ଇଣ୍ଟେଲ ସିଇଓ ଲିପ୍-ବୁ ଟାନ୍ ଆଗାମୀ ୩ଡି ଗ୍ଲାସ୍ ସଲ୍ୟୁସନ୍ସ (3DGS) ୟୁନିଟ୍ର ଭିତ୍ତିପ୍ରସ୍ତର ସ୍ଥାପନ ସମାରୋହ ପାଇଁ ଚଳିତ ବର୍ଷ ଶେଷ ଭାଗରେ ରାଜ୍ୟ ଗସ୍ତ କରିବାର ସମ୍ଭାବନା ରହିଛି। ଯାହାକି ଓଡ଼ିଶାର ସେମିକଣ୍ଡକ୍ଟର ଇକୋସିଷ୍ଟମକୁ ଏକ ବଡ଼ ପ୍ରୋତ୍ସାହନ ଦେବ ବୋଲି କୁହାଯାଉଛି। ଇଲେକ୍ଟ୍ରୋନିକ୍ସ ଏବଂ ଆଇଟି ବିଭାଗର ପ୍ରମୁଖ ସଚିବ ବିଶାଲ କୁମାର ଦେବ କହିଛନ୍ତି ଯେ ଭୁବନେଶ୍ୱରର ଇନଫୋଭ୍ୟାଲିରେ ଦୁଇଟି ଐତିହାସିକ ପ୍ରକଳ୍ପ ପ୍ରସ୍ତାବିତ ହୋଇଛି। “ଆସନ୍ତା ମାସରେ ସିସିସେମ (SiCSem) ର ଭିତ୍ତିପ୍ରସ୍ତର ସ୍ଥାପନ ଯୋଜନା କରାଯାଇଛି, ଏହି ଉତ୍ସବରେ ୩ଡି ଗ୍ଲାସ୍ ସଲ୍ୟୁସନ୍ସ ଇଣ୍ଟେଲ ସିଇଓ ଲିପ୍-ବୁ ଟାନ୍ ଯୋଗ ଦେବା ପାଇଁ ଇଚ୍ଛା ପ୍ରକାଶ କରିଛନ୍ତି, ତାଙ୍କଠାରୁ ଏକ ଉପଯୁକ୍ତ ତାରିଖ ଅପେକ୍ଷା ରହିଛି । ବିଶାଲ ଦେବ ଆହୁରି କହିଛନ୍ତି ଯେ, ଆମେ ଆଶା କରୁଛୁ ଏହା ଆଗାମୀ ଦୁଇରୁ ତିନି ମାସ ମଧ୍ୟରେ ହେବ”।
ସିସିସେମ ପ୍ରାଇଭେଟ୍ ଲିମିଟେଡ୍, ୟୁକେ-ଭିତ୍ତିକ କ୍ଲାସ-ସିସିସେ ୱେଫର ଫାବ୍ ସହିତ ସହଭାଗୀତାରେ, ସିଲିକନ୍ କାର୍ବାଇଡ୍ (SiC) ଉପରେ ଆଧାରିତ ଭାରତର ପ୍ରଥମ କମ୍ପାଉଣ୍ଡ ସେମିକଣ୍ଡକ୍ଟର ଫାବ୍ରିକେସନ୍ ସୁବିଧା ସ୍ଥାପନ କରୁଛି। ୟୁନିଟ୍ ଦୁଇ ବର୍ଷ ମଧ୍ୟରେ ଚିପ୍ ଉତ୍ପାଦନ ଆରମ୍ଭ କରିବ ବୋଲି ଆଶା କରାଯାଉଛି। ୩ଡି ଗ୍ଲାସ୍ ସଲ୍ୟୁସନ୍ସ ପ୍ରକଳ୍ପଟି ହେଟେରୋଜିନିୟସ୍ ଇଣ୍ଟିଗ୍ରେସନ୍ ପ୍ୟାକେଜିଂ ସଲ୍ୟୁସନ୍ସ ପ୍ରାଇଭେଟ୍ ଲିମିଟେଡ୍ ଦ୍ୱାରା ବିକଶିତ ହେବ, ଯାହାକୁ ଇଣ୍ଟେଲ୍, ଲକହିଡ୍ ମାର୍ଟିନ୍ ଏବଂ ଆପ୍ଲାଏଡ୍ ମ୍ୟାଟେରିଆଲ୍ସ ଭଳି ବିଶ୍ୱସ୍ତରୀୟ ପ୍ରଯୁକ୍ତିବିଦ୍ୟା କମ୍ପାନୀଗୁଡ଼ିକ ସମର୍ଥନ କରିଛନ୍ତି। ୧,୯୪୩ କୋଟି ଟଙ୍କାର ନିବେଶ ସହିତ, ଏହି ପ୍ଲାଣ୍ଟ ବାର୍ଷିକ ୫ କୋଟି ସେମିକଣ୍ଡକ୍ଟର ୟୁନିଟ୍ ଉତ୍ପାଦନ ହାସଲ କରିବାକୁ ଲକ୍ଷ୍ୟ ରଖିଛି। ଏହି ଉଦ୍ୟମଗୁଡ଼ିକ ହାଇ-ଟେକ୍ ସେମିକଣ୍ଡକ୍ଟର ଉତ୍ପାଦନ କ୍ଷେତ୍ରରେ ଓଡ଼ିଶାର ପ୍ରବେଶକୁ ଚିହ୍ନିତ କରେ, ଏବଂ ଇଣ୍ଟେଲର ସମ୍ପୃକ୍ତିକୁ ଭାରତର ଇଲେକ୍ଟ୍ରୋନିକ୍ସ ଇକୋସିଷ୍ଟମ ପାଇଁ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ଭାବରେ ଦେଖାଯାଉଛି।
Also Read https://purvapaksa.com/india-is-a-millionaires-paradise/
India is a millionaires’ paradise ! ।। ଭାରତ ଏବେ କୋଟିପତିଙ୍କ ସ୍ୱର୍ଗ !
