Author: Purva Paksha

ତିନିଦିନ ତଳେ ପଶ୍ଚିମବଙ୍ଗର ଏକ ଜଙ୍ଗଲରେ ଧରାପଡ଼ିବା ପରେ ବାଘୁଣୀ ଜିନତକୁ ଶେଷରେ ମୟୂରଭଞ୍ଜ ଜିଲ୍ଲାର ଶିମିଳିପାଳ ବ୍ୟାଘ୍ର ସଂରକ୍ଷଣ (ଏସଟିଆର)କୁ ଫେରାଇ ଅଣାଯାଇଛି। ସରକାରୀ ସୂତ୍ରରୁ ପ୍ରକାଶ ଯେ ଏନଟିସିଏର ହସ୍ତକ୍ଷେପ ପରେ ବାଘୁଣୀକୁ କୋଲକାତାର ଅଲିପୁର ପ୍ରାଣୀ ଉଦ୍ୟାନର ପ୍ରାଣୀ ଚିକିତ୍ସାଳୟରୁ ବୁଧବାର ଭୋର ସମୟରେ ଏକ ସ୍ୱତନ୍ତ୍ର ଗାଡ଼ିରେ ଶିମିଳିପାଳ ଅଣାଯାଇଥିଲା। ରାତି ପ୍ରାୟ ୧ଟା ୨୫ ମିନିଟରେ ଜାମଶୋଳାଠାରେ ଆନ୍ତଃରାଜ୍ୟ ସୀମା ଦେଇ ଗ୍ରୀନ୍ କରିଡର ଦେଇ ଓଡ଼ିଶା ଅଣାଯାଇ ଶିମିଳିପାଳ ନିଆଯାଇଥିଲା। ବାଘୁଣୀକୁ ଆଣିବା ପାଇଁ ଓଡ଼ିଶା ବନ ବିଭାଗର ୧୦ ଜଣିଆ ଟିମ୍ କୋଲକାତା ଯାଇଥିଲେ। ବର୍ତ୍ତମାନ ଜିନତଙ୍କୁ ଶିମିଳିପାଳରେ ଏକ ସଫ୍ଟ ଏନକ୍ଲୋଜରରେ ରଖାଯିବ ଏବଂ ତାର ସ୍ୱାସ୍ଥ୍ୟାବସ୍ଥା ଏବଂ କାର୍ଯ୍ୟକଳାପକୁ ଦେଖି ପରବର୍ତ୍ତୀ ପଦକ୍ଷେପ ନିଆଯିବ। ଜିନତର ସ୍ୱାସ୍ଥ୍ୟାବସ୍ଥା ସନ୍ତୋଷଜନକ ଥିବା ଏବଂ ଆବଶ୍ୟକ କାଗଜପତ୍ର ପ୍ରକ୍ରିୟା ଶେଷ ହୋଇଥିବା ପ୍ରାଣୀ ଚିକିତ୍ସକ ଦଳ କହିବା ପରେ ତାଙ୍କୁ ସ୍ଥାନାନ୍ତର…