ଆମେରିକା ରାଷ୍ଟ୍ରପତି ଡୋନାଲ୍ଚ ଟ୍ରମ୍ପ ଓ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଆଲାସ୍କାର ବୈଠକରୁ ୟୁକ୍ରେନ୍ -ଋଷ ଯୁଦ୍ଧ ବିରାମ ନେଇ କିଛି ନିଷ୍କର୍ସ ବାହାରିବା ନେଇ ସାରା ବିଶ୍ଵ ଅନେଇ ବସିଥିଲା।ଆଲାସ୍କା ଶିଖର ସମ୍ମିଳନୀରେ ୨ ଘଣ୍ଟା ୪୫ ମିନିଟ୍ ଆଲୋଚନା ପରେ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ କହିଥିଲେ ଯେ ଯଦି ୨୦୨୨ରେ ଡୋନାଲ୍ଡ ଟ୍ରମ୍ପ ହ୍ୱାଇଟ୍ ହାଉସରେ ଥାଆନ୍ତେ, ତେବେ ୟୁକ୍ରେନ ସହ ତାଙ୍କର ଯୁଦ୍ଧ କେବେବି ହୋଇନଥାଆନ୍ତା। ଟ୍ରମ୍ପ-ପୁଟିନ୍ଙ୍କ ମିଟିଂ ସକରାତ୍ମକ ସତ୍ତ୍ୱେ ଯୁଦ୍ଧ ବିରତି ନେଇ କୌଣସି ନିଷ୍କର୍ସ ବାହାରି ପାରିଲା ନାହିଁ ବୋଲି କୁହାଯାଉଛି। ଏହା ପାଞ୍ଚ ବର୍ଷ ମଧ୍ୟରେ ସେମାନଙ୍କର ପ୍ରଥମ ମୁହାଁମୁହିଁ ସାକ୍ଷାତକାର ଥିଲା।
ଯେତେବେଳେ ପୁଟିନଙ୍କୁ ଟ୍ରମ୍ପଙ୍କ ଦୀର୍ଘକାଳୀନ ଦାବି ବିଷୟରେ ପଚରାଗଲା ଯେ ତାଙ୍କର ଉପସ୍ଥିତି କେବଳ ଋଷକୁ ଆକ୍ରମଣ କରିବାରୁ ରୋକିପାରିଥାଆନ୍ତା, ସେ କହିଥିଲେ, ” ମୁଁ ଏହାକୁ ନିଶ୍ଚିତ କରିପାରିବି।” ଦୁଇ ପକ୍ଷ ଆଲାସ୍କାରେ ଆଲୋଚନା କରିଥିଲେ, ଯାହାକୁ ଉଭୟ ପକ୍ଷ ଗଠନମୂଳକ ବୋଲି ବର୍ଣ୍ଣନା କରିଥିଲେ। ପୁଟିନ ଏହି ସ୍ଥାନକୁ “ଆମ ଦେଶଗୁଡ଼ିକର ସହଭାଗୀ ଇତିହାସକୁ ଦୃଷ୍ଟିରେ ରଖି ଏକ ତାର୍କିକ ସ୍ଥାନ” ବୋଲି ବର୍ଣ୍ଣନା କରିଛନ୍ତି। ଋଷ ସର୍ବଶ୍ରେଷ୍ଠ ନେତା କହିଛନ୍ତି ଯେ ଦୀର୍ଘଦିନ ସମ୍ପର୍କରେ “ଅତ୍ୟନ୍ତ କଷ୍ଟକର ସମୟ” ପରେ ମସ୍କୋ ଏବଂ ୱାଶିଂଟନ ଏବେ “ଅତ୍ୟନ୍ତ ଭଲ ସିଧାସଳଖ ଯୋଗାଯୋଗ” ସ୍ଥାପନ କରିଛନ୍ତି। “ପରିସ୍ଥିତିକୁ ସଂଶୋଧନ କରିବା ଗୁରୁତ୍ୱପୂର୍ଣ୍ଣ ଥିଲା। ଆମେ ସର୍ବଦା ମନେ ରଖିବୁ ଯେ ଆମର ଦେଶଗୁଡ଼ିକ ସାଧାରଣ ଶତ୍ରୁମାନଙ୍କ ସହିତ କିପରି ଲଢ଼ୁଥିଲେ। ଏହି ଐତିହ୍ୟ ଭବିଷ୍ୟତରେ ଆମକୁ ସାହାଯ୍ୟ କରିବ,” ସେ ସାମ୍ବାଦିକମାନଙ୍କୁ କହିଥିଲେ।
ତେବେ ୟୁକ୍ରେନରେ ଯୁଦ୍ଧ ଶେଷ କିମ୍ବା ବନ୍ଦ କରିବା ପାଇଁ କୌଣସି ଚୁକ୍ତି ବିନା ଶୁକ୍ରବାର ଦିନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ଆଲାସ୍କା ଶିଖର ବୈଠକ ସମାପ୍ତ ହୋଇଥିଲା। ୧୯୪୫ ମସିହା ପରେ ୟୁରୋପରେ ଏହା ସବୁଠାରୁ ଭୟଙ୍କର ସଂଘର୍ଷ ହେଉଛି, ଯାହା ଏବେ ଚତୁର୍ଥ ବର୍ଷରେ ପହଞ୍ଚିଛି।୨୦୨୨ ଫେବୃଆରୀରେ ଆରମ୍ଭ ହୋଇଥିବା ଯୁଦ୍ଧ ୨୦୨୫ ରେ ଶେଷ ହେବ ବୋଲି ଆଶା କରାଯାଇଥିଲା ହେଲେ ତାହା ସଫଳ ହୋଇନି।
ପୁଟିନ୍ କହିଥିଲେ ଯେ ବୈଠକରେ ୟୁକ୍ରେନ “ପ୍ରମୁଖ ବିଷୟ ମଧ୍ୟରୁ ଗୋଟିଏ” ଥିଲା, ବୈଠକ ସକାରାତ୍ମକ ହୋଇଛି । ଯଦି ୨୦୨୨ରେ ଟ୍ରମ୍ପ ଆମେରିକା ରାଷ୍ଟ୍ରପତି ହୋଇଥାନ୍ତେ ତେବେ ୟୁକ୍ରେନ୍ ସହ ଯୁଦ୍ଧା ହୋଇନଥାନ୍ତା । ମସ୍କୋରେ ପରବର୍ତ୍ତୀ ବୈଠକ ନେଇ ଟ୍ରମ୍ପଙ୍କୁ ଆମନ୍ତ୍ରଣ କରିଛନ୍ତି ପୁଟିନ୍ । ୟୁଏସ୍ରେ ନୂଆ ପ୍ରଶାସନର ଆଗମନ ସହିତ, ଋଷ ଏବଂ ଆମେରିକା ମଧ୍ୟରେ ବାଣିଜ୍ୟ ୨୦ପ୍ରତିଶତ ବୃଦ୍ଧି ପାଇଛି । ଟ୍ରମ୍ପଙ୍କ ସହ ଆଲୋଚନା ୟୁକ୍ରେନ୍ ବିବାଦ ଶେଷ କରିବା ଦିଗରେ ଏକ ଆରମ୍ଭ । ଯୁଦ୍ଧ ଶେଷ କରିବାକୁ ଋଷ ପ୍ରକୃତରେ ଆଗ୍ରହୀ ଅଛି । ନିଷ୍କର୍ସରେ ପହଞ୍ଚିବା ପୂର୍ବରୁ ଏହାର ମୂଳ କାରଣ ଦୂର କରାଯିବା ଉଚିତ୍ ।
ଆଲାସ୍କାରେ ପ୍ରାୟ ତିନି ଘଣ୍ଟା ଧରି ଉଚ୍ଚସ୍ତରୀୟ ଆଲୋଚନା ପରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ଗଣମାଧ୍ୟମ ସମ୍ମୁଖରେ ସଂକ୍ଷିପ୍ତ ସମୟ ପାଇଁ ଦେଖା ଦେଇଥିଲେ। ଉଭୟ ଅନେକ ପ୍ରସଙ୍ଗରେ ଅଗ୍ରଗତିକୁ ସ୍ୱୀକାର କରିଥିଲେ, କିନ୍ତୁ କୌଣସି ବିବରଣୀ ଦେଇ ନଥିଲେ କିମ୍ବା କୌଣସି ପ୍ରଶ୍ନର ଉତ୍ତର ଦେଇ ନଥିଲେ। ଆଲାସ୍କାରେ ପୁଟିନ୍ଙ୍କ ସହ ବୈଠକକୁ ନେଇ ଆମୋରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, ମିଟିଂ ଖୁବ୍ ସକାରାତ୍ମକ ହୋଇଛି । ଫଳପ୍ରଦ ଆଲୋଚନା ହୋଇଛି । ନିଷ୍କର୍ସରେ ପହଞ୍ଚିପାରିନାହୁଁ, କିନ୍ତୁ ଯଥେଷ୍ଟ ସମ୍ଭାବନା ସୃଷ୍ଟି ହୋଇଛି । ଶାନ୍ତିର ବାଟ ଖୋଲିବ । ବିଭିନ୍ନ କଥା ଉପରେ ସହମତି ହୋଇଛି । ଅଳ୍ପ କିଛି ବାକି ରହିଛି । ନିଷ୍କର୍ସରେ ନପହଞ୍ଚିବା ପର୍ଯ୍ୟନ୍ତ କୌଣସି ଡିଲ୍ ହେବ ନାହିଁ । ବୈଠକରେ କେବଳ ୟୁକ୍ରେନ୍ ଯୁଦ୍ଧ ନୁହେଁ ଅନ୍ୟ ମୁଦ୍ଦା ଉପରେ ବି ଆଲୋଚନା ହୋଇଛି । ସୁରକ୍ଷା, ଶାନ୍ତି ବାର୍ତ୍ତା, ଆମେରିକାର ହିତ ବାବଦରେ ଚର୍ଚ୍ଚା ହୋଇଛି ।
Also Readhttps://purvapaksa.com/trump-putin-meet-ends-with-no-ukraine-ceasefire/
