Manohar Lal Khattar:କେନ୍ଦ୍ରମନ୍ତ୍ରୀ ମନୋହର ଲାଲ ଖଟ୍ଟର କହିଛନ୍ତି ଯେ ୨୦୪୭ ସୁଦ୍ଧା ଦେଶର ୫୦ ପ୍ରତିଶତ ଲୋକ ସହରରେ ରହିବେ। ଏଥିପାଇଁ ଏନଆଇୟୁଏ ‘କ୍ୟାପାସିଟି ଫର୍ ଚେଞ୍ଜ’ କାର୍ଯ୍ୟକ୍ରମ ଆରମ୍ଭ କରିବ।
ନିକଟରେ କେନ୍ଦ୍ରମନ୍ତ୍ରୀ ମନୋହର ଲାଲ ଖଟ୍ଟର କହିଥିଲେ ଯେ ଦେଶର ମୋଟ ଜନସଂଖ୍ୟାର ୩୫ ପ୍ରତିଶତ ବର୍ତ୍ତମାନ ସହରରେ ରହୁଛନ୍ତି ଏବଂ ୨୦୪୭ ସୁଦ୍ଧା ଏହି ସଂଖ୍ୟା ୫୦ ପ୍ରତିଶତକୁ ବୃଦ୍ଧି ପାଇପାରେ। ସହରାଞ୍ଚଳର ଏହି ବଢୁଥିବା ଜନସଂଖ୍ୟାକୁ ଦୃଷ୍ଟିରେ ରଖି ଜାତୀୟ ନଗର ଉନ୍ନୟନ ପ୍ରତିଷ୍ଠାନ (ଏନଆଇୟୁଏ) “କ୍ୟାପାସିଟି ଫର ଚେଞ୍ଜ” କାର୍ଯ୍ୟକ୍ରମ ଆରମ୍ଭ କରିଛି । ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ସହରାଞ୍ଚଳ ବିକାଶ କ୍ଷେତ୍ରରେ ଲକ୍ଷ ଲକ୍ଷ ଅଧିକାରୀ ଓ କର୍ମଚାରୀଙ୍କୁ ପ୍ରଶିକ୍ଷଣ ଦେବା ଯାହାଦ୍ୱାରା ସହରର ବିକାଶ ସାମଗ୍ରିକ ଏବଂ ପ୍ରଭାବଶାଳୀ ଢଙ୍ଗରେ ହୋଇପାରିବ ।
ସୂଚନା ଅନୁଯାୟୀ, ନଗର ଉନ୍ନୟନର ଏହି କାର୍ଯ୍ୟକ୍ରମରେ ପୁରୁଣା ସହରର ପୁନଃବିକାଶ, ବିଦ୍ୟମାନ ସହରର ସମ୍ପ୍ରସାରଣ ଓ ନୂତନ ସହରର ବିକାଶ ଉପରେ ବିଶେଷ ଧ୍ୟାନ ଦିଆଯିବ। ଏହା ଅଧୀନରେ ଆଧୁନିକ ସହରୀ ଯୋଜନା, ଭିତ୍ତିଭୂମି ଉନ୍ନତି, ପରିବେଶ ସୁରକ୍ଷା ଏବଂ ଜନସଂଖ୍ୟା ବୃଦ୍ଧି ସହିତ ସମନ୍ୱୟ ପାଇଁ ଅଧିକାରୀ ଓ କର୍ମଚାରୀମାନଙ୍କୁ ଆବଶ୍ୟକ ତାଲିମ ଦିଆଯିବ । ଏହି କାର୍ଯ୍ୟକ୍ରମ ସହରଗୁଡ଼ିକୁ ଅଧିକ ବିକଶିତ ଏବଂ ବାସଯୋଗ୍ୟ କରିବାରେ ସହାୟକ ହେବ ।
ନଗର ଉନ୍ନୟନରେ ପରିବର୍ତ୍ତନ ଆଣିବା ପାଇଁ ଆରମ୍ଭ ହେଲା ନୂଆ ଯୋଜନା
ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଉଛି ସହରାଞ୍ଚଳ ବିକାଶ କ୍ଷେତ୍ରରେ ଏକ ବଡ଼ ପରିବର୍ତ୍ତନ ଆଣିବା । ମନ୍ତ୍ରୀ କହିଥିଲେ ଯେ ଏହା ସହରାଂଚଳଜୀବନର ଗୁଣବତ୍ତାରେ ଉନ୍ନତି ଆଣିବ ଏବଂ ସହରଗୁଡିକୁ ଜୀବନର ଗୁଣବତ୍ତା ଦୃଷ୍ଟିରୁ ଅଧିକ ସୁନ୍ଦର, ସୁସଂଗଠିତ ଏବଂ ଉନ୍ନତ କରିବ । ଆଗାମୀ ସମୟରେ ଏହି ଯୋଜନା ଲକ୍ଷ ଲକ୍ଷ ଲୋକଙ୍କୁ ଉପକୃତ କରିବ ଏବଂ ଭାରତର ସହରାଞ୍ଚଳର ବିକାଶ ଏକ ନୂତନ ଦୃଷ୍ଟିକୋଣରୁ ହେବ ବୋଲି ବିଶ୍ୱାସ କରାଯାଉଛି ।
ସହରୀକରଣର ବଢୁଥିବା ପ୍ରଭାବ ସହିତ, ଅତ୍ୟଧିକ ଜନସଂଖ୍ୟା ଚାପ, ମୌଳିକ ଭିତ୍ତିଭୂମିର ଅଭାବ ଏବଂ ପରିବେଶ ସଙ୍କଟ ଭଳି ନୂତନ ଆହ୍ୱାନ ମଧ୍ୟ ଉଭା ହେବ । ଏହି କାର୍ଯ୍ୟକ୍ରମ ଜରିଆରେ ଏହି ଚ୍ୟାଲେଞ୍ଜଗୁଡିକର ସମାଧାନ କରାଯିବ, ଯାହା କେବଳ ଭାରତର ସହରଗୁଡ଼ିକର ବିକାଶ କରିବ ନାହିଁ ବରଂ ସେଠାରେ ରହୁଥିବା ଲୋକଙ୍କ ଜୀବନଧାରଣର ଗୁଣବତ୍ତା ରେ ମଧ୍ୟ ଉନ୍ନତି ଆଣିବ ।
Also read https://purvapaksa.com/youth-migrant-indian-day-started-in-bhubaneswar/
