Credit card: ଅଧିକାଂଶ ଲୋକ କ୍ରେଡିଟ୍ କାର୍ଡ ସହ ଜଡ଼ିତ କିଛି ଜିନିଷ ବିଷୟରେ ଜାଣନ୍ତି ନାହିଁ। ଏଭଳି ପରିସ୍ଥିତିରେ ଲୋକମାନେ ଅନେକ ଭୁଲ କରିଥାଆନ୍ତି, ଯାହା ପରବର୍ତ୍ତୀ ସମୟରେ ସେମାନଙ୍କୁ କ୍ଷତି ପହଞ୍ଚାଇପାରେ। ଆଜି ଆମେ ଆପଣଙ୍କୁ କ୍ରେଡିଟ୍ କାର୍ଡ ସହ ଜଡ଼ିତ କିଛି ଗୁରୁତ୍ୱପୂର୍ଣ୍ଣ କଥା ବିଷୟରେ କହିବୁ।
ଆଜିକାଲି କ୍ରେଡିଟ୍ କାର୍ଡର ବ୍ୟବହାର ଯଥେଷ୍ଟ ବୃଦ୍ଧି ପାଇଛି। ଅଧିକାଂଶ ଲୋକ ଟଙ୍କା କାରବାର କରିବା, ସପିଂ କରିବା ପାଇଁ କ୍ରେଡିଟ୍ କାର୍ଡ ବ୍ୟବହାର କରନ୍ତି। କ୍ରେଡିଟ୍ କାର୍ଡର ବ୍ୟବହାର ଦ୍ୱାରା ଲୋକମାନେ ରିହାତି, ରିୱାର୍ଡ ପଏଣ୍ଟ ଏବଂ ଅନେକ ଅଫରର ଲାଭ ପାଇଥାନ୍ତି, ଯେଉଁ କାରଣରୁ ଲୋକମାନେ କ୍ରେଡିଟ କାର୍ଡ ପ୍ରତି ଆକୃଷ୍ଟ ହୁଅନ୍ତି। ଏଭଳି ସ୍ଥିତିରେ ଯଦି ଆପଣ ମଧ୍ୟ କ୍ରେଡିଟ୍ କାର୍ଡ ବ୍ୟବହାରକାରୀ ତେବେ ଏହି ଖବର ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବାକୁ ଯାଉଛି। କ୍ରେଡିଟ୍ କାର୍ଡ ବ୍ୟବହାର କରିବା ଲାଭଦାୟକ, କିନ୍ତୁ କିଛି ଭୁଲ ଆପଣଙ୍କୁ ମହଙ୍ଗା ପଡ଼ିପାରେ। ଆପଣ କ୍ରେଡିଟ୍ କାର୍ଡର ଚକ୍ରବୃଦ୍ଧି ସୁଧ ଜାଲରେ ପଡ଼ି ପାରନ୍ତି।
ପ୍ରଥମ କଥା,କ୍ରେଡିଟ୍ କାର୍ଡ୍ ଏକ ପ୍ରକାର ଋଣ
କ୍ରେଡିଟ୍ କାର୍ଡ ଏକ ପ୍ରକାର ଋଣ ଯାହା ଆପଣଙ୍କୁ ପ୍ରତି ମାସରେ ପରିଶୋଧ କରିବାକୁ ପଡ଼ିଥାଏ। ଏହା ଆପଣଙ୍କ ଡେବିଟ୍ କାର୍ଡ୍ ଭଳି ନୁହେଁ। ଡେବିଟ୍ କାର୍ଡରୁ ଆପଣ ଟଙ୍କା ଖର୍ଚ୍ଚ କଲେ କାହାକୁ ସୁଝିବାକୁ ପଡ଼େ ନାହିଁ। କିନ୍ତୁ କ୍ରେଡିଟ୍ କାର୍ଡରୁ ଖର୍ଚ୍ଚ କରିଥିବା ଟଙ୍କା ଆପଣଙ୍କୁ କାର୍ଡ୍ ଜାରି କରିଥିବା କମ୍ପାନୀକୁ ଦେବାକୁ ପଡ଼ିବ। ଯଦି ଆପଣ ଠିକ୍ ସମୟରେ ଟଙ୍କା ସୁଝୁ ନାହାନ୍ତି ତେବେ ଆପଣଙ୍କୁ ଅନେକ ପ୍ରକାରର ଫାଇନ୍ ସହିତ ଅଧିକ ପାଖାପାଖି ୩୬ ପ୍ରତିଶତ ସୁଧ ଦେବାକୁ ପଡ଼ିଥାଏ। ଅଧିକାଂଶ ଲୋକ କ୍ରେଡିଟ୍ କାର୍ଡ ସହ ଜଡ଼ିତ କିଛି ଜିନିଷ ବିଷୟରେ ଜାଣନ୍ତି ନାହିଁ। ଏଭଳି ପରିସ୍ଥିତିରେ ଲୋକମାନେ ଅନେକ ଭୁଲ କରିଥାଆନ୍ତି, ଯାହା ପରବର୍ତ୍ତୀ ସମୟରେ ସେମାନଙ୍କୁ କ୍ଷତି ପହଞ୍ଚାଇପାରେ। ଆଜି ଆମେ ଆପଣଙ୍କୁ କ୍ରେଡିଟ୍ କାର୍ଡ ସହ ଜଡ଼ିତ କିଛି ଗୁରୁତ୍ୱପୂର୍ଣ୍ଣ କଥା ବିଷୟରେ କହିବୁ।
କ୍ରେଡିଟ୍ କାର୍ଡ ସୀମା
ପ୍ରତ୍ୟେକ କ୍ରେଡିଟ୍ କାର୍ଡର ବ୍ୟବହାରର ଏକ ସୀମା ରହିଛି। ଆପଣ ସୀମାଠାରୁ ଅଧିକ କ୍ରେଡିଟ୍ କାର୍ଡ୍ ବ୍ୟବହାର କରିପାରିବେ ନାହିଁ। ଆପଣ ନିଜର କ୍ରେଡିଟ୍ କାର୍ଡ ସୀମାର ମାତ୍ର ୩୦ ପ୍ରତିଶତ ବ୍ୟବହାର କରିବା ଉଚିତ। ଏହାକୁ ଅତିକ୍ରମ କରିବା କିମ୍ବା ସୀମା ଅତିକ୍ରମ କରିବା ଆପଣଙ୍କ CIBIL ସ୍କୋରକୁ ଖରାପ କରିପାରେ।
କ୍ରେଡିଟ୍ କାର୍ଡ ବିଲ୍
ସର୍ବଦା ଆପଣଙ୍କ କ୍ରେଡିଟ୍ କାର୍ଡ ବିଲ୍ ଠିକ୍ ସମୟରେ ପୈଠ କରନ୍ତୁ। ଏଥିରେ ଆପଣଙ୍କୁ ଦୁଇ ପ୍ରକାରର ବିକଳ୍ପ ଦିଆଯାଇଥାଏ। ସମୁଦାୟ ବକେୟା ଏବଂ ସର୍ବନିମ୍ନ ବକେୟା। ଆପଣଙ୍କୁ ସର୍ବଦା ମୋଟ ବକେୟା ସୁଝିବା ପଡ଼ିବ। ସର୍ବନିମ୍ନ ପ୍ରାପ୍ୟ ପୂରଣ କରିବାଦ୍ୱାରା ଆପଣଙ୍କ ଠାରୁ ମୋଟା ଅଙ୍କର ସୁଧ ଆଦାୟ କରାଯିବ, ଯାହା ଆପଣଙ୍କ ଉପରେ ଆର୍ଥିକ ବୋଝ ବଢ଼ାଇବ।
ଏକରୁ ଅଧିକ କ୍ରେଡିଟ୍ କାର୍ଡ ଥିଲେ ଗୋଟିକୁ ତୁରନ୍ତ ବନ୍ଦ କରନ୍ତୁ ନାହିଁ
ଯଦି ଆପଣ ଦୁଇଟି କ୍ରେଡିଟ୍ କାର୍ଡ ବ୍ୟବହାର କରୁଛନ୍ତି ଏବଂ ଆପଣ ଆପଣଙ୍କର ଗୋଟିଏ କ୍ରେଡିଟ୍ କାର୍ଡକୁ ବନ୍ଦ କରିବାକୁ ଚାହୁଁଛନ୍ତି, ତେବେ ଏହାକୁ ତୁରନ୍ତ ବନ୍ଦ କରନ୍ତୁ ନାହିଁ, ବରଂ ଏହାକୁ ସକ୍ରିୟ ରଖନ୍ତୁ। ଏହାକୁ ବ୍ୟବହାର କରନ୍ତୁ ନାହିଁ। କ୍ରେଡିଟ୍ କାର୍ଡ ବନ୍ଦ କରିବାଦ୍ୱାରା ଆପଣଙ୍କ କ୍ରେଡିଟ୍ ବ୍ୟବହାର ଅନୁପାତ ବୃଦ୍ଧି ପାଇପାରେ, ଯାହା ଆପଣଙ୍କ କ୍ରେଡିଟ୍ ସ୍କୋର ଉପରେ ସିଧାସଳଖ ପ୍ରଭାବ ପକାଇବ।
ଗୁଗଲ, ଚାଟ୍ ଜିପିଟିର ନିଦ ଉଡ଼ାଇଥିବା ଡିପ୍ସିକ୍ର ସୃଷ୍ଟିକର୍ତ୍ତା କିଏ?
