Benefits Of Guava: ଶୀତ ଋତୁରେ ସ୍ୱାସ୍ଥ୍ୟକର ଫଳ ଏବଂ ପନିପରିବା ପ୍ରଚୁର ପରିମାଣରେ ମିଳିଥାଏ ।
ଲୋକମାନେ ଏହାକୁ ନିଜ ଖାଦ୍ୟରେ ସାମିଲ କରିଥାନ୍ତି । ଏହା ସ୍ୱାସ୍ଥ୍ୟ ପାଇଁ ଅନେକ ଫାଇଦା ଆଣିଥାଏ । ଏହି ଫଳକୁ ଅନେକ ଉପାୟରେ ବ୍ୟବହାର କରାଯାଏ । କେହି କେହି ସାଲାଡ୍ ଆକାରରେ ଫଳକୁ ଖାଦ୍ୟରେ ସାମିଲ କରିଥାନ୍ତି ତ ଆଉ କିଏ ସ୍ମୁଦି କିମ୍ବା ଜୁସ୍ ପିଇବାକୁ ପସନ୍ଦ କରନ୍ତି। ଆଜି ଆମେ ଆପଣଙ୍କୁ ପିଜୁଳି ରସ ବିଷୟରେ କହିବାକୁ ଯାଉଛୁ । ଯଦି ଆପଣ ଶୀତଦିନେ ପ୍ରତିଦିନ ପିଜୁଳି ରସ ପିଅନ୍ତି ତେବେ ଆପଣଙ୍କୁ ଅନେକ ଫାଇଦା ମିଳିଥାଏ । ଶୀତଦିନେ ବଜାରରେ ଭଲ ପିଜୁଳି ଦେଖିବାକୁ ମିଳେ। ଆସନ୍ତୁ ଜାଣିବା ପିଜୁଳିର ଉପକାରିତା ବିଷୟରେ…
ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ
ଶୀତ ଦିନେ ଋତୁକାଳୀନ ରୋଗ ହେବାର ଆଶଙ୍କା ବଢିଯାଏ । ଏଭଳି ପରିସ୍ଥିତିରେ ପିଜୁଳି ଆପଣଙ୍କ ରୋଗ ପ୍ରତିରୋଧକ ଶକ୍ତିକୁ ମଜବୁତ କରିବାରେ ସହାୟକ ହୋଇଥାଏ। ପିଜୁଳିରେ ଭିଟାମିନ୍ ସି ଭରପୂର ମାତ୍ରାରେ ରହିଥାଏ। ଏହା ରୋଗ ପ୍ରତିରୋଧକ ଶକ୍ତିକୁ ମଜବୁତ କରିବାରେ ସହାୟକ ହୋଇଥାଏ। ଶୀତଦିନେ ପିଜୁଳି ରସ ପିଇବା ଦ୍ୱାରା ଶରୀରକୁ ଯେକୌଣସି ପ୍ରକାର ସଂକ୍ରମଣ ସହ ଲଢ଼ିବାରେ ସାହାଯ୍ୟ କରିଥାଏ।
କୋଷ୍ଠକାଠିନ୍ୟରୁ ମୁକ୍ତି ଦେଇଥାଏ
ଯଦି ଆପଣ କୋଷ୍ଠକାଠିନ୍ୟ ସହ ସଂଘର୍ଷ କରୁଛନ୍ତି, ତେବେ ଥଣ୍ଡାରେ ପିଜୁଳି ରସ ନିଶ୍ଚୟ ପିଅନ୍ତୁ। ପିଜୁଳିରେ ପ୍ରଚୁର ମାତ୍ରାରେ ଫାଇବର ରହିଥାଏ। ଏହି କାରଣରୁ ଏହା ପାଚନ କ୍ରିୟାକୁ ଭଲ ରଖିବାରେ ସହାୟକ ହୋଇଥାଏ। ଏହି ଫଳର ରସ ପିଇବା ଦ୍ୱାରା ପେଟ ଯନ୍ତ୍ରଣା, ଫୁଲିବା, ଗ୍ୟାସ୍ ଭଳି ସମସ୍ୟାରୁ ମଧ୍ୟ ମୁକ୍ତି ମିଳିଥାଏ।
ତ୍ୱଚାକୁ କୋମଳ ରଖେ
ଶୀତ ଦିନେ ଆମ ତ୍ୱଚା ଶୁଷ୍କ ଓ ପ୍ରାଣହୀନ ହୋଇଯାଏ । ଏଭଳି ସ୍ଥିତିରେ ପିଜୁଳି ରସ ଆମ ତ୍ୱଚାକୁ ଆବଶ୍ୟକ ପୋଷଣ ଦେଇଥାଏ। ଏହା ତ୍ୱଚାର ଆର୍ଦ୍ରତା ବଜାୟ ରଖିବା ସହ ଚମକଦାର କରିବାରେ ସହାୟକ ହୋଇଥାଏ। ଯଦି ଆପଣ ପ୍ରତିଦିନ ପିଜୁଳି ରସ ପିଅନ୍ତି ତେବେ ଏହା ଚେହେରାକୁ ପ୍ରାକୃତିକ ଚମକ ଦେଇଥାଏ ।
ALSO READ: https://purvapaksa.com/health-benefits-of-eating-water-chestnut/
