ଯଦିଓ ମାରୁତି ୬ଟି ଏୟାରବ୍ୟାଗ୍କୁ ଅଧିକ କାର୍ ରେ ଷ୍ଟାଣ୍ଡାର୍ଡ ଫିଟମେଣ୍ଟ କରିବା ପାଇଁ କାମ କରୁଛି, କିନ୍ତୁ ଅତିରିକ୍ତ ଏୟାରବ୍ୟାଗ୍ ଯୋଡ଼ିବା ଦ୍ୱାରା ମୂଲ୍ୟ ବୃଦ୍ଧି ହେବ।ମାରୁତି ସୁଜୁକି ଇଣ୍ଡିଆ ର କାର୍ ରେ ନିରାପତ୍ତା ବୈଶିଷ୍ଟ୍ୟର ଅଭାବ କୁ ନେଇ କ୍ରେତାମାନେ ବାରମ୍ବାର ସମାଲୋଚନା କରିଆସୁଛନ୍ତି। ତେବେ କଂପାନିର କାର୍ ସବୁବେଳେ ଦେଶର ସମସ୍ତ ଯାନ ନିରାପତ୍ତା ନିୟମକୁ ପାଳନ କରିଆସୁଛି। ନିରାପତ୍ତା ମାନ ବୃଦ୍ଧି ପାଇଁ ବ୍ରେଜା ନିର୍ମାତା ଏହାର ୫ଟି ଏମ୍ ର ସମସ୍ତ ଭାରିଏଣ୍ଟରେ ୬ଟି ଏୟାରବ୍ୟାଗ୍ ପ୍ରଦାନ କରିବା ଆରମ୍ଭ କରିଛି।
ମାରୁତି ଏରିନା ଏବଂ ନେକ୍ସା ଡିଲରସିପ୍ ମାଧ୍ୟମରେ କାର୍ ବିକ୍ରି କରିଥାଏ। ନେକ୍ସା ଆଉଟଲେଟରେ ଇଗ୍ନିସ, ବଲେନୋ, ସିଆଜ, ଫ୍ରଙ୍କସ, ଗ୍ରାଣ୍ଡ ଭିଟାରା, ଜିମ୍ନି, ଏକ୍ସଏଲ୬ ଏବଂ ଇନଭିକ୍ଟୋ ଭଳି ମଡେଲ ଉପଲବ୍ଧ ହେଉଛି । ଏରିନା ଆଉଟଲେଟ୍ ମାଧ୍ୟମରେ ବିକ୍ରି ହେଉଥିବା ମଡେଲ୍ ଗୁଡ଼ିକ ମଧ୍ୟରେ ଅଲ୍ଟୋ କେ୧୦, ଏସ୍-ପ୍ରେସୋ, ସେଲେରିଓ, ଇକୋ, ଓ୍ଵାଗନ୍ ଆର୍, ସୁଇଫ୍ଟ, ଡିଜାୟାର, ବ୍ରେଜା ଏବଂ ଏର୍ଟିଗା ରହିଛି।
ବର୍ତମାନ ସେଲେରିଓ, ସୁଇଫ୍ଟ, ଡିଜାଇର, ଜିମ୍ନି ଓ ଇନଭିକ୍ଟୋ ୬ଟି ଏୟାରବ୍ୟାଗ୍ ସହ ଷ୍ଟାଣ୍ଡାର୍ଡ ଭାବେ ଆସୁଛନ୍ତି। ନିମ୍ନରେ ଏହାର ମୂଲ୍ୟ
ସେଲେରିଓ – ୫.୬୪ ଲକ୍ଷ – ୭.୩୭ ଲକ୍ଷ ଟଙ୍କା
ସୁଇଫ୍ଟ – ୬.୪୯ ଲକ୍ଷ ଟଙ୍କା – ୯.୬୪ ଲକ୍ଷ ଟଙ୍କା
ଡିଜାୟର – ୬.୮୪ ଲକ୍ଷ – ୧୦.୧୯ ଲକ୍ଷ ଟଙ୍କା
ଜିମ୍ନି – ୧୨.୭୫ ଲକ୍ଷ – ୧୪.୯୬ ଲକ୍ଷ ଟଙ୍କା
ଇନଭିକ୍ଟୋ – ୨୫.୫୧ ଲକ୍ଷ – ୨୯.୨୨ ଲକ୍ଷ ଟଙ୍କା
ଯଦିଓ ମାରୁତି ୬ଟି ଏୟାରବ୍ୟାଗ୍କୁ ଅଧିକ କାର୍ ରେ ଷ୍ଟାଣ୍ଡାର୍ଡ ଫିଟମେଣ୍ଟ କରିବା ପାଇଁ କାମ କରୁଛି, କିନ୍ତୁ ଅତିରିକ୍ତ ଏୟାରବ୍ୟାଗ୍ ଯୋଡ଼ିବା ଦ୍ୱାରା ମୂଲ୍ୟ ବୃଦ୍ଧି ଘଟିବ, ଯାହା ସେମାନଙ୍କ ସାମର୍ଥ୍ୟକୁ ପ୍ରଭାବିତ କରିପାରେ।
ମାରୁତି କାର୍ ଗୁଡ଼ିକରେ ଇଲେକ୍ଟ୍ରୋନିକ୍ ବ୍ରେକ୍ଫୋର୍ସ ଡିଷ୍ଟ୍ରିବ୍ୟୁସନ୍ (ଇବିଡି) ସହ ଆଣ୍ଟି ଲକ୍ ବ୍ରେକିଂ ସିଷ୍ଟମ୍ (ଏବିଏସ୍) ଏବଂ ରିଭର୍ସ ପାର୍କିଂ ସେନ୍ସର ଭଳି ନିରାପତ୍ତା ବୈଶିଷ୍ଟ୍ୟ ଥିବା ବେଳେ ଅଧିକାଂଶ କାର୍ରେ ହିଲ୍ ହୋଲ୍ଡ୍ ଆସିଷ୍ଟ ୍ ଏବଂ ଇଲେକ୍ଟ୍ରୋନିକ୍ ଷ୍ଟେବିଲିଟି ପ୍ରୋଗ୍ରାମ୍ (ଇଏସ୍ପି) ପ୍ରଦାନ କରିବା ଆରମ୍ଭ କରିଛି।
ମାରୁତି ୨୦୨୪ରେ ସୁଇଫ୍ଟ ଏବଂ ଡିଜାୟରର ନୂଆ ପିଢ଼ିର ସଂସ୍କରଣ ଲଞ୍ଚ କରିଥିଲା। କଂପାନି ନିଜ କାର୍ଗୁଡ଼ିକୁ ପୂର୍ବାପେକ୍ଷା ସୁରକ୍ଷିତ କରିବା ଦିଗରେ କାର୍ଯ୍ୟ କରୁଛି, ଏହା ଏଥିରୁ ଜଣାପଡ଼ୁଛି ଯେ ନୂଆ ଡିଜାୟର ଗ୍ଲୋବାଲ୍ ଏନ୍ ସିଏପିରେ ପଞ୍ଚତାରକା ନିରାପତ୍ତା ରେଟିଂ ହାସଲ କରିଛି।
ନୂଆ ଡିଜାୟର ହେଉଛି ପ୍ରଥମ ମାରୁତି କାର ଯିଏ କି ପାଞ୍ଚ ତାରକା ଗ୍ଲୋବାଲ ଏନସିଏପି ସୁରକ୍ଷା ରେଟିଂ ହାସଲ କରିଛି । ବୟସ୍କ ସୁରକ୍ଷା ବର୍ଗରେ ଏହା ୫ ତାରକା ହାସଲ କରିଥିବା ବେଳେ ଶିଶୁ ସୁରକ୍ଷା ବର୍ଗରେ ଏହା ୪ ତାରକା ହାସଲ କରିଛି। ବୟସ୍କ ଙ୍କ ସୁରକ୍ଷା କ୍ଷେତ୍ରରେ ୩୪ପଏଣ୍ଟମଧ୍ୟରୁ କାର୍ କୁ ୩୧.୨୪ ପଏଣ୍ଟ ଏବଂ ଶିଶୁ ସୁରକ୍ଷାରେ ୪୯ରୁ ୩୯.୨୦ ପଏଣ୍ଟ ମିଳିଛି।
Also read https://purvapaksa.com/auto-bikes-story-vespa-announces-2025-scooter-line-up-for-india/
