…