Los Angeles Fire Tragedy: କାଲିଫର୍ଣ୍ଣିଆ ଏବଂ ଲସ୍ ଆଞ୍ଜେଲସରେ ଲାଗିଥିବା ନିଆଁ ସମୟ ସହିତ ଭୟଙ୍କର ହେବାରେ ଲାଗିଛି।
ଅଗ୍ନିକାଣ୍ଡରେ ଏପର୍ଯ୍ୟନ୍ତ ୨୪ ଜଣଙ୍କ ମୃତ୍ୟୁ ଘଟିଛି। ଲକ୍ଷ ଲକ୍ଷ ଚେଷ୍ଟା ସତ୍ତ୍ୱେ ଜୋ ବାଇଡେନ ପ୍ରଶାସନ ଏହି ନିଆଁକୁ ଆୟତ୍ତ କରିବାରେ ବିଫଳ ହେଉଛି। ଏହାର ମୁଖ୍ୟ କାରଣ ହେଉଛି ଏହି ସମୟରେ ଆମେରିକାରେ ତୁଷାରପାତ ଯୋଗୁଁ ପ୍ରବଳ ପବନ ବହିବା । ଅନ୍ୟପକ୍ଷରେ କାଲିଫର୍ଣ୍ଣିଆ ଓ ଲସ୍ ଆଞ୍ଜେଲସ ଜେଲ୍ ବିଭାଗ ପକ୍ଷରୁ ନିଆଁ ଲିଭାଇବା କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ବମ୍ପର ଅଫର ଦିଆଯାଇଛି। ନିଆଁ ଲିଭାଇବାରେ ଅଗ୍ନିଶମ ବିଭାଗକୁ ସାହାଯ୍ୟ କରୁଥିବା କଏଦୀଙ୍କ ଦଣ୍ଡ ହ୍ରାସ କରିବାକୁ ଯୋଜନା କରାଯାଇଛି। ପ୍ରତିଦିନ ନିଆଁ ଲିଭାଇବାରେ ସାହାଯ୍ୟ କରିବା ବଦଳରେ ଦଣ୍ଡକୁ ଦୁଇ ଦିନ ହ୍ରାସ କରିବାକୁ ଚୁକ୍ତି ହୋଇଛି। ଏଥିସହିତ ଦରମା ଅଲଗା ଅଲଗା ଦିଆଯିବ।
ସିଏନ୍ଏନ୍ ର ଏକ ରିପୋର୍ଟ ଅନୁଯାୟୀ, ଅଗ୍ନିଶମ ବିଭାଗ ସହ ଲସ୍ ଆଞ୍ଜେଲସରେ କଏଦୀମାନେ କଣ୍ଟେନମେଣ୍ଟ ଲାଇନ୍ ଖୋଳିଥିବା ଦେଖିବାକୁ ମିଳିଥିଲା। କାଲିଫର୍ଣ୍ଣିଆ ସଂଶୋଧନ ଏବଂ ଥଇଥାନ ବିଭାଗ କହିଛି ଯେ ସମୁଦାୟ ୯୩୧ ଜଣ କଏଦୀ ବର୍ତ୍ତମାନ ନିଆଁ ଲିଭାଇବା ପାଇଁ ଦିନକୁ ୨୪ ଘଣ୍ଟା କାମ କରୁଛନ୍ତି। ସେମାନେ କାଲିଫର୍ଣ୍ଣିଆର ଭୟଙ୍କର ଜଙ୍ଗଲ ନିଆଁକୁ ରୋକିବା ପାଇଁ ଅଗ୍ନିଶମ ଲାଇନ କାଟି ପଛ ପଟରୁ ଇନ୍ଧନ ବାହାର କରୁଛନ୍ତି।
ତେବେ ଜଙ୍ଗଲ ନିଆଁକୁ ଇନ୍ଧନ ଦେଉଛି ସାଉଥ ଅନ୍ ୱିଣ୍ଡ । ଏହି ପବନ ନିଆଁକୁ ବ୍ୟାପିବାରେ ସହାୟତା କରୁଛି । ଦକ୍ଷିଣ ଲସ୍ ଏଞ୍ଜେଲସ୍ ର ଶୁଷ୍କ ଅଞ୍ଚଳରୁ ଆସୁଥିବା ଏହି ପବନ ନିଆଁକୁ ଅଧିକ ଭୟଙ୍କର କରିଛି । ନିଆଁକୁ ଆୟତ୍ତ କରିବା ପାଇଁ ଯଥେଷ୍ଟ ପାଣି ନାହିଁ । ଆକାଶ ମାର୍ଗରୁ ହେଲିକପ୍ଟର ଯୋଗେ ପାଣି ବର୍ଷା କରାଯାଉଛି । ନିଆଁ ଲିଭାଇବା ପାଇଁ ସରକାର ଲାଗି ପଡିଛନ୍ତି । ତଥାପି ନିଆଁ ଆୟତ୍ତ ହେଉନାହିଁ। ନିଆଁକୁ ନିୟନ୍ତ୍ରଣ କରିବା ସରକାରଙ୍କ ପାଇଁ ଚ୍ୟାଲେଞ୍ଜ ପାଲଟିଛି ।
ସୂଚନାଯୋଗ୍ୟ, କାଲିଫର୍ଣ୍ଣିଆ ଜଙ୍ଗଲରେ ନିଆଁ ଜାନୁଆରୀ ୭ ତାରିଖରେ ଲାଗିଥିଲା, ଯାହା ଏକ ସପ୍ତାହ ପରେ ମଧ୍ୟ ଥମିବାର ନାଁ ଧରୁନି । ୩୦ ହେଲିକପ୍ଟର ଆକାଶରୁ ପାଣି ବୃଷ୍ଟି କରୁଛନ୍ତି । ନିଆଁ ଆୟତ୍ତ କରିବା ସରକାରଙ୍କ ପାଇଁ ଚ୍ୟାଲେଞ୍ଜ ପାଲଟିଛି। ଜଳ ଅଭାବକୁ ନେଇ କାଲିଫର୍ଣ୍ଣିଆର ଗଭର୍ଣ୍ଣର ଗାଭିନ୍ ନ୍ୟୁସମ୍ ଅସନ୍ତୋଷ ପ୍ରକାଶ କରିଛନ୍ତି ।
ALSO READ: https://purvapaksa.com/los-angeles-wildfires-why-do-forests-catch-fire/
