Swami Raja was begging for his life; the ruthless Sonam pushed him into the ditch।। ଜୀବନ ଭିକ୍ଷା ମଗୁଥିଲା ସ୍ଵାମୀ ରାଜା; ଅଧମରା କରି ଖାଇକୁ ଠେଲିଦେଲା ସୋନମ

ଦିନକୁ ଦିନ ନୂଆ ମୋଡ଼ ନେଉଛି ଇନ୍ଦୋରର ରାଜା ରଘୁବଂଶୀ ହତ୍ୟା ମାମଲା ଖୋଲିବାରେ ଲାଗିଛି ସାଇତାନ ପତ୍ନୀ ସୋନମର ସୁପାରି ପେଡି। ହନିମୁନରୁ ହନିଖୁନ୍ ପାଲଟିଥିବା ଘଟଣାରେ ହେଉଛି ବଡ ଖୁଲାସା। ରାଜାଙ୍କ ହତ୍ୟାର ମାଷ୍ଟରମାଇଣ୍ଡ ତାଙ୍କ ପତ୍ନୀ ସୋନମ ବୋଲି ଜଣାପଡିବା ପରେ ସ୍ତବ୍ଧ ହୋଇଛନ୍ତି ପରିବାରୁ ପୋଲିସ ଅଧିକାରୀ । ପୋଲିସ ସୋନମଙ୍କ ସହିତ ଚାରି ଅଭିଯୁକ୍ତଙ୍କୁ ଗିରଫ କରିଛି। ଇନ୍ଦୋର ପୋଲିସ ସୂତ୍ର ଅନୁଯାୟୀ, ପଚରାଉଚରା ସମୟରେ ଅଭିଯୁକ୍ତମାନେ କହିଥିବା କାହାଣୀ କାହାର ବି ହୃଦୟ ଥରେଇ ଦେବ ନିଶ୍ଚୟ। ଏହା ଦର୍ଶାଉଛି ଯେ ରାଜାଙ୍କୁ ହତ୍ୟା କରିବା ପାଇଁ ସୋନମ କରିଥିଲା ବିଭିନ୍ନ ଷଡ଼ଯନ୍ତ୍ର।

ସୋନମ ରଘୁବଂଶୀ ଏବଂ ରାଜ କୁଶଓ୍ବାହ ପାଞ୍ଚ ମାସ ଧରି ପ୍ରେମ ସମ୍ପର୍କରେ ଥିଲେ। ରାଜ ସ୍ୱୀକାର କରିଥିଲେ ଯେ ସୋନମଙ୍କ ସହ ତାଙ୍କର ସମ୍ପର୍କ ୪ ରୁ ୫ ମାସର ଥିଲା। ଉଭୟ ବାହାହେବାକୁ ଚାହୁଁଥିଲେ ହେଲେ ତାଙ୍କ ବାପା ହୃଦରୋଗୀ ହୋଇଥିବାରୁ ସୋନମ ପ୍ରେମ ବିବାହ କରିପାରି ନଥିଲେ। ତାଙ୍କ ବାପା ନିଜ ସମାଜର ପୁଅଙ୍କ ସହ ସୋନମଙ୍କ ବିବାହ କରିବାକୁ ଚାହୁଁଥିଲେ, ତେଣୁ ସେ ରାଜାଙ୍କୁ ବିବାହ କରିବାକୁ ହଁ କହିଥିଲେ। ସେ ପୂର୍ବରୁ ନିଷ୍ପତ୍ତି ନେଇଥିଲେ ଯେ ବିବାହ ପରେ ସେ ରାଜାଙ୍କୁ ହତ୍ୟା କରିବେ ଏବଂ ରାଜ ସହିତ ରହିବେ। ବିବାହ ଆଗରୁ ସ୍ଵାମୀଙ୍କୁ ମାରି ବିଧବା ହେବାର ସ୍ବପ୍ନ ଦେଖିଥିଲା ସୋନମ। ସୋନମ ପ୍ରେମିକ ରାଜକୁ କହିଥିଲେ ଯେ ଯେତେବେଳେ ମୁଁ ବିଧବା ହୋଇଯିବି, ସେତେବେଳେ ତୁମେ ମୋତେ ବିବାହ କର। ତା’ପରେ ମୋ ପରିବାରର ସଦସ୍ୟମାନେ ମଧ୍ୟ ଆମ ବିବାହ ପାଇଁ ରାଜି ହେବେ।

ମଇ ୧୬ ହୋଇଥିଲା ହତ୍ୟା ଷଡ଼ଯନ୍ତ୍ର

ଏହା ପରେ ରାଜା ଏବଂ ସୋନମ ୧୧ ମଇରେ ବିବାହ କରିଥିଲେ। ଉଭୟ ପରିବାର ବହୁତ ଖୁସି ଥିଲେ। ସୋନମ ମଧ୍ୟ ପରିବାର ସହିତ ମିଶି ବିଭିନ୍ନ ଉତ୍ସବର ମଜା ନେଇଥିଲେ ଏବଂ କାହାକୁ ତାଙ୍କର ଷଡ଼ଯନ୍ତ୍ର ଉପରେ ସନ୍ଦେହ ହେବାକୁ ଦେଇନଥିଲେ। ୧୬ ମଇରେ ଏକ କାଫେରେ ରାଜାଙ୍କୁ ହତ୍ୟା କରିବା ପାଇଁ ଷଡ଼ଯନ୍ତ୍ର ରଚା ହୋଇଥିଲା। ପ୍ରେମିକ ରାଜ ତାଙ୍କ ବନ୍ଧୁ ବିଶାଲ ଚୌହାନ, ଆକାଶ ରାଜପୁତ ଏବଂ ଆନନ୍ଦ କୁର୍ମିଙ୍କୁ ଯୋଜନା ବିଷୟରେ ଆଲୋଚନା କରିଥିଲେ। ସେହି ରାତିରେ ଫୋନ୍ ମାଧ୍ୟମରେ ସୋନମଙ୍କୁ ସମ୍ପୂର୍ଣ୍ଣ ହତ୍ୟା ଯୋଜନା ଛଅ ଘଣ୍ଟା ଧରି ବୁଝା ଯାଇଥିଲା। ହତ୍ୟା ପୂର୍ବରୁ ରାଜ ଅଭିଯୁକ୍ତଙ୍କୁ ୫୦,୦୦୦ ଟଙ୍କା, ଏକ କିପ୍ୟାଡ୍, ଏକ ଆଣ୍ଡ୍ରଏଡ୍ ମୋବାଇଲ୍ ଏବଂ ଗୋଟିଏ ଗୋଟିଏ ନୂଆ ସିମ୍ ଦେଇଥିଲେ। ଅଭିଯୁକ୍ତ ସୋନମଙ୍କୁ ଏସବୁ ଜିନିଷ ଦେଇଥିଲେ। ସୋନମ ଏହି ନମ୍ବର ଏବଂ ଫୋନ୍ ନେଇ ଶିଲଂ ଯିବା ପରେ ତିନି ଜଣଙ୍କ ସହିତ ଯୋଗାଯୋଗରେ ଥିଲେ।

ପ୍ରେମିକ ରାଜ ଇନ୍ଦୋରରୁ ହିଁ ନିର୍ଦ୍ଦେଶ ଦେଉଥିଲେ

ଯେତେବେଳେ ସୋନମ ୨୨ ମଇରେ ପ୍ରେମିକ ରାଜଙ୍କୁ ଶିଲଂ ଯିବାକୁ କହିଥିଲେ, ରାଜ ଅନ୍ୟ ଅଭିଯୁକ୍ତଙ୍କ ପାଇଁ ଟିକେଟ୍ ବୁକ୍ କରିଥିଲେ, କିନ୍ତୁ ଶେଷ ମୁହୂର୍ତ୍ତରେ ସେ ନିଜେ ଯିବାକୁ ମନା କରିଦେଇଥିଲେ। ରାଜ ଇନ୍ଦୋରରୁ ହିଁ ତିନି ଜଣଙ୍କୁ ନିର୍ଦ୍ଦେଶ ଦେଇ ଚାଲିଥିଲେ। ସେ ଇନ୍ଦୋରରେ ରହି ସୋନମଙ୍କ ବାପାଙ୍କ ଫ୍ୟାକଟ୍ରିରେ କାମ କରିବା ଜାରି ରଖିବା ସହ ରାଜାଙ୍କ ଶେଷକୃତ୍ୟରେ ମଧ୍ୟ ଯୋଗ ଦେଇଥିଲେ ଯାହା ଦ୍ୱାରା କେହି କିଛି ସନ୍ଦେହ କରିପାରିବେ ନାହିଁ।

ଅଭିଯୁକ୍ତମାନେ ସୋନମ- ରାଜାଙ୍କଠାରୁ ୧ କିମି ଦୂରତାରେ ରହୁଥିଲେ

ଅଭିଯୁକ୍ତମାନେ କହିଛନ୍ତି ଯେ ସେମାନେ ରାଜଙ୍କ ନିର୍ଦ୍ଦେଶରେ ସିଲଂ ଆସିଥିଲେ। ଯେଉଁ ଧାରୁଆ ଅସ୍ତ୍ର ସାହାଯ୍ୟରେ ରାଜାଙ୍କୁ ହତ୍ୟା କରାଯାଇଥିଲା ତାହା ଗୌହାଟିରୁ ଅନଲାଇନରେ କିଣାଯାଇଥିଲା। ଅଭିଯୁକ୍ତମାନେ ସୋନମ- ରାଜାଙ୍କ ହୋମଷ୍ଟେରୁ ୧ କିଲୋମିଟର ଦୂରରେ ରହିଥିଲେ। ସୋନମ ପ୍ରତ୍ୟେକ ମୁହୂର୍ତ୍ତରେ ଅଭିଯୁକ୍ତଙ୍କୁ ଲୋକେସନ ଦେଉଥିଲେ। ଏଠାରେ ସେମାନେ ଭଡ଼ାରେ ଏକ ବାଇକ୍ ନେଇଥିଲେ ଏବଂ ରାଜା ସୋନମଙ୍କୁ ଅନୁସରଣ କରିବା ଆରମ୍ଭ କରିଥିଲେ। ଅଭିଯୁକ୍ତମାନେ ପୋଲିସକୁ କହିଥିଲେ ଯେ ୨୩ ମଇ ଦିନ ଅପରାହ୍ନ ୧.୩୦ ରେ ରାଜାଙ୍କୁ ହତ୍ୟା କରାଯାଇଥିଲା। ୨୩ ମଇ ଦିନ ସୋନମ ଅପରା ଏକାଦଶୀ ବ୍ରତ ପାଳନ କରିଥିଲେ। ସେ ତାଙ୍କ ଶାଶୁଙ୍କୁ ମଧ୍ୟ ଫୋନରେ ଏହା କହିଥିଲେ। ବିଶ୍ୱାସ କରାଯାଏ ଯେ ପାପରୁ ମୁକ୍ତି ପାଇବା ଏବଂ ଇଚ୍ଛା ପୂରଣ କରିବା ପାଇଁ ଏହି ବ୍ରତ ପାଳନ କରାଯାଏ, କିନ୍ତୁ ଏହି ଦିନ ସୋନମ ହତ୍ୟା କରିଥିଲେ। ପାପ ମୁକ୍ତି ପାଇଁ ଉପବାସ କରି ସ୍ବାମୀ ହତ୍ୟା ଦୋଷ ମୁଣ୍ଡେଇଲେ ସୋନମ।

ସୋନମ ଫଟୋସୁଟ୍ ବାହାନାରେ ରାଜାଙ୍କୁ ନିର୍ଜନ ସ୍ଥାନକୁ ନେଇଯାଇଥିଲେ

ମଧ୍ୟାହ୍ନ ସମୟରେ ସୋନମ ଫଟୋସୁଟ୍ ବାହାନାରେ ରାଜାଙ୍କୁ ଏକ ନିର୍ଜନ ସ୍ଥାନକୁ ନେଇଯାଇଥିଲେ। ଅଭିଯୁକ୍ତମାନେ ପୋଲିସକୁ ଏହା ମଧ୍ୟ କହିଥିଲେ ଯେ ପାହାଡ଼ ଉପରେ ବହୁତ ଚଢ଼ିବାକୁ ପଡୁଥିଲା ଏବଂ ସେମାନେ ତାଙ୍କୁ ପିଛା କରି ବହୁତ ଥକି ଯାଇଥିଲେ। ଅଭିଯୁକ୍ତମାନେ ପାହାଡ ଚଢି ଏତେ ଥକି ପଡ଼ିଥିଲେ ଯେ, ସେମାନେ ସୋନମଙ୍କୁ କହିଥିଲେ ଆମେ ରାଜାଙ୍କୁ ହତ୍ୟା କରିପାରିବୁ ନାହିଁ। କିନ୍ତୁ ରାଜାଙ୍କ କାମ ତମାମ କରିବା ନିଶାରେ ଥିବା ସୋନମ ସେମାନଙ୍କୁ କହିଥିଲେ ଯେ, ରାଜାଙ୍କୁ ହତ୍ୟା କଲେ ସେ ସେମାନଙ୍କୁ ୨୦ ଲକ୍ଷ ଟଙ୍କା ଦେବେ। ଏହା ପରେ, ଅଭିଯୁକ୍ତ ରାଜାଙ୍କୁ ହତ୍ୟା କରିବାକୁ ନିଷ୍ପତ୍ତି ନେଇଥିଲେ। ଯେତେବେଳେ ଅଭିଯୁକ୍ତ ରାଜା ଏବଂ ସୋନମଙ୍କ ପାଖରେ ପହଞ୍ଚିଲେ, ରାଜା ଏ ବିଷୟରେ କୌଣସି ସୂଚନା ପାଇ ନଥିଲେ। ଏହି ଅଭିଯୁକ୍ତମାନଙ୍କ ମଧ୍ୟରୁ ଅନ୍ୟତମ ଅଭିଯୁକ୍ତ ଆକାଶ ରାଜପୁତ, ଅନ୍ୟ ଏକ ଭଡା ବାଇକ୍ ରେ ତାଙ୍କ ଉପରେ ନଜର ରଖିଥିଲେ। ଆକାଶ ବାରମ୍ବାର ସେହି ରାସ୍ତାକୁ ଦେଖୁଥିଲେ ଯେ କେହି ସେଠାକୁ ଆସୁଛନ୍ତି କି ନାହିଁ।

ରାଜାଙ୍କୁ ଖାଇକୁ ଫିଙ୍ଗିବା ସମୟରେ ସେ ବଞ୍ଚିଥିଲେ

ଯେତେବେଳେ ଅଭିଯୁକ୍ତ ରାଜାଙ୍କ ପାଖକୁ ଯାଇ ତାଙ୍କ ଉପରେ ଆକ୍ରମଣ କରିଥିଲେ, ସେ ପ୍ରତିରୋଧ କରିଥିଲେ, କିନ୍ତୁ ତାଙ୍କ ଛାତି ଏବଂ ମୁଣ୍ଡରେ ଗମ୍ଭୀର ଆଘାତ ଯୋଗୁଁ ସେ ଟଳି ପଡ଼ିଥିଲେ। ପୋଲିସ କହିଛି ଯେ ଚାରି ଅଭିଯୁକ୍ତଙ୍କ ମଧ୍ୟରୁ ବିଶାଲ ଚୌହାନ ରାଜାଙ୍କୁ ପଛପଟୁ ଆକ୍ରମଣ କରିଥିଲେ। ସେହି ସମୟରେ, ସୋନମ ଅଭିଯୁକ୍ତଙ୍କୁ ଚିତ୍କାର କରି କହିଥିଲେ ଯେ ତାଙ୍କୁ ମାର ମାର ଭଲରେ ମାରି ଦିଅ। ତେବେ ଅଭିଯୁକ୍ତମାନେ କହିଛନ୍ତି ଯେ ରାଜାଙ୍କୁ ଖାଇକୁ ଫିଙ୍ଗିବା ପର୍ଯ୍ୟନ୍ତ ସେ ବଞ୍ଚିଥିଲେ। ଅଭିଯୁକ୍ତମାନେ ଥକାପଣ ପାଇଁ ରାଜାଙ୍କୁ ଖାଇକୁ ଫିଙ୍ଗିବା ପାଇଁ ଉଠାଇ ପାରି ନଥିଲେ, କିନ୍ତୁ ସେତେବେଳେ ସୋନମ ନିଜେ ରାଜାଙ୍କୁ ଖାଇକୁ ଠେଲି ଦେଇଥିଲେ ଏବଂ ରାଜା ଖାଇରେ ପଡି ଯାଇଥିଲେ। ଅଭିଯୁକ୍ତ କହିଛନ୍ତି ଯେ ସୋନମ ଏହାର ଅଧ ଘଣ୍ଟା ପୂର୍ବରୁ ତାଙ୍କ ଶାଶୁଙ୍କ ସହ କଥା ହୋଇଥିଲେ।

ରାଜାଙ୍କୁ ମାରି ତାଙ୍କ ପର୍ସରୁ ଅଭିଯୁକ୍ତମାନଙ୍କୁ ଟଙ୍କା ଦେଇଥିଲେ ସୋନମ

ହତ୍ୟା ସମୟରେ ସୋନମ ଅଭିଯୁକ୍ତମାନଙ୍କୁ ୧୫ ହଜାର ଟଙ୍କା ଦେଇଥିଲେ। ଅଭିଯୁକ୍ତମାନେ ଏଥିରେ ଅସନ୍ତୋଷ ପ୍ରକାଶ କରିବାରୁ ସେ କହିଥିଲେ ଯେ ସେମାନେ ଶୀଘ୍ର ସମ୍ପୂର୍ଣ୍ଣ ଟଙ୍କା ପାଇବେ। ସୋନମ ଏହି ୧୫ ହଜାର ଟଙ୍କା ମଧ୍ୟ ରାଜାଙ୍କ ପର୍ସରୁ ବାହାର କରି ଦେଇଥିଲେ। ଏହା ପରେ, ଅଭିଯୁକ୍ତମାନେ ରାଜା ଏବଂ ସୋନମଙ୍କ ଆକ୍ଟିଭାକୁ ୨୫ କିଲୋମିଟର ଦୂରରେ ଛାଡି ଦେଇଥିଲେ। ସୋନମ ଫୋନ୍ ଭାଙ୍ଗି ଫୋପାଡ଼ି ଦେଇଥିଲେ।

ରାଜ କୁଶୱାହା ଧରାପଡ଼ିବା ପରେ ସୋନମ ଭାଙ୍ଗି ପଡ଼ିଥିଲେ

ଏହା ପରେ ସମସ୍ତ ଅଭିଯୁକ୍ତ ଟ୍ରେନ୍ ଯୋଗେ ନିଜ ନିଜ ଘରକୁ ଚାଲିଯାଇଥିଲେ। ସୋନମ ଏକା ବାରାଣସୀ ଯାଇଥିଲେ। ଏଠାରେ ଦୁଇଜଣ ଲୋକ ତାଙ୍କୁ ବସ୍ ଷ୍ଟାଣ୍ଡରେ ଛାଡିବାକୁ ଯାଇଥିଲେ। ବାରାଣସୀ ପରେ ସେ କେଉଁଠିକୁ ଯାଇଥିଲେ ସେ ବିଷୟରେ ପୋଲିସ ଏପର୍ଯ୍ୟନ୍ତ ସୂଚନା ପାଇ ପାରି ନାହିଁ। ତେବେ ସୋନମ ସମ୍ପୂର୍ଣ୍ଣ ମାମଲା ଉପରେ ନଜର ରଖିଥିଲା। ଯେତେବେଳେ ପୋଲିସ ରାଜ କୁଶୱାହା ଏବଂ ସମସ୍ତ ଅଭିଯୁକ୍ତଙ୍କୁ ଧରିଲା, ସେ ଭାଙ୍ଗି ପଡ଼ିଥିଲା ଏବଂ ବସ୍ ଯୋଗେ ଏକା ଗାଜିପୁରରେ ପହଞ୍ଚିଥିଲା। ଏଠାରେ ସେ ଏକ ଢାବା ମାଲିକଙ୍କଠାରୁ ଫୋନ୍ ନେଇ ଘରକୁ ଫୋନ୍ କରିଥିଲେ। ଏହା ପରେ ପୋଲିସ ପହଞ୍ଚି ସୋନମକୁ ଧରିଥିଲା।

ରାଜା ମୁଣ୍ଡର ଆଗ ଏବଂ ପଛରେ ଲାଗିଛି ବଡ କ୍ଷତ

ପୋଷ୍ଟମର୍ଟମ ରିପୋର୍ଟରେ ରାଜା ରଘୁବଂଶୀଙ୍କ ଶରୀରରେ ଅନେକ ଧାରୁଆ ଅସ୍ତ୍ରରେ କ୍ଷତ ଥିବା ନିଶ୍ଚିତ କରାଯାଇଛି। ମୁଣ୍ଡର ଆଗ ଏବଂ ପଛ ପାର୍ଶ୍ୱରେ ଦୁଇଟି ବଡ଼ କ୍ଷତ ଥିବା ଜଣାପଡିଛି। ଖାଇରେ ଫିଙ୍ଗି ଦିଆଯିବା ଯୋଗୁଁ ହାଡ଼ ମଧ୍ୟ ଭାଙ୍ଗି ଯାଇଥିଲା। ପୋଲିସ ହତ୍ୟାରେ ବ୍ୟବହୃତ ଅସ୍ତ୍ରକୁ ମଧ୍ୟ ଅପରାଧ ସ୍ଥଳରୁ ଉଦ୍ଧାର କରିଛି। ତେବେ ଏତେ ପରେ ବି ସୋନାମ ମୁହଁରେ ପଶ୍ଚ୍ୟାତାପର ଛାଇ ମଧ୍ୟ ଦେଖିବାକୁ ମିଳୁ ନାହିଁ।

Also readhttps://purvapaksa.com/government-to-open-clubs-in-villages-for-youth/

Government to open clubs in villages for youth II ଯୁବପିଢ଼ିଙ୍କ ପାଇଁ ଗାଁରେ କ୍ଳବ୍ ଖୋଲିବେ ସରକାର