ଏପ୍ରିଲ ୧୪ତାରିଖରୁ ଆରମ୍ଭ ହୋଇ ପ୍ରତିବର୍ଷ ଏକ ମାସ ଧରି ଚାଲିଥିବା ଆଦିବାସୀଙ୍କ ବାର୍ଷିକ ଶିକାର ପ୍ରଥା ‘ଅଖଣ୍ଡ ଶିକାର’ ସମୟରେ ଶିକାର ରୋକିବା ପାଇଁ ସୁରକ୍ଷା ବ୍ୟବସ୍ଥାର ଅଂଶ ସ୍ୱରୂପ ଶିମିଳିପାଳ କର୍ତ୍ତୃପକ୍ଷ ବ୍ୟାଘ୍ର ଅଭୟାରଣ୍ୟରେ ଆଉ ୧୫୦ଟି ଏଆଇ କ୍ୟାମେରା ଲଗାଇବାକୁ ନିଷ୍ପତ୍ତି ନେଇଛନ୍ତି।
ଆଞ୍ଚଳିକ ମୁଖ୍ୟ ବନ ସଂରକ୍ଷକ (ଆରସିସିଏଫ୍) ତଥା ଶିମିଳିପାଳ ବ୍ୟାଘ୍ର ସଂରକ୍ଷଣର କ୍ଷେତ୍ର ନିର୍ଦେଶକ ପ୍ରକାଶ ଚାନ୍ଦ ଗୋଗିନେନି କହିଛନ୍ତି ଯେ ବ୍ୟାଘ୍ର ଅଭୟାରଣ୍ୟରେ ଅଖଣ୍ଡ ଶିକାର ପ୍ରଥା ବନ୍ଦ ହୋଇଥିଲେ ମଧ୍ୟ ଆଦିବାସୀମାନଙ୍କର ଛୋଟ ଛୋଟ ଗୋଷ୍ଠୀ ଏବେବି ପଶୁ ଶିକାର ପାଇଁ ଏଷ୍ଟିଆର ଭିତରକୁ ପ୍ରବେଶ କରିବାକୁ ଚେଷ୍ଟା କରୁଛନ୍ତି। ଏଭଳି ପ୍ରୟାସକୁ ରୋକିବା ପାଇଁ ଶିମିଳିପାଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି।
ବ୍ୟାଘ୍ର ଅଭୟାରଣ୍ୟର ଗୁରୁତ୍ୱପୂର୍ଣ୍ଣ ସ୍ଥାନରେ ଲାଗିଥିବା ଆଉ ୧୫୦ଟି ଏଆଇ କ୍ୟାମେରା କିଣିବାକୁ ନିଷ୍ପତ୍ତି ହୋଇଛି। ବନ ବିଭାଗ ଏଷ୍ଟିଆରରେ ଏଭଳି ୧୦୦ଟି କ୍ୟାମେରା ଲଗାଇସାରିଛି, ଯାହା କି ବ୍ୟାଘ୍ର ଅଭୟାରଣ୍ୟର ପ୍ରତ୍ୟେକ କୋଣକୁ ନିରୀକ୍ଷଣରେ ରଖିବା ପାଇଁ କର୍ତ୍ତୃପକ୍ଷଙ୍କ ପାଇଁ ଏକ ଗୁପ୍ତ ଅସ୍ତ୍ର ପାଲଟିଛି।
ଏଆଇ କ୍ୟାମେରାରୁ ମିଳିଥିବା ସୂଚନା ଆଧାରରେ ବନ ବିଭାଗ ଅଧିକାରୀମାନେ ଶିମିଳିପାଳ ଭିତରେ ଶିକାର ଉଦ୍ୟମକୁ ବିଫଳ କରିଛନ୍ତି। ଏହି କ୍ୟାମେରା ସାହାଯ୍ୟରେ ବହୁ ସଂଖ୍ୟକ ଶିକାରୀଙ୍କୁ ଚିହ୍ନଟ କରାଯାଇ ଗିରଫ କରାଯାଇଛି।
ଏହାବ୍ୟତୀତ ବ୍ୟାଘ୍ର ସଂରକ୍ଷଣର ସୁରକ୍ଷା ପାଇଁ ଆମେ ମାନବ ସମ୍ବଳକୁ ସୁଦୃଢ଼ କରିଛୁ। ସମ୍ବେଦନଶୀଳ ଅଂଚଳରେ ଫରେଷ୍ଟ ଗାର୍ଡ, ଫରେଷ୍ଟର, ଏସିଏଫ, ଶିମିଳିପାଳ ବ୍ୟାଘ୍ର ସୁରକ୍ଷା ବଳ ଓ ପୂର୍ବତନ ସେନା କର୍ମଚାରୀଙ୍କୁ ମିଶାଇ ଅତି କମରେ ୮୦୦ ସୁରକ୍ଷା କର୍ମୀ ମୁତୟନ କରାଯାଇଛି । ଏଷ୍ଟିଆରର ପ୍ରବେଶ ପଥରେ ପାଟ୍ରୋଲିଂ କୁ ମଧ୍ୟ କଡ଼ାକଡ଼ି କରାଯାଇଛି। ବନ୍ୟଜନ୍ତୁ ଶିକାର ଅପରାଧ ସମ୍ପର୍କରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ପ୍ରଶାସନ, ପୁଲିସ ଓ ପିଆରଆଇ ସଦସ୍ୟମାନେ ସହଯୋଗ କରୁଛନ୍ତି ବୋଲି ଆରସିସିଏଫ୍ କହିଛନ୍ତି।
ସୂତ୍ରରୁ ପ୍ରକାଶ ଯେ ପ୍ରତିବର୍ଷ ବିଭିନ୍ନ ଆଦିବାସୀ ସମ୍ପ୍ରଦାୟର ଲୋକମାନେ ସାମୂହିକ ପଶୁ ଶିକାର ଅଭ୍ୟାସ ପାଇଁ ଏସଟିଆରକୁ ପ୍ରବେଶ କରନ୍ତି । ଧନୁ ଓ ତୀର ଭଳି ପାରମ୍ପରିକ ଅସ୍ତ୍ରରେ ପଶୁମାନଙ୍କୁ ମାରିବା ପରେ ପଣା ସଂକ୍ରାନ୍ତି ପର୍ବ ଅବସରରେ ସ୍ଥାନୀୟ ଦେବତାଙ୍କୁ ମାଂସ ଅର୍ପଣ କରିଥାନ୍ତି।
Also read https://purvapaksa.com/rift-between-juniors-and-seniors-widens-in-bjd/
