ଅପରେସନ ସିନ୍ଦୁର ଅନର୍ଗତରେ ଭାରତ ପାକିସ୍ତାନର ୯ ଆତଙ୍କବାଦୀ ଆଡ୍ଡାକୁ ମିସାଇଲ ଓ ଡ୍ରୋନ୍ ଦ୍ୱାରା ଟାର୍ଗେଟ୍ କରିଥିଲା। ଯାହାର ଫଳ ହେଉଛି ଏବେ ଆତଙ୍କର ଅନ୍ତୁଡ଼ିଶାଳରେ ଭୟ ଓ ଆତଙ୍କ। ଆତଙ୍କବାଦୀ ଓ ପାକିସ୍ତାନୀ ସେନା ମଧ୍ୟରେ ସମ୍ପର୍କର ପ୍ରମାଣ ଆତଙ୍କବାଦୀଙ୍କ ଜନାଜାରେ ପାକିସ୍ତାନୀ ସେନା ଅଧିକାରିୀଙ୍କ ଉପସ୍ଥିତିରୁ ଜଣାପଡୁଥିଲା। ଏବେ ମିଳୁଥିବା ଖବର ଅନୁସାରେ ପାକିସ୍ତାନୀ ସେନା ଭାରତ ବିରୋଧୀ ୪ ଜଣ ପ୍ରମ୍ମୁଖ ଆତାଙ୍କବାଦୀ ମୁଖିଆଙ୍କୁ ନିଜ ମୁଖ୍ୟାଳୟରେ ଆଶ୍ରୟ ଦେଇଛି। ସେମାନଙ୍କ ପାଇଁ ସେଫ୍ ହାଉସ୍ ଖୋଜା ନ ଯିବା ପର୍ଯ୍ୟନ୍ତ ସେମାନେ ପାକ୍ ସେନାର ଅତିଥି ହୋଇ ରହିବେ।
ଭାରତର ଐତିହାସିକ ଆକ୍ରମଣ ପରେ ପାକିସ୍ତାନରେ ରହୁଥିବା ଆତଙ୍କର ଚାରି ପ୍ରମୁଖ ଚେହେରା ନିଜ ସୁରକ୍ଷାକୁ ନେଇ ବିଚଳିତ ହୋଇଛନ୍ତି। ସେମାନଙ୍କ ସହ ପାକିସ୍ତାନୀ ସେନା ଓ ଗୁପ୍ତଚର ସଂସ୍ଥାକୁ ମଧ୍ୟ ଭୟ ଅଛି ଯେ ବର୍ତ୍ତମାନର ପରିସ୍ଥିତିରେ କୌଣସି ଅଜଣା ବନ୍ଧୁକଧାରୀ ସେମାନଙ୍କୁ ଟାର୍ଗେଟ କରିପାରେ। ଭାରତର କାର୍ଯ୍ୟାନୁଷ୍ଠାନ ପୂର୍ବରୁ ତାଲିମ ଶିବିରରେ ଥିବା ଅନେକ ଆତଙ୍କବାଦୀଙ୍କୁ ସେଠାରୁ ବାହାରକୁ ପଠାଇ ଦିଆଯାଇଥିଲା। ଆକ୍ରମଣ ପରେ ବଞ୍ଚିଥିବା ଆତଙ୍କବାଦୀଙ୍କୁ ସ୍ପଷ୍ଟ ନିର୍ଦ୍ଦେଶ ଦିଆଯାଇଛି ଯେ ପରବର୍ତ୍ତୀ ଆଦେଶ ପର୍ଯ୍ୟନ୍ତ ସେମାନେ ଜନବହୁଳ ଅଞ୍ଚଳରେ କିମ୍ବା ନିଜ ଘରେ ରହିବେ।
ସେନା ମୁଖ୍ୟାଳୟକୁ ସ୍ଥାନାନ୍ତରିତ ଆତଙ୍କର ମୁଖ୍ୟମାନେ
ଅନ୍ୟପକ୍ଷରେ, ଆତଙ୍କର ତିନି ପ୍ରମୁଖ ଚେହେରା ମସୁଦ ଆଜହର, ହାଫିଜ ସୟୀଦ, ସୈୟଦ ସାଲାହୁଦ୍ଦୀନ ସମେତ ଅନେକ ବଡ଼ ଆତଙ୍କବାଦୀ କମାଣ୍ଡରଙ୍କୁ ପାକିସ୍ତାନୀ ସେନାର ଚାରିଟି ଭିନ୍ନ ମୁଖ୍ୟାଳୟକୁ ସ୍ଥାନାନ୍ତର କରାଯାଇଛି। ଗୁପ୍ତଚର ସୂତ୍ର ଅନୁସାରେ, ଏହି ଆତଙ୍କବାଦୀଙ୍କୁ ପାକିସ୍ତାନ ସେନାର ଚତୁର୍ଥ କୋର ଲାହୋର, ପଞ୍ଚମ କୋର କରାଚୀ, ଦଶମ କୋର ରାଓ୍ଵଲପିଣ୍ଡି ଏବଂ ଏକାଦଶ କୋର ପେଶାୱାର ମୁଖ୍ୟାଳୟକୁ ସ୍ଥାନାନ୍ତର କରାଯାଇଛି। ସେମାନଙ୍କ ସୁରକ୍ଷା ପାଇଁ ପାକିସ୍ତାନୀ କମାଣ୍ଡୋ ନିୟୋଜିତ ହୋଇଛନ୍ତି। ଏହାସହ, ସାଧାରଣ ଲୋକଙ୍କୁ ସେମାନଙ୍କ ସହ ସାକ୍ଷାତ କରିବା ଉପରେ ମଧ୍ୟ କଟକଣା ଲଗାଯାଇଛି।
ପାକିସ୍ତାନୀ ସେନା ଓ ଗୁପ୍ତଚର ସଂସ୍ଥା ପାଇଁ ଏବେ ଆତଙ୍କବାଦୀଙ୍କ ନୂଆ ସେଫ୍ ହାଉସ ପ୍ରସ୍ତୁତ କରିବା ମଧ୍ୟ ସହଜ ହେବ ନାହିଁ। ପାକିସ୍ତାନର ଖୈବର ପଖ୍ତୁନଖ୍ୱାରେ ଆତଙ୍କବାଦୀ ଶିବିର ନିର୍ମାଣ କରାଯାଇପାରିଥାନ୍ତା, କିନ୍ତୁ ତେହରିକ-ଏ-ତାଲିବାନ ପାକିସ୍ତାନ ଓ ତାଲିବାନ ସହ ବିବାଦ ହେତୁ ଏହି ଅଞ୍ଚଳରେ ନୂଆ ଶିବିର ନିର୍ମାଣ କରାଯାଇପାରିବ ନାହିଁ। ବଲୁଚିସ୍ତାନରେ ବଲୋଚ ଲିବରେସନ ଆର୍ମୀର ଦୃଢ଼ ନିୟନ୍ତ୍ରଣ ଥିବାରୁ ଆତଙ୍କବାଦୀ ଶିବିରଗୁଡ଼ିକୁ ସେଠାକୁ ମଧ୍ୟ ପଠାଯାଇପାରିବ ନାହିଁ। ଏହା ଅନୁମାନ କରାଯାଉଛି ଯେ ଏବେ କେବଳ ପଞ୍ଜାବ ବାକି ରହିଛି, ଯେଉଁଠାକୁ ଆତଙ୍କବାଦୀ ଶିବିରଗୁଡ଼ିକୁ ସ୍ଥାନାନ୍ତରିତ କରାଯାଇପାରେ।
Also readhttps://purvapaksa.com/what-did-we-learn-from-this-war/