ଶ୍ୱାସ କ୍ରିୟା, ଶିକ୍ଷା ଓ ଶ୍ୱାସକ୍ରିୟା ଚିକିତ୍ସା କ୍ଷେତ୍ରରେ ଗବେଷଣା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଓଡ଼ିଶାର ଜାତୀୟ ସ୍ତରରେ ଖ୍ୟାତିସମ୍ପନ୍ନ ପଲ୍ମୋନୋଲୋଜିଷ୍ଟ ଡାକ୍ତର ନାରାୟଣ ମିଶ୍ରଙ୍କୁ ଦୁଇଟି ସମ୍ମାନଜନକ ଜାତୀୟ ପୁରସ୍କାର ପ୍ରଦାନ କରାଯାଇଛି।
ଡିସେମ୍ବର ୨୬ରେ ତେଲେଙ୍ଗାନାର ହାଇଦ୍ରାବାଦଠାରେ ଆୟୋଜିତ ଜାତୀୟ ସମ୍ମିଳନୀରେ ଡାକ୍ତର ମିଶ୍ରଙ୍କୁ ଇଣ୍ଡିଆନ ମେଡିକାଲ ଆସୋସିଏସନ (ଆଇଏମ୍ଏ) ପକ୍ଷରୁ ସମ୍ମାନଜନକ ‘ନ୍ୟାସନାଲ ଭେଟେରାନ୍ ଏକାଡେମିକ୍ ଏକ୍ସଲେନ୍ସ ଆୱାର୍ଡ’ରେ ସମ୍ମାନିତ କରାଯାଇଥିଲା। ଏହା ପୂର୍ବରୁ ନଭେମ୍ବର ୨୧ ରେ କୋଏମ୍ବାଟୁରଠାରେ ପଲ୍ମୋନୋଲୋଜିଷ୍ଟଙ୍କ ଜାତୀୟ ସମ୍ମିଳନୀରେ ତାଙ୍କୁ ‘ଇଣ୍ଡିଆନ୍ ଚେଷ୍ଟ ସୋସାଇଟି-ଲାଇଫ୍ ଟାଇମ୍ ଆଚିଭମେଣ୍ଟ ଆୱାର୍ଡ ୨୦୨୪’ର ସର୍ବୋଚ୍ଚ ଜାତୀୟ ସମ୍ମାନରେ ସମ୍ମାନିତ କରାଯାଇଥିଲା।
ସମଗ୍ର ଭାରତ ସ୍ତରରେ ଜ୍ଞାନ, ଦକ୍ଷତା ଏବଂ ମନୋଭାବର ଜ୍ଞାନାତ୍ମକ, ସାଇକୋମୋଟର ଏବଂ ଭାବପ୍ରବଣ କ୍ଷେତ୍ର ଉପାଦାନଗୁଡ଼ିକର ପ୍ରଚାର ଓ ପ୍ରସାର ଏବଂ ଆଇଏମଏ ମୁଖ୍ୟାଳୟର ଏକାଡେମିକ ପ୍ରୋଗ୍ରାମର ସହାନୁଭୂତି, କରୁଣା ଏବଂ ସଠିକ୍ ରୂପାୟନ ପାଇଁ ଉଦାହରଣ ମାଧ୍ୟମରେ ନେତୃତ୍ୱ ନେବା ପାଇଁ ଡ. ମିଶ୍ରଙ୍କୁ ‘ନ୍ୟାସନାଲ ଭେଟେରାନ୍ ଏକାଡେମିକ୍ ଏକ୍ସଲେନ୍ସ ଆୱାର୍ଡ’ ପ୍ରଦାନ କରାଯାଇଥିଲା। ଶ୍ୱାସକ୍ରିୟା ସେବା, ଶିକ୍ଷା ଏବଂ ଗବେଷଣାର ଅଗ୍ରଗତିରେ ତାଙ୍କର ଉଲ୍ଲେଖନୀୟ ଅବଦାନକୁ ଆଇଏମଏ ପ୍ରଶଂସା କରିଥିଲା ।
ଶ୍ୱାସକ୍ରିୟା ଚିକିତ୍ସା କ୍ଷେତ୍ରରେ ତାଙ୍କର ନିଷ୍ଠା, ଉଦ୍ଭାବନ ଏବଂ ଉତ୍କର୍ଷତା ପାଇଁ ତାଙ୍କୁ ‘ଇଣ୍ଡିଆନ୍ ଚେଷ୍ଟ ସୋସାଇଟି-ଲାଇଫ୍ ଟାଇମ୍ ଆଚିଭମେଣ୍ଟ ଆୱାର୍ଡ ୨୦୨୪’ ପ୍ରଦାନ କରାଯାଇଥିଲା। ତାଙ୍କର ଅବଦାନ ଏହି କ୍ଷେତ୍ରରେ ଏକ ଅବିସ୍ମରଣୀୟ ଛାପ ଛାଡିଛି ଏବଂ ଅନେକ ପିଢ଼ିର ଡାକ୍ତରୀ ବୃତ୍ତିଜୀବୀଙ୍କୁ ପ୍ରେରଣା ଦେଇଛି । ପୁରସ୍କାର ସମିତି ପକ୍ଷରୁ କୁହାଯାଇଛି।
ଶ୍ୱାସକ୍ରିୟା ଚିକିତ୍ସା କ୍ଷେତ୍ରରେ ତାଙ୍କର ଶିକ୍ଷାଗତ କାର୍ଯ୍ୟ ପାଇଁ ଡାକ୍ତର ମିଶ୍ର ଦୁଇଟି ଅନ୍ତର୍ଜାତୀୟ ପୁରସ୍କାର ଏବଂ ୧୦୦ରୁ ଅଧିକ ଜାତୀୟ ପୁରସ୍କାର ପାଇଛନ୍ତି । ସେ ଦେଶରେ ତମାଖୁ ବିରୋଧୀ ଅଭିଯାନ ପାଇଁ ଜଣାଶୁଣା ଏବଂ ୬୭୦ରୁ ଅଧିକ ଆଣ୍ଟି-ଟୋବାକ୍ ଆୟୋଜନ କରିଛନ୍ତି।
Also read https://purvapaksa.com/jagannath-darshan-in-new-year/
