Salman Khan: ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ଠାରୁ ପ୍ରତ୍ୟକ୍ଷ କିମ୍ବା ପରୋକ୍ଷ ଭାବେ ଅନେକ ହତ୍ୟା ଧମକ ପାଉଥିବା ଅଭିନେତା ସଲମାନ ଖାନ୍ ନିକଟରେ ସେୟାର କରିଛନ୍ତି ଯେ ଏଭଳି ଧମକ ତାଙ୍କୁ ଭୟଭୀତ କରୁଛି କି ନାହିଁ। ସେ କହିଛନ୍ତି ଯେ ସେ ଭଗବାନଙ୍କ ଉପରେ ବିଶ୍ୱାସ କରନ୍ତି ଏବଂ ତାଙ୍କ ପାଇଁ ଯାହା ବି ଜୀବନକାଳ ଲେଖାଯାଇଛି, ସେ ସେତେ ଦିନ ପର୍ଯ୍ୟନ୍ତ ବଞ୍ଚିବେ ।
ଗତବର୍ଷ ମୁମ୍ବାଇର ବାନ୍ଦ୍ରାସ୍ଥିତ ବାସଭବନ ବାହାରେ ଏକାଧିକ ହତ୍ୟା ଧମକ ଏବଂ ଗୁଳିକାଣ୍ଡ ଘଟଣା ପରେ ଅଭିନେତାଙ୍କ ସୁରକ୍ଷାକୁ ଯଥେଷ୍ଟ ବୃଦ୍ଧି କରାଯାଇଛି। ଏପରିକି ତାଙ୍କ ଘରର ବାଲକୋନିରେ ଏବେ ଏକ ବଡ଼ ବୁଲେଟ୍ ପ୍ରୁଫ୍ ଗ୍ଲାସ୍ ପ୍ୟାନେଲ୍ ରହିଛି।
ନିକଟରେ ମୁମ୍ବାଇରେ ଏକ ସାମ୍ବାଦିକ ସମ୍ମିଳନୀରେ ସଲମାନ ଖାନ ଏହି ଧମକ ବିଷୟରେ କହିଥିଲେ, ଭଗବାନ, ଆଲ୍ଲା ସବ ଉନପର ହୈ। ଜିତନୀ ଉମର ଲିଖି ହୈ, ଉତନି ଲିଖି ହୈ । ବସ ୟାହି ହୈ ଭଗବାନ ଆଲ୍ଲା ଦେଖରହେ ହୈ । ଭାଗ୍ୟ ଯେତିକି ଅନୁମତି ଦେବ ମୋର ଜୀବନକାଳ ସେତେ ଦିନ ହେବ।
ତେବେ କ୍ରମାଗତ ଭାବେ ସୁରକ୍ଷା ବଳୟ ଘେରି ରହିଥିବାରୁ ଚିନ୍ତା ପ୍ରକଟ କରିଛନ୍ତି ଅଭିନେତା । ସେ ଆହୁରି ମଧ୍ୟ କହିଛନ୍ତି, “କଭି କଭି ଇତନେ ଲଗନ କୋ ସାଥ ମେଁ ଲେକେ ଚାଲନା ପଡ୍ତା ହୈ, ବାସ ଓହି ସମସ୍ୟା ହୋ ଜାତି ହେ (ବେଳେବେଳେ ମୋତେ ଏତେ ଲୋକଙ୍କ ସହ ଚାଲିବାକୁ ପଡ଼େ ଯେ ଏହା ଏକ ସମସ୍ୟା ପାଲଟିଯାଏ)।
ଧମକ ପରେ ସଲମାନ ପ୍ରକାଶ କରିଛନ୍ତି ଯେ ସେ ଏବେ କେବଳ ତାଙ୍କ ଘର ଏବଂ ଫିଲ୍ମ ସେଟ୍ ମଧ୍ୟରେ ଯାତ୍ରା କରୁଛନ୍ତି। “ମୁଁ ଯେତେବେଳେ ପ୍ରେସ ସହିତ ଥାଏ ସେତେବେଳେ ମୁଁ ଚିନ୍ତିତ ନ ଥାଏ, କିନ୍ତୁ ଯେତେବେଳେ ମୁଁ ପ୍ରେସ ବିନା ଥାଏ, ସେତେବେଳେ ମୁଁ ଅସୁରକ୍ଷିତ ଅନୁଭବ କରେ ।
୧୯୯୮ ମସିହାର କୃଷ୍ଣସାର ମୃଗ ଶିକାର ମାମଲାରେ ସଲମାନ୍ ଖାନ୍ ଙ୍କ ସମ୍ପୃକ୍ତି କୁ ନେଇ ବିଷ୍ଣୋଇ ଗ୍ୟାଙ୍ଗ୍ ତାଙ୍କୁ ଟାର୍ଗେଟ କରିଥିବା ଜଣାପଡ଼ିଛି।
ସଲମାନ ଖାନ ଏବେ ତାଙ୍କର ମାସ୍ ଆକ୍ସନ ଫିଲ୍ମ ସିକନ୍ଦରର ରିଲିଜକୁ ଅପେକ୍ଷା କରିଛନ୍ତି । ଫିଲ୍ମର ନିର୍ଦ୍ଦେଶକ ଏଆର ମୁରୁଗାଦୋସ ପୂର୍ବରୁ ପ୍ରକାଶ କରିଥିଲେ ଯେ ସଲମାନଙ୍କ ପ୍ରତି ସୁରକ୍ଷା ବିପଦ ମଧ୍ୟରେ ଦଳକୁ ସେଟରେ ୧୦,୦୦୦ରୁ ୨୦,୦ ଲୋକଙ୍କୁ ପରିଚାଳନା କରିବାକୁ ପଡିଥିଲା । ସେ ସୁପରଷ୍ଟାରଙ୍କ ସହ କାମ କରିବା ଏକ ଅନନ୍ୟ ଅନୁଭୂତି ବୋଲି ବର୍ଣ୍ଣନା କରିଥିଲେ, କଡ଼ା ସୁରକ୍ଷା ଏବଂ ନିରବଚ୍ଛିନ୍ନ ସମନ୍ୱୟ ସୁନିଶ୍ଚିତ କରିବା ସହିତ ବ୍ୟାପକ ଭିଡ଼ର ମୁକାବିଲା କରିବାର ଆହ୍ୱାନ ଉପରେ ଆଲୋକପାତ କରିଥିଲେ।
ମାର୍ଚ୍ଚ ୩୦ରେ ମୁକ୍ତିଲାଭ କରିବାକୁ ଥିବା ସିକନ୍ଦରରେ କାଜଲ ଅଗ୍ରୱାଲ ଏବଂ ରଶ୍ମିକା ମନ୍ଦାନା ପ୍ରମୁଖ ଭୂମିକାରେ ନଜର ଆସିବେ ।
ALSO READ: https://purvapaksa.com/neha-kakkar-cries-after-coming-late-on-her-concert-in-melbourne/
