ହର୍ମୁଜ୍ ସଙ୍କଟ ମଧ୍ୟରେ ନିଜ ସୁରକ୍ଷା ପାଇଁ କୁଟ ପାଞ୍ଚୁଛି ପାକିସ୍ତାନ | ଇନ୍ଧନ ବ୍ୟବହାର ହ୍ରାସ କରିବା ପାଇଁ ବନ୍ଦ କରୁଛି ଶିକ୍ଷାସ୍ଥଳ | କରୁଛି ଅନଲାଇନ୍ କ୍ଲାସ ପାଇଁ ରିମୋଟ୍ କାମ | ତେବେ ହର୍ମୁଜ୍ ପ୍ରଣାଳୀ ବନ୍ଦ ହେବା ଦ୍ୱାରା ଦେଶରେ ସୃଷ୍ଟି ହୋଇଛି ଗମ୍ଭୀର ଶକ୍ତି ସଙ୍କଟ | ଯାହାକୁ ନେଇ ସଂଘର୍ଷ କରୁଥିବା ପାକିସ୍ତାନ ଏଣିକି ଲାଗୁକରିଛି କୋଭିଡ୍-ଯୁଗର ପଦକ୍ଷେପ | ଯେପରିକି ବାଧ୍ୟତାମୂଳକ ଘରୁ ଅତି ଜରୁରୀ କାମରେ ବାହାରିବା ଏପରିକି ଛାତ୍ରଙ୍କ ପାଇଁ ଅନଲାଇନ୍ କ୍ଲାସ ପୁଣି ଅନିର୍ବାଯ୍ୟ କରିବାକୁ କରୁଛି ବିଚାର |
ତେହେରାନ ବିରୁଦ୍ଧରେ ଚାଲିଥିବା ଆମେରିକା-ଇସ୍ରାଏଲ୍ ର ସାମରିକ ଅଭିଯାନ ମଧ୍ୟରେ ଇରାନ ଲାଗିଛି ପ୍ରମୁଖ ଜାହାଜ ଚଳାଚଳ ମାର୍ଗରେ କଟକଣା | ଯାହା ପରେ ସାମୁଦ୍ରିକ ଯାତାୟାତରେ ବନ୍ଦ ହୋଇଛି ଅନେଇ ବିଶେଷ ଓ ନିତ୍ୟବ୍ୟବହାର୍ଯ୍ୟ ସାମଗ୍ରୀର ଆମଦାନୀ ଉପରବି ପଡିଛି ପ୍ରଭାବ | ତେଣୁ ଏହାକୁ ଆଖିରେ ରଖି ଇସଲାମାବାଦ୍ ର ଇନ୍ଧନ ବ୍ୟବହାରକୁ ହ୍ରାସ କରିବା ଏବଂ ହ୍ରାସ ପାଉଥିବା ଶକ୍ତି ଭଣ୍ଡାରକୁ ସଂରକ୍ଷଣ ପରିଚାଳନା କରିବା ପାଇଁ ପାକିସ୍ତାନ ଅନେକ ଜରୁରୀକାଳୀନ ପଦକ୍ଷେପର ଅନୁସନ୍ଧାନ କରୁଥିବା ନେଇ କହିଛନ୍ତି ଇସଲାମାବାଦ୍ ଅଧିକାରୀ |
ଇନ୍ଧନ ଅଭାବ ପାଇଁ ହାତବନ୍ଧା ନିୟନ୍ତ୍ରଣର ଜଞ୍ଜିରରେ
ଅର୍ଥମନ୍ତ୍ରୀ ମହମ୍ମଦ ଔରଙ୍ଗଜେବ କହିଛନ୍ତି ଯେ ପାକିସ୍ତାନରେ ବର୍ତ୍ତମାନ ପେଟ୍ରୋଲ ଏବଂ ଡିଜେଲ ଷ୍ଟକ୍ ଅଛି ଯାହା ପ୍ରାୟ 28 ଦିନ ପାଇଁ ରହିପାରିବ, ଅଶୋଧିତ ତୈଳ ଭଣ୍ଡାର ପ୍ରାୟ 10 ଦିନ ପାଇଁ ଏବଂ ଏଲପିଜି ଯୋଗାଣ ପ୍ରାୟ 15 ଦିନ ପାଇଁ ରହିପାରିବ ନେଇ ହିସାବ ହୋଇଛି । ଏକ ଅନ୍ତର୍ଜାତୀୟ ଗଣମାଧ୍ୟମର ଏକ ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ ଶେହବାଜ ସରିଫଙ୍କ ନେତୃତ୍ୱାଧୀନ ସରକାର ପରିସ୍ଥିତି ପରିଚାଳନା ପାଇଁ ବିଭିନ୍ନ ପ୍ରକାର ପଦକ୍ଷେପ ପ୍ରସ୍ତୁତ କରୁଛନ୍ତି । ଏଥିରେ ପେଟ୍ରୋଲ ମୂଲ୍ୟରେ ସାପ୍ତାହିକ ସଂଶୋଧନ, ତୈଳ କମ୍ପାନୀଗୁଡ଼ିକୁ ଅଧିକ ବୀମା ଏବଂ ଆମଦାନୀ ପ୍ରିମିୟମ୍ ପାଇଁ କ୍ଷତିପୂରଣ ଦେବା ତତ୍ ସହିତ ବିଭିନ୍ନ କ୍ଷେତ୍ରରେ ଇନ୍ଧନ ସଂରକ୍ଷଣ ପଦକ୍ଷେପ ସବୁକୁ କାର୍ଯ୍ୟକାରୀ କରିବା ପାଇଁ ଆରମ୍ଭ ହୋଇଛି ମାପଚୁପ ।
କର୍ତ୍ତୃପକ୍ଷମାନେ କର୍ପୋରେଟ୍ ଅଫିସଗୁଡ଼ିକୁ ପ୍ରତି ସପ୍ତାହରେ ମାତ୍ର ଦୁଇ ଦିନ ଅଫିସ ଆସି କାମ କରିବାକୁ କହିଥିବା ବେଳେ , ଚଳିତ ମାସରେ ଅଫିସରେ କର୍ମଚାରୀମାନଙ୍କୁ ଅତ୍ୟାବଶ୍ୟକୀୟ କାମ ସବୁକୁ ସୀମିତ କରିବାକୁ ମଧ୍ୟ ବିଚାର କରୁଛନ୍ତି । ଏହା ସହ ଅତିରିକ୍ତ ପ୍ରସ୍ତାବଗୁଡ଼ିକରେ କର୍ମଚାରୀମାନଙ୍କ ମଧ୍ୟରେ ରାଇଡ୍-ସେୟାରିଂକୁ ପ୍ରୋତ୍ସାହିତ କରିବା , ଆବଶ୍ୟକ ହେଲେ ଶିକ୍ଷାନୁଷ୍ଠାନଗୁଡ଼ିକୁ ଅନଲାଇନ୍ କ୍ଲାସକୁ ସ୍ଥାନାନ୍ତର କରିବା ନେଇ ଉପାୟ ପାଞ୍ଚୁଛି ପାକିସ୍ତାନ |
ଷ୍ଟ୍ରେଟ୍ ବନ୍ଦ ବିଶ୍ୱ ଶକ୍ତି ମାର୍ଗକୁ ବାଧାପ୍ରାପ୍ତ କରେ
ଇରାନର ଇସଲାମିକ୍ ରିଭୋଲ୍ୟୁସନରୀ ଗାର୍ଡ କର୍ପସ୍ କହିଛି , ଏହା ପୂର୍ବରୁ ସ୍ପଷ୍ଟ କରାଯାଇଥିଲା ଯେ ଦେଶ ଅନ୍ତର୍ଜାତୀୟ ଆଇନ ଏବଂ ପ୍ରାସଙ୍ଗିକ ପ୍ରସ୍ତାବ ଅନୁଯାୟୀ ଯୁଦ୍ଧ ସମୟରେ ହର୍ମୁଜ୍ ଷ୍ଟେଟ୍ ଦେଇ ଗତି ନିୟନ୍ତ୍ରଣ କରିବାର ଅଧିକାର ଆମ ପାଖରେ ଅଛି । ଫୋର୍ସ ଆହୁରି ମଧ୍ୟ କହିଛି ଯେ ଜଳପଥ ବର୍ତ୍ତମାନ କେବଳ ଯୁକ୍ତରାଷ୍ଟ୍ର, ଇସ୍ରାଇଲ୍, ୟୁରୋପ ଏବଂ ସେମାନଙ୍କର ପଶ୍ଚିମ ମିତ୍ର ଦେଶଙ୍କ ପାଇଁ ଜାହାଜ ଯାତାୟାତ ବନ୍ଦ ଅଛି।
ଯୁକ୍ତରାଷ୍ଟ୍ର ଏବଂ ଇସ୍ରାଏଲ ଶନିବାର ଇରାନ ବିରୁଦ୍ଧରେ ସେମାନଙ୍କର ମିଳିତ ସାମରିକ ଅଭିଯାନ ଆରମ୍ଭ କରିବା ପରଠାରୁ ଷ୍ଟ୍ରେଟ୍ ମୁଖ୍ୟତଃ ବନ୍ଦ ରହିଛି। ଏହି ସାମୁଦ୍ରିକ ପଥରେ ବିଶ୍ୱର ପ୍ରାୟ ଏକ-ପଞ୍ଚମାଂଶ ସମୁଦ୍ରଜାତ ତୈଳ ପରିବହନ କରାଯାଏ , ଯାହା ଏହାକୁ ବିଶ୍ୱ ସ୍ତରରେ ସବୁଠାରୁ ଗୁରୁତ୍ୱପୂର୍ଣ୍ଣ ଶକ୍ତି କରିଡର ମଧ୍ୟରୁ ଅନ୍ୟତମ କରିଥାଏ।
ଏହି ସପ୍ତାହର ଆରମ୍ଭରେ, ପାକିସ୍ତାନର ବୈଦେଶିକ ମନ୍ତ୍ରୀ ଇସାକ୍ ଡାର୍ କହିଥିଲେ ଯେ ସେ “ଇରାନକୁ ବୁଝାଇଛନ୍ତି” ଯେ ସାଉଦି ଆରବ ସହିତ ଇସଲାମାବାଦର ପ୍ରତିରକ୍ଷା ଚୁକ୍ତି ସମ୍ଭାବ୍ୟ ଭାବରେ ପାକିସ୍ତାନକୁ ସଂଘର୍ଷକୁ ଟାଣିପାରେ। ତଥାପି, ସେ ଉଲ୍ଲେଖ କରିଥିଲେ ଯେ ଆଫଗାନିସ୍ତାନ ସହିତ ଜଡିତ ଉତ୍ତେଜନା ଓ ଏକ ଦୁର୍ବଳ ଆର୍ଥିକ ପରିସ୍ଥିତିର ସମ୍ମୁଖୀନ ହେଉଥିବା ବେଳେ ପାକିସ୍ତାନ ପୁଣି ଆଉ ଏକ ଯୁଦ୍ଧ ସହ୍ୟ କରିପାରିବ ନାହିଁ।
also read : https://purvapaksa.com/begging-racket-targeting-children-in-odisha/
ଓଡ଼ିଶାରେ ପିଲାମାନଙ୍କୁ ଭିକ ମଗାଉଛି ରାକେଟ || Begging racket targeting children in Odisha
