Pakistan Army: ଗୁରୁବାର ପ୍ରତିରକ୍ଷା ସୂତ୍ରରୁ ପ୍ରକାଶ ଯେ ବୁଧବାର ବିଳମ୍ବିତ ସନ୍ଧ୍ୟାରେ ଜମ୍ମୁ-କଶ୍ମୀରର ପୁଞ୍ଚ ଜିଲ୍ଲାର କ୍ରିଷ୍ଣା ଘାଟି ସେକ୍ଟରରେ ନିୟନ୍ତ୍ରଣ ରେଖା (ଏଲଓସି)ରେ ଭାରତୀୟ ସେନା ଅସ୍ତ୍ରବିରତି ଉଲ୍ଲଂଘନର ଜବାବ ଦେବାରୁ ପାକ୍ ସେନାର ବ୍ୟାପକ କ୍ଷୟକ୍ଷତି ହୋଇଛି।
ପାକ୍ ସେନା ଅସ୍ତ୍ରବିରତି ଉଲ୍ଲଂଘନ କରିବା ପରେ ନିୟନ୍ତ୍ରଣ ରେଖା, ଅନ୍ତର୍ଜାତୀୟ ସୀମା ଏବଂ ଜମ୍ମୁର ଆଭ୍ୟନ୍ତରୀଣ ଅଞ୍ଚଳରେ ହାଇ ଆଲର୍ଟ ଜାରି କରାଯାଇଛି। ଜମ୍ମୁ-କଶ୍ମୀରରେ ଅନୁପ୍ରବେଶ ରୋକିବା ପାଇଁ ନିୟନ୍ତ୍ରଣ ରେଖାରେ ଥିବା ରାଜୌରୀ, ପୁଞ୍ଚ ଏବଂ ଜମ୍ମୁ ଜିଲ୍ଲାରେ ଏକାଧିକ ଗୁଳିକାଣ୍ଡ ଘଟିଛି।
କ୍ରିଷ୍ଣା ଘାଟି ସେକ୍ଟରରେ ନିୟନ୍ତ୍ରଣ ରେଖାରେ ଅସ୍ତ୍ରବିରତି ଉଲ୍ଲଂଘନ ଚଳିତ ବର୍ଷ ପ୍ରଥମ ବଡ଼ ଉଲ୍ଲଂଘନ।
ପ୍ରତିରକ୍ଷା ସୂତ୍ରରୁ ପ୍ରକାଶ ଯେ କ୍ରିଷ୍ଣା ଘାଟି ସେକ୍ଟରର ତାରକୁଣ୍ଡି ଅଞ୍ଚଳରେ ଭାରତୀୟ ସେନାର ଜବାବରେ ଅତି କମରେ ୫ ଜଣ ପାକିସ୍ତାନୀ ସୈନିକ ନିହତ ହୋଇଛନ୍ତି।
ଜମ୍ମୁ ଜିଲ୍ଲାର ଅଖନୁର ସେକ୍ଟରରେ ଆଇଇଡି ବିସ୍ଫୋରଣରେ ଜଣେ କ୍ୟାପଟେନଙ୍କ ସମେତ ଦୁଇ ଜଣ ଭାରତୀୟ ସେନା ଯବାନ ସହିଦ ହେବାର ଗୋଟିଏ ଦିନ ପରେ ପାକିସ୍ତାନସେନା କ୍ରିଷ୍ଣା ଘାଟି ସେକ୍ଟରରେ ଅସ୍ତ୍ରବିରତି ଉଲ୍ଲଂଘନ କରିଛି। ଏବେ ଆତଙ୍କବାଦୀମାନେ ଆଇଇଡି ଚଳାଇଥିବା ଅନୁମାନ କରାଯାଉଛି।
ଗତ ୫ ଦିନ ମଧ୍ୟରେ ପୁଞ୍ଚ, ରାଜୌରୀ ଓ ଜମ୍ମୁ ଜିଲ୍ଲାରେ ଗୁଳିବିନିମୟ ହୋଇଛି। ଜମ୍ମୁ-କଶ୍ମୀରରେ ଅନୁପ୍ରବେଶ କରାଇବା ପାଇଁ ପାକ୍ ସେନାର ଏହି ଗୁଳିକାଣ୍ଡ ଉଦ୍ୟମ ବୋଲି କୁହାଯାଉଛି।
ଫେବୃଆରି ୧୧ ତାରିଖରେ ଅଖନୁର ସେକ୍ଟରରେ ଆଇଇଡି ବିସ୍ଫୋରଣରେ ଜଣେ କ୍ୟାପଟେନ୍ ଓ ଅନ୍ୟ ଜଣେ ଯବାନ ସହିଦ ହୋଇଥିଲେ।
ଗତ ଫେବୃଆରି ୮ ତାରିଖରେ ରାଜୌରୀର କେରି ସେକ୍ଟରରେ ଏକ ଫରୱାର୍ଡ ପୋଷ୍ଟରେ ଜଣେ ଯବାନ ପାଟ୍ରୋଲିଂ କରୁଥିବା ବେଳେ ହଠାତ ଲ୍ୟାଣ୍ଡମାଇନ୍ ରେ ପାଦ ଦେବାରୁ ଜଣେ ଜେସିଓ ସାମାନ୍ୟ ଆହତ ହୋଇଥିଲେ।
ସେନା ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଆଗାମୀ ଦିନରେ ଏଭଳି ପ୍ରୟାସକୁ ପ୍ରତିହତ କରିବା ପାଇଁ ସୁରକ୍ଷା ବାହିନୀ କଡ଼ା ସତର୍କତା ଅବଲମ୍ବନ କରୁଥିବାରୁ ଆତଙ୍କବାଦୀମାନେ ନିୟନ୍ତ୍ରଣ ରେଖା ଏବଂ ଆଇବିର ଭାରତୀୟ ପାର୍ଶ୍ୱରେ ଅନୁପ୍ରବେଶ କରିବାକୁ ଅପେକ୍ଷା କରିଥିବା ସୂଚନା ମିଳିଛି। ବୁଧବାର ଏକ ଉଚ୍ଚସ୍ତରୀୟ ସୁରକ୍ଷା ବୈଠକରେ ଉପରାଜ୍ୟପାଳ ମନୋଜ ସିହ୍ନା ଆତଙ୍କବାଦୀ ଓ ଅନୁପ୍ରବେଶ ପ୍ରତି ଶୂନ୍ୟ ସହନଶୀଳତା ପ୍ରଦର୍ଶନ କରିବାକୁ ସୁରକ୍ଷା ବାହିନୀକୁ ନିର୍ଦ୍ଦେଶ ଦେଇଛନ୍ତି।
ALSO READ: https://purvapaksa.com/no-more-trust-says-iaf-chief/
HAL ମୁଖ୍ୟଙ୍କୁ ଟ୍ୱିସନ କଲେ ବାୟୁସେନା ମୁଖ୍ୟ,କହିଲେ ‘’ଆଉ ଭରସା ନାହିଁ’’
