Mahakumbh 2025: ଉତ୍ତରପ୍ରଦେଶର ପ୍ରୟାଗରାଜରେ ହେବାକୁ ଯାଉଛି ମହାକୁମ୍ଭର ଏକ ଭବ୍ୟ ସମାରୋହ ।
୨୦୨୫ ଜାନୁଆରି ୧୩ ତାରିଖରେ ପୌଷ ପୂର୍ଣ୍ଣିମା ଦିନ ମହାକୁମ୍ଭ ଆରମ୍ଭ ହୋଇ ଫେବ୍ରୁଆରି ୨୬, ୨୦୨୫ରେ ମହାଶିବରାତ୍ରୀରେ ଶେଷ ହେବ। ଜାନୁଆରୀ ୧୩ତାରିଖରେ ପ୍ରଥମ ରାଜସ୍ନାନ ମଧ୍ୟ ଅନୁଷ୍ଠିତ ହେବ।
ଉଲ୍ଲେଖଯୋଗ୍ୟ, ମହାକୁମ୍ଭ ହେଉଛି ବିଶ୍ୱର ସବୁଠାରୁ ବଡ଼ ଧାର୍ମିକ ସମାବେଶ, ଯେଉଁଠାରେ ଦେଶ ତଥା ବିଶ୍ୱର ବିଭିନ୍ନ ପ୍ରାନ୍ତରୁ ସାଧୁ ସନ୍ଥ ଓ ଶ୍ରଦ୍ଧାଳୁମାନେ ଯୋଗଦେଇ ପବିତ୍ର ତ୍ରିବେଣୀ ସଙ୍ଗମରେ ସ୍ନାନ କରିଥାନ୍ତି। ବିଶେଷ କରି ନାଗା ସାଧୁମାନେ ନିଜ ଜୀବନଶୈଳୀ, ପୋଷାକ ଓ ଭକ୍ତି କାରଣରୁ ମହାକୁମ୍ଭ ସମୟରେ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥାନ୍ତି।
ନାଗା ସାଧୁଙ୍କ ଜୀବନରେ ୧୭ଟି ଅଳଙ୍କାରର ମହତ୍ତ୍ୱ
ନାଗା ସାଧୁମାନେ ହେଉଛନ୍ତି ସେମାନେ ଯେଉଁମାନେ ସଂସାରିକ ଆକର୍ଷଣରୁ ସମ୍ପୂର୍ଣ୍ଣ ମୁକ୍ତ ହୋଇ ଭଗବାନ ଭୋଲେନାଥଙ୍କ ପୂଜାରେ ଲିପ୍ତ ଥାଆନ୍ତି । ନାଗା ସାଧୁମାନେ ସନ୍ନ୍ୟାସୀ ଜୀବନ ଯାପନ କରନ୍ତି । ସେମାନେ ସମସ୍ତ ସାଂସାରିକ ସମ୍ପତ୍ତି ତ୍ୟାଗ କରନ୍ତି ଏବଂ ପବିତ୍ରତା ଏବଂ ଆଧ୍ୟାତ୍ମିକ ଅଭ୍ୟାସର ଉଦାହରଣ ଦିଅନ୍ତି । ଯଦିଓ ନାଗା ସାଧୁମାନଙ୍କର ଆଧ୍ୟାତ୍ମିକ ଶକ୍ତି ଓ ଭକ୍ତି ବ୍ୟତୀତ ଆଉ କିଛି ନାହିଁ, କାରଣ ‘ନାଗା’ର ଶାବ୍ଦିକ ଅର୍ଥ ‘ଶୂନ୍ୟ’। ତେବେ ନାଗା ସାଧୁଙ୍କ ପାଖରେ ୧୭ଟି ଅଳଙ୍କାର ରହିବା ନିହାତି ଜରୁରୀ । ଆସନ୍ତୁ ଜାଣିବା ଏହି ଅଳଙ୍କାର ବିଷୟରେ ।
ହିନ୍ଦୁ ଧର୍ମରେ ଥିବା ୧୬ଟି ଅଳଙ୍କାର ବିଷୟରେ ଅନେକ ଲୋକ ଜାଣନ୍ତି, ଯାହା ବିବାହିତ ମହିଳାଙ୍କ ପାଇଁ ଗୁରୁତ୍ୱପୂର୍ଣ୍ଣ । କିନ୍ତୁ ନାଗା ସାଧୁମାନେ ୧୬ ନୁହେଁ ବରଂ ୧୭ ପ୍ରକାରର ଅଳଙ୍କାରରେ ନିଜକୁ ସଜେଇଥାନ୍ତି ଏବଂ ଏହା ପରେ ହିଁ ସେମାନେ ପବିତ୍ର ନଦୀରେ ଗାଧୋଇଥାନ୍ତି । ଏଗୁଡ଼ିକ ହେଉଛି ନାଗା ସାଧୁଙ୍କ ୧୭ଟି ଅଳଙ୍କାର।
ଭଭୂତ, ଲଙ୍ଗୋଟ, ଚନ୍ଦନ, ରୂପା କିମ୍ବା ଲୁହା ଗୋଡ଼ ବ୍ରେସଲେଟ୍, ପଞ୍ଚକେଶ, ରୋଲିର ଲେପ, ମୁଦି, ଫୁଲର ମାଳା, ହାତରେ ଚିମଟା, ଡମରୁ, କମଣ୍ଡଳ, ଜଟା, ତିଳକ, କାଜଲ, ହାତରେ ଚୁଡ଼ି, ବିଭୂତି, ରୁଦ୍ରାକ୍ଷ । ନାଗା ସାଧୁମାନଙ୍କ ଜୀବନରେ ଏହି ୧୭ ପ୍ରକାରର ଅଳଙ୍କାରର ବିଶେଷ ମହତ୍ତ୍ୱ ରହିଛି ଏବଂ ଏହି ୧୭ଟି ଅଳଙ୍କାର ପ୍ରୟୋଗ କରିବା ପରେ ହିଁ ନାଗା ସାଧୁମାନେ ପବିତ୍ର ନଦୀରେ ସ୍ନାନ କରିଥାନ୍ତି । ମହାକୁମ୍ଭ ସମୟରେ ନାଗା ସାଧୁମାନେ ମଧ୍ୟ ରାଜସ୍ନାନ ପୂର୍ବରୁ ନିଜକୁ ସଜ୍ଜିତ କରିଥାନ୍ତି।
