ଆସନ୍ତା ଫେବ୍ରୁଆରି ୧୩ତାରିଖରୁ ଆରମ୍ଭ ହେବାକୁ ଥିବା ସପ୍ତଦଶ ବିଧାନସଭାର ତୃତୀୟ ଅଧିବେଶନକୁ ଦୃଷ୍ଟିରେ ରଖି ଟ୍ୱିନ୍ ସିଟି କମିସନରେଟ୍ ପୁଲିସ ଭୁବନେରରେ ବିଭିନ୍ନ ଟ୍ରାଫିକ୍ କଟକଣା ଜାରି କରିବ।
୧୩.୦୨.୨୦୨୫ରୁ ୦୫.୦୪.୨୦୨୫ ପର୍ଯ୍ୟନ୍ତ ୨ଟି ପର୍ଯ୍ୟାୟରେ ଅନୁଷ୍ଠିତ ହେବାକୁ ଥିବା ସପ୍ତଦଶ ବିଧାନସଭାର ତୃତୀୟ ଅଧିବେଶନକୁ ଦୃଷ୍ଟିରେ ରଖି ଟ୍ୱିନ୍ ସିଟି କମିସନରେଟ୍ ପୁଲିସ ଭୁବନେଶ୍ୱରରେ ବିଭିନ୍ନ ଟ୍ରାଫିକ୍ କଟକଣା ଲାଗୁ କରିବ।
ବିଧାନସଭା ଅଧିବେଶନ ଚାଲିଥିବା ସମସ୍ତ ଦିନ ନିମ୍ନଲିଖିତ ଟ୍ରାଫିକ୍ କଟକଣା ବଳବତ୍ତର ରହିବ।
ହାଉସିଂ ବୋର୍ଡ ଛକରୁ ଆସୁଥିବା ଗାଡ଼ିଗୁଡ଼ିକ କେଶରୀ ଟକିଜ୍ ଛକରୁ ବାମ ମୋଡ଼ ନେଇ ଡାଇଭର୍ସନ୍ ନେବେ।
ଏଜି ଛକରୁ ପିଏମଜି ଅଭିମୁଖେ ଆସୁଥିବା ଗାଡ଼ିଗୁଡ଼ିକ ଜୟଦେବ ଭବନରୁ ଡାହାଣ ଆଡ଼କୁ ମୁହାଁଇ ଇନ୍ଦିରା ଗାନ୍ଧୀ ପାର୍କ ରାସ୍ତାରେ ଅଭିମୁଖେ ଯାତ୍ରା କରିବେ।
ମାଷ୍ଟରକ୍ୟାଣ୍ଟିନ୍ ପାର୍ଶ୍ୱରୁ ପି.ଏମ୍.ଜି ଆଡ଼କୁ ଆସୁଥିବା ସମସ୍ତ ଯାନବାହନକୁ ଲୋୟର ପିଏମ୍ ଜିରେ ସଂଲଗ୍ନ ଲେନ୍ ନିକଟରେ ଡାଇଭର୍ଟ କରାଯିବ।
୧୨୦ ପଦାତିକ ବାଟାଲିୟନ ଛକରୁ ଆସୁଥିବା ଗାଡ଼ିଗୁଡ଼ିକ ରବୀନ୍ଦ୍ର ମଣ୍ଡପ ଅଭିମୁଖେ ଯାଇପାରିବେ ନାହିଁ। ସେମାନଙ୍କୁ ପାୱାର ହାଉସ୍ ଛକ ଆଡ଼କୁ ସ୍ଥାନାନ୍ତର କରାଯିବ।
ରାଜଭବନ ଛକରୁ ବିଧାୟକ କଲୋନୀ ଓ ରବୀନ୍ଦ୍ର ମଣ୍ଡପ ଅଭିମୁଖେ ଆସୁଥିବା ଗାଡ଼ିଗୁଡ଼ିକୁ ଶାସ୍ତ୍ରୀନଗର ଛକ ଆଡ଼କୁ ଡାଇଭର୍ଟ କରାଯିବ।ଜରୁରୀକାଳୀନ ଯାନ (ପୋଲିସ, ଅଗ୍ନିଶମ ଓ ଆମ୍ବୁଲାନ୍ସ) ଏବଂ ଏହି ଅଞ୍ଚଳରେ ଥିବା ରାଜ୍ୟ ବିଧାନସଭା, ରାଜ୍ୟ ସଚିବାଳୟ ଏବଂ ଅନ୍ୟାନ୍ୟ କାର୍ଯ୍ୟାଳୟ ସମେତ ସରକାରୀ କୋଠାରେ ପ୍ରବେଶ କରିବାକୁ ଅନୁମତି ପ୍ରାପ୍ତ ଗାଡିଗୁଡିକ ପାଇଁ ଏହି କଟକଣା ଲାଗୁ ହେବ ନାହିଁ ।
Also readhttps://purvapaksa.com/bjd-aap-and-regional-parties/
