ଯୁଦ୍ଧ କାଳରେ କାହିଁକି ହୁଏ ମକ୍ ଡ୍ରିଲ୍ ? ଦେଶରେ କେତେ ଜିଲ୍ଲାରେ ହେବ ମକଡ୍ରିଲ୍?

ପାକିସ୍ତାନ ସହ ବୃଦ୍ଧି ପାଉଥିବା ଉତ୍ତେଜନା ମଧ୍ୟରେ କେନ୍ଦ୍ର ସରକାର ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ମକ୍ ଡ୍ରିଲ କରାଇବା ପାଇଁ ନିର୍ଦ୍ଦେଶ ଜାରି କରିଛନ୍ତି। କେନ୍ଦ୍ରୀୟ ଗୃହ ମନ୍ତ୍ରାଳୟ ଅନୁସାରେ, ମେ ୭, ଅର୍ଥାତ୍ ଆସନ୍ତାକାଲି ଏହା ଆୟୋଜିତ ହେବ। ଏହି ସମୟରେ ନାଗରିକମାନଙ୍କୁ ଆକ୍ରମଣ ସମୟରେ ବଞ୍ଚିବା ପାଇଁ ପ୍ରଶିକ୍ଷଣ ଦିଆଯିବ। ୨୪୪ଟି ଚିହ୍ନିତ ଜିଲ୍ଲାରେ ଏହି ମକ୍ ଡ୍ରିଲ ହେବ। ଏହାର ଉଦ୍ଦେଶ୍ୟ ହେଉଛି ନାଗରିକ ସୁରକ୍ଷାର ଉନ୍ନତ ପ୍ରସ୍ତୁତି। ଦେଶରେ ଶେଷ ଥର ପାଇଁ ୧୯୭୧ରେ ମକ୍ ଡ୍ରିଲ ହୋଇଥିଲା।

ଯୁଦ୍ଧ ସାଇରେନ କାହିଁକି ବାଜେ?

• ବିପର୍ଯ୍ୟୟ ବା ଜରୁରୀ ସ୍ଥିତିରେ ବାଜେ
• ତୀବ୍ର ଶବ୍ଦ ବିଶିଷ୍ଟ ଚେତାବନୀ ବ୍ୟବସ୍ଥା
• ଯୁଦ୍ଧ ସାଇରେନର ଶବ୍ଦ ଅତି ତୀବ୍ର
• ୨-୫ କିଲୋମିଟର ପର୍ଯ୍ୟନ୍ତ ଶୁଣାଯାଏ
• ୧୨୦-୧୪୦ ଡେସିବେଲ ଶବ୍ଦ ଉତ୍ପନ୍ନ ହୁଏ
• ଶବ୍ଦରେ ଏକ ଚକ୍ରୀୟ ପ୍ୟାଟର୍ନ ଥାଏ
• ଶବ୍ଦ ଧୀରେ ଧୀରେ ବୃଦ୍ଧି ପାଏ ଓ ପୁନର୍ବାର ହ୍ରାସ ପାଏ

କେଉଁ ଜିଲ୍ଲାରେ ହେବ ଡ୍ରିଲ?

ଏହି ମକ୍ ଡ୍ରିଲ ୨୪୪ଟି ନାଗରିକ ସୁରକ୍ଷା ଜିଲ୍ଲାରେ ହେବ। ୧୯୬୨ରେ ଜରୁରୀକାଳୀନ ଘୋଷଣା ପର୍ଯ୍ୟନ୍ତ ସରକାରଙ୍କ ନାଗରିକ ସୁରକ୍ଷା ନୀତି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ସୁରକ୍ଷା ଉପାୟ ସମ୍ପର୍କରେ ସଚେତନ କରାଇବା ଏବଂ ପ୍ରମୁଖ ସହର ଓ ନଗରଗୁଡ଼ିକ ପାଇଁ ଜରୁରୀକାଳୀନ ରିଲିଫ ଯୋଜନା ଅନୁସାରେ କାଗଜପତ୍ର ଯୋଜନା ପ୍ରସ୍ତୁତ ରଖିବା ପର୍ଯ୍ୟନ୍ତ ସୀମିତ ଥିଲା। ଏହା ପରେ ୧୯୬୮ ମେ ମାସରେ ସଂସଦ ଦ୍ୱାରା ନାଗରିକ ସୁରକ୍ଷା ଆଇନ, ୧୯୬୮ ପାସ୍‍ ହୋଇଥିଲା।

ନାଗରିକ ସୁରକ୍ଷା ଆଇନ, ୧୯୬୮ ସାରା ଦେଶରେ ଲାଗୁ। ତଥାପି, ଏହି ସଂଗଠନ କେବଳ ସେହି ଅଞ୍ଚଳ ଓ ଜୋନ୍‌ଗୁଡ଼ିକରେ ସ୍ଥାପିତ ହୋଇଛି, ଯେଉଁମାନେ ଶତ୍ରୁ ଆକ୍ରମଣ ଦୃଷ୍ଟିରୁ ରଣନୀତିକ ଓ ସାମରିକ ଦୃଷ୍ଟିକୋଣରୁ ସମ୍ବେଦନଶୀଳ ବୋଲି ବିବେଚିତ।

ସେହି ୨୪୪ଟି ଜିଲ୍ଲାରେ ମକ୍ ଡ୍ରିଲ କରାଇବାର ଯୋଜନା ହୋଇଛି। ଏହି ଜିଲ୍ଲାଗୁଡ଼ିକ ଭାରତ-ପାକିସ୍ତାନ ସୀମା ସହ ସଂଯୁକ୍ତ, ଯେଉଁଥିରେ ଜାମ୍ମୁ କାଶ୍ମୀର, ରାଜସ୍ଥାନ, ଗୁଜରାଟ, ପଞ୍ଜାବ ଆଦି ରାଜ୍ୟର ଜିଲ୍ଲା ଅନ୍ତର୍ଭୁକ୍ତ। ଏହା ସହ କିଛି ସମ୍ବେଦନଶୀଳ ନଗରକୁ ମଧ୍ୟ ନାଗରିକ ସୁରକ୍ଷା ଜିଲ୍ଲାରେ ରୂପାନ୍ତରିତ କରାଯାଇଛି।

ନାଗରିକ ସୁରକ୍ଷାର ଉଦ୍ଦେଶ୍ୟ ହେଉଛି ଜୀବନ ରକ୍ଷା କରିବା, ସମ୍ପତ୍ତିର କ୍ଷତି ନ୍ୟୂନତମ କରିବା, ଉତ୍ପାଦନର ନିରନ୍ତରତା ବଜାୟ ରଖିବା ଏବଂ ଲୋକଙ୍କ ମନୋବଳ ଉଚ୍ଚ ରଖିବା।

ଯୁଦ୍ଧ ଓ ଜରୁରୀକାଳୀନ ସମୟରେ ନାଗରିକ ସୁରକ୍ଷା ସଂଗଠନର ଗୁରୁତ୍ୱପୂର୍ଣ୍ଣ ଭୂମିକା ରହିଛି, ଯେଉଁଥିରେ ଏହା ଆଭ୍ୟନ୍ତରୀଣ ଅଞ୍ଚଳର ସୁରକ୍ଷା କରେ, ସଶସ୍ତ୍ର ବାହିନୀକୁ ସହାୟତା ଯୋଗାଇଥାଏ ଏବଂ ନାଗରିକମାନଙ୍କୁ ସଂଗଠିତ କରେ।

ସାଇରେନ ବାଜିଲେ କ’ଣ କରିବେ?

• ତୁରନ୍ତ ନିରାପଦ ସ୍ଥାନକୁ ଯାଆନ୍ତୁ
• ୫ରୁ ୧୦ ମିନିଟରେ ନିରାପଦ ସ୍ଥାନରେ ପହଞ୍ଚନ୍ତୁ
• ସାଇରେନ ବାଜୁଥିବା ସମୟରେ ଭୟଭୀତ ହୁଅନ୍ତୁ ନାହିଁ
• ଖାଲି ସ୍ଥାନରୁ ଦୂରେଇ ଯାଆନ୍ତୁ
• ଘର ଓ ନିରାପଦ ସ୍ଥାନକୁ ଯାଆନ୍ତୁ
• ଟିଭି, ରେଡିଓ ଓ ସରକାରୀ ଚେତାବନୀକୁ ଧ୍ୟାନ ଦିଅନ୍ତୁ
• ଗୁଜବରୁ ଦୂରେଇ ରୁହନ୍ତୁ, ପ୍ରଶାସନର ନିର୍ଦ୍ଦେଶ ପାଳନ କରନ୍ତୁ

ସାଇରେନ କେଉଁଠାରେ ଲାଗିଥାଏ?

• ସରକାରୀ ଭବନ
• ପ୍ରଶାସନିକ ଭବନ
• ପୁଲିସ ମୁଖ୍ୟାଳୟ
• ଅଗ୍ନିଶମ କେନ୍ଦ୍ର
• ସାମରିକ ଘାଟି
• ସହରର ବଡ଼ ବଜାର
• ଜନଗହଳିପୂର୍ଣ୍ଣ ସ୍ଥାନ
• ନାଗରିକ ମକ୍ ଡ୍ରିଲରେ କେଉଁମାନେ ସାମିଲ?
• ଜିଲ୍ଲା ଅଧିକାରୀ
• ସ୍ଥାନୀୟ ପ୍ରଶାସନ
• ନାଗରିକ ସୁରକ୍ଷା ଓ୍ୱାର୍ଡେନ
• ପୁଲିସ କର୍ମୀ
• ହୋମ ଗାର୍ଡ
• କଲେଜ-ସ୍କୁଲ ଛାତ୍ର
• ଜାତୀୟ କ୍ୟାଡେଟ କର୍ପସ (ଏନସିସି)
• ଜାତୀୟ ସେବା ଯୋଜନା (ଏନଏସଏସ)
• ନେହୁର ଯୁବ କେନ୍ଦ୍ର ସଂଗଠନ (ଏନୱାଇକେଏସ)

Also drillhttps://purvapaksa.com/jewel-oram-goes-missing-from-train-for-three-hours/

ତିନି ଘଣ୍ଟା ପାଇଁ ଟ୍ରେନରୁ ନିଖୋଜ ହୋଇଥିଲେ ଜୁଏଲ ଓରାମ,ଜାଣନ୍ତୁ କ’ଣ ଥିଲା ପୁରା ମାମଲା