ରାଜ୍ୟର ସ୍ୱାସ୍ଥ୍ୟସେବା ଏବେ ଭଗବାନଙ୍କ ଭରସାରେ ଚାଲିଛି। ଲୋକମାନେ ଆଶା କରିଥିଲେ ରାଜ୍ୟରେ ସରକାର ପରିବର୍ତ୍ତନ ହୋଇଥିବାରୁ ସ୍ୱାସ୍ଥ୍ୟସେବାର ଉନ୍ନତି ଆସିବ। କିନ୍ତୁ କ୍ଷମତାକୁ ଆସିଥିବା ବିଜେପି ଏମିତି ଜଣେ ନେତାଙ୍କୁ ରାଜ୍ୟର ସ୍ୱାସ୍ଥ୍ୟମନ୍ତ୍ରୀ କରିଛି ତାଙ୍କର ଏହି ବିଭାଗରେ ମନ ଲାଗୁନାହିଁ। ସେ ସ୍ୱାସ୍ଥ୍ୟବିଭାଗ ପରିବର୍ତ୍ତେ ତାଙ୍କ ପାଖରେ ଥିବା ଆଇଟି ବିଭାଗ ପାଇଁ ଅହେତୁକ କାରଣରୁ ଅଧିକ ତତ୍ପର ବୋଲି ଚର୍ଚ୍ଚା ହେଉଛି। ରାଜ୍ୟବାସୀ ରୋଗରେ ପଡ଼ି ମଲେ ବି ତାଙ୍କର କିଛି ଚିନ୍ତା ନାହିଁ।
ରାଜ୍ୟରେ ଡାକ୍ତର ନଥିବାରୁ ଚିକିତ୍ସା ମିଳୁନାହିଁ। ଫଳରେ ବ୍ରେନ୍ ଷ୍ଟ୍ରୋକ୍ ମାମଲାରେ ୭୯% ବୃଦ୍ଧି ଘଟିଛି, ଯାହା ୨୦୨୩-୨୪ ବର୍ଷ ୪,୨୫୨ ଥିଲା, ୨୦୨୪-୨୫ରେ ୭,୫୯୫ ଜଣଙ୍କର ବ୍ରେନ୍ ଷ୍ଟ୍ରୋକ୍ ରିପୋର୍ଟ ହୋଇଛି। ବିଶେଷଜ୍ଞମାନେ ଏହି ବୃଦ୍ଧିକୁ ବିଶେଷକରି ଯୁବପିଢ଼ିଙ୍କ ମଧ୍ୟରେ, ଜୀବନଶୈଳୀ ପରିବର୍ତ୍ତନକୁ ଦାୟୀ କରନ୍ତି ଏବଂ ଆରୋଗ୍ୟ ସମ୍ଭାବନାକୁ ଉନ୍ନତ କରିବା ପାଇଁ ଚିକିତ୍ସା ପାଇଁ ପ୍ରଥମ ସାଢ଼େ ଚାରି ଘଣ୍ଟାର ଗୁରୁତ୍ୱପୂର୍ଣ୍ଣ ସମୟ ଉପରେ ଗୁରୁତ୍ୱାରୋପ କରନ୍ତି।
ସରକାରୀ ତଥ୍ୟ ଅନୁଯାୟୀ, ଓଡ଼ିଶାରେ ୨୦୨୪-୨୫ ବର୍ଷରେ ୭,୫୯୫ ଜଣ ବ୍ରେନ ଷ୍ଟ୍ରୋକ୍ ମାମଲା ରିପୋର୍ଟ ହୋଇଛି, ଯାହା ୨୦୨୩-୨୪ ବର୍ଷରେ ୪,୨୫୨ ଜଣଙ୍କ ତୁଳନାରେ ୭୯% ଅଧିକ।
ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ବିଭାଗର ସରକାରୀ ସୂତ୍ରରୁ ଜଣାପଡ଼ିଛି ଯେ ଚଳିତ ବର୍ଷ ଏପ୍ରିଲରୁ ସେପ୍ଟେମ୍ବର ମଧ୍ୟରେ ରାଜ୍ୟରେ ୫,୧୯୧ ଜଣଙ୍କର ଷ୍ଟ୍ରୋକ୍ ମାମଲା ରିପୋର୍ଟ ହୋଇଛି। “ଚଳିତ ବର୍ଷର ତଥ୍ୟ ମଧ୍ୟ ଏକ ଊର୍ଦ୍ଧ୍ୱଗାମୀ ଧାରା ଦର୍ଶାଉଛି, ସ୍ୱାସ୍ଥ୍ୟ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି।
କଟକର ଏସସିବି ମେଡିକାଲ କଲେଜ ଏବଂ ହସ୍ପିଟାଲର ନ୍ୟୁରୋଲୋଜି ବିଭାଗର ଡାକ୍ତରଙ୍କ କହିବାନୁସାରେ ସେମାନେ ପ୍ରତିବର୍ଷ ୩୦୦-୩୫୦ ବ୍ରେନ୍ ଷ୍ଟ୍ରୋକ୍ ରୋଗୀଙ୍କୁ ଚିକିତ୍ସା କରନ୍ତି।
ଡାକ୍ତରଙ୍କ ମତରେ “ଷ୍ଟ୍ରୋକ୍ ହେବା ପରେ, ରୋଗୀଙ୍କ ପରିବାର ତାଙ୍କୁ ତୃତୀୟ ସ୍ତରୀୟ ଚିକିତ୍ସା କେନ୍ଦ୍ର କିମ୍ବା ନ୍ୟୁରୋଲୋଜି କିମ୍ବା ମେଡିସିନ୍ ବିଭାଗର ବିଶେଷଜ୍ଞ ଥିବା ହସ୍ପିଟାଲକୁ ନେବା ଉଚିତ। ଷ୍ଟ୍ରୋକ୍ ପରେ ପ୍ରଥମ ସାଢ଼େ ଚାରି ଘଣ୍ଟା ହେଉଛି ଗୁରୁତ୍ୱପୂର୍ଣ୍ଣ ସମୟ। ଯଦି ରୋଗୀ ଏହି ଗୁରୁତ୍ୱପୂର୍ଣ୍ଣ ସମୟରେ ଚିକିତ୍ସା ପାଆନ୍ତି, ତେବେ ଭଲ ଆରୋଗ୍ୟ ହେବାର ସମ୍ଭାବନା ଥାଏ। ଡାକ୍ତରମାନଙ୍କ କହିବା ଅନୁସାରେ ବ୍ରେନ୍ ଷ୍ଟ୍ରୋକ୍ ରୋଗୀଙ୍କୁ ତୁରନ୍ତ ଚିକିତ୍ସା ପାଇଁ ଜିଲ୍ଲା ଏବଂ ଉପଖଣ୍ଡ ସ୍ତରରେ ଷ୍ଟ୍ରୋକ୍ ଚିକିତ୍ସା ସୁବିଧା ଉପଲବ୍ଧ କରାଯିବା ଉଚିତ। କିନ୍ତୁ ଆମ ରାଜ୍ୟରେ ତାହା ସମ୍ଭବ ନୁହେଁ। କାରଣ ରାଜ୍ୟର ଜିଲ୍ଲାସ୍ତରୀୟ ଓ ଉପଖଣ୍ଡ ସ୍ତରରେ ଥିବା ଡାକ୍ତରଖାନାମାନଙ୍କରେ ଡାକ୍ତର ନାହାନ୍ତି। ଏଭଳି ସ୍ଥିତିରେ ବ୍ରେନ୍ ଷ୍ଟ୍ରୋକ୍ ରୋଗୀମାନଙ୍କର ପ୍ରାଥମିକ ଚିକିତ୍ସା କିଏ କରିବ ବୋଲି ପ୍ରଶ୍ନ ଉଠୁଛି।
also read https://purvapaksa.com/nuapada-byelection/
Nuapada byelection।। ସ୍ନେହାଙ୍ଗିନୀ ଛୁରିଆ ବିଜେଡିର ହୃତ୍ ଗୌରବ ବଞ୍ଚାଇପାରିବେ କି?
