ଆମୀର ଖାନଙ୍କର କୋଟି କୋଟି ପ୍ରଶଂସକ ଅଛନ୍ତି । ପ୍ରଶଂସକମାନେ ଆମୀରଙ୍କ ଆଗାମୀ ଫିଲ୍ମକୁ ହୃଦୟରୁ ଅପେକ୍ଷା କରିଛନ୍ତି । ସୁପରଷ୍ଟାରଙ୍କ ପ୍ରତ୍ୟାବର୍ତ୍ତନ ମଧ୍ୟ ଏହି ଚଳଚ୍ଚିତ୍ର ସହିତ ହେଉଛି । କିନ୍ତୁ ଇତି ମଧ୍ୟରେ ଆମୀର ଏମିତି ଏକ ବୟାନ ଦେଇଛନ୍ତି ଯାହା ସମସ୍ତଙ୍କୁ ଚିନ୍ତାରେ ପକାଇଦେଇଛି ।
ସୁପରଷ୍ଟାର ଅମୀର ଖାନ ତାଙ୍କ ଶେଷ ଫିଲ୍ମ ‘ଲାଲ ସିଂ ଚଢ଼ା’ ପରଠାରୁ ଫିଲ୍ମ ପରଦାରୁ ଦୂରେଇ ରହିଛନ୍ତି । ତେବେ ଆମୀର ନିଜର ଆଗାମୀ ଫିଲ୍ମରେ ଲଗାତାର କାମ କରୁଛନ୍ତି । ଏବେ ପ୍ରଶଂସକମାନେ ତାଙ୍କ ପ୍ରତ୍ୟାବର୍ତ୍ତନକୁ ଅପେକ୍ଷା କରିଛନ୍ତି। ପ୍ରତ୍ୟାବର୍ତ୍ତନ ସହିତ ଆମୀର ଖାନ୍ ଏବେ ଫିଲ୍ମ ନିର୍ମାଣ ଉପରେ ଅଧିକ ଧ୍ୟାନ ଦେଉଛନ୍ତି। ସନି ଦେଓଲଙ୍କ ସହ ଆମୀର ମଧ୍ୟ ତାଙ୍କ ଫିଲ୍ମକୁ ନେଇ ଚର୍ଚ୍ଚାରେ ଅଛନ୍ତି । କିନ୍ତୁ ଇତି ମଧ୍ୟରେ ଆମୀର ଖାନଙ୍କ ଏକ ବୟାନ ସମସ୍ତଙ୍କୁ ଚିନ୍ତାରେ ପକାଇଛି ।
ନିକଟରେ ଏକ ସାକ୍ଷାତକାରରେ ଆମୀର ଖାନ ଜୀବନ ଓ ଗଣିତ କୁ ନେଇ ଏକ ବଡ଼ ବୟାନ ଦେଇଛନ୍ତି । ଆସନ୍ତାକାଲି ହୁଏତ ମୋର ଶେଷ ଦିନ… ଆମୀର ଖାନଙ୍କ ଏହି ବୟାନ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି । ଖାଲି ସେତିକି ନୁହେଁ ଅଭିନେତା ନିଜ ଫିଲ୍ମକୁ ନେଇ ଏକ ବଡ ବୟାନ ମଧ୍ୟ ଦେଇଛନ୍ତି । ଏହି ସାକ୍ଷାତକାରରେ ଆମୀର ଖାନ କହିଛନ୍ତି, ମୁଁ ମୋ ଜୀବନରେ କେବେ ବି ଏକାଠି ୬ଟି ଫିଲ୍ମ କରିନାହିଁ। ଯେତେବେଳେ ମୁଁ ସିନେମା ଛାଡ଼ିବାକୁ ନିଷ୍ପତ୍ତି ନେଲି, ସେତେବେଳେ ମୋ ମନରେ ଚିନ୍ତା ଆସିଲା ଯେ ମୋ ପାଖରେ କାମ କରିବାକୁ ମାତ୍ର ୧୦ ବର୍ଷ ବାକି ଅଛି ।
ଜୀବନ ଉପରେ ବିଶ୍ୱାସ କରିପାରୁନି
ନିଜର ବକ୍ତବ୍ୟ ଶେଷ କରିବା ସମୟରେ ଆମୀର ଖାନ ଆହୁରି କହିଛନ୍ତି, ‘ଆପଣ ଜୀବନ ଉପରେ ବିଶ୍ୱାସ କରିପାରିବେ ନାହିଁ। ଆସନ୍ତାକାଲି ବୋଧହୁଏ ମୋର ଶେଷ ଦିନ ହେବ… ମୋର ବଞ୍ଚିବା ପାଇଁ ଆଉ ମାତ୍ର ୧୦ ବର୍ଷ ବାକି ଅଛି । ଏବେ ମୋର ବୟସ ୫୯ ବର୍ଷ ଏବଂ ଆସନ୍ତା ୧୦ ବର୍ଷ ମଧ୍ୟରେ ମୋର ବୟସ ୭୦ ବର୍ଷ ହେବ । ସେପର୍ଯ୍ୟନ୍ତ ମୁଁ ସୁସ୍ଥ ରହିବି କିମ୍ବା କାମ କରିପାରିବି… ତେଣୁ ମୁଁ ଭାବୁଛି ମୋତେ ପୂର୍ବ ଅପେକ୍ଷା ଭଲ କରିବାକୁ ପଡିବ…”
ଫିଲ୍ମରୁ ଅବସର ନେବାକୁ ଚାହୁଁଥିଲେ ଅମୀର ଖାନ
ଆମୀର ଖାନ କହିଛନ୍ତି ଯେ ମୁଁ ବୃଦ୍ଧ ହୋଇଯାଉଛି … ତେଣୁ ମୁଁ ପରିଶ୍ରମୀ ଏବଂ ପ୍ରତିଭାବାନ ପିଲାମାନଙ୍କୁ ସୁଯୋଗ ଦେବାକୁ ଚାହୁଁଛି । ୭୦ ବର୍ଷ ବୟସରେ ଅବସର ନେବା ପୂର୍ବରୁ, ମୁଁ ପ୍ରତିଭାଶାଳୀ ଲୋକମାନଙ୍କ ପାଇଁ ଏକ ପ୍ଲାଟଫର୍ମ ସୃଷ୍ଟି କରିବାକୁ ଚାହୁଁଛି ଯାହାକୁ ମୁଁ ବିଶ୍ୱାସ କରେ । କେବଳ ଏତିକି ନୁହେଁ, ଆମୀର ଏହା ମଧ୍ୟ କହିଛନ୍ତି ଯେ ଯଦି ପୁଅ ଜୁନୈଦ ଏବଂ ଝିଅ ଇରା ଖାନ୍ ନଥାନ୍ତେ, ତେବେ ସେ ଅଭିନୟ ଛାଡ଼ି ଦେଇଥାନ୍ତେ। ‘ଲାଲ ସିଂ ଚଢ଼ା’ର ସୁଟିଂ ସମୟରେ ଆମୀର ୨୦୨୨ରେ ଫିଲ୍ମରୁ ଅବସର ନେବାକୁ ଯୋଜନା କରିଥିଲେ।
