କନ୍ଧମାଳ ଜିଲ୍ଲା ମାଣ୍ଡିପଙ୍କା ଗ୍ରାମରେ ଆମ୍ବ କୋଇଲି ଜାଉ ଖାଇ ୨ ଜଣ ମହିଳାଙ୍କ ମୃତ୍ୟୁ ହେବା ରେ ରାଜ୍ୟ ସରକାର ଓ ଜିଲ୍ଲା ପ୍ରଶାସନର ନିଦ ଭାଙ୍ଗିଛି । ମାଣ୍ଡିପଙ୍କାରେ ସାଧାରଣ ବଣ୍ଟନ ବ୍ୟବସ୍ଥା (ପିଡିଏସ୍) ସବ୍ ସେଣ୍ଟର ଖୋଲାଯାଇଛି, ଯାହାଫଳରେ ସ୍ଥାନୀୟ ଲୋକଙ୍କ ପାଇଁ ରାସନ ଯୋଗାଣ ସହଜରେ ଉପଲବ୍ଧ ହେବ । ପିଡିଏସ୍ ଚାଉଳ ସଂଗ୍ରହ ପାଇଁ ବ୍ରାହ୍ମଣୀଗାଁ ଲ୍ୟାମ୍ପ୍ସରେ ପହଞ୍ଚିବା ପାଇଁ ବାସିନ୍ଦାଙ୍କୁ ୯ରୁ ୧୦ କିଲୋମିଟର ଚାଲିବାକୁ ପଡ଼ିବ ନାହିଁ । ଏହି ଅଘଟଣ ପରେ ଗ୍ରାମବାସୀଙ୍କୁ ଦୀର୍ଘଦିନ ଧରି ପ୍ରଭାବିତ କରୁଥିବା ସମସ୍ୟାର ସମାଧାନ ପାଇଁ ସ୍ଥାନୀୟ ପ୍ରଶାସନ ପଦକ୍ଷେ ନେବା ଆରମ୍ଭ କରିଛି । ଆଦିବାସୀ ଅଧ୍ୟୁଷିତ ଜିଲ୍ଲାର ଏହି ଦୁର୍ଗମ ଅଞ୍ଚଳରେ ଜୀବନଧାରଣର ମାନରେ ଉନ୍ନତି ଆଣିବା ପାଇଁ ଅନେକ ଉନ୍ନୟନମୂଳକ ପ୍ରୟାସ ଆରମ୍ଭ ହୋଇଛି ।
ଗାଁ ମଝିରେ ଏକ ପିଡିଏସ୍ ସବ୍ ସେଣ୍ଟର ଖୋଲାଯାଇଛି, ଯାହାଦ୍ୱାରା ରାସନ କାର୍ଡଧାରୀଙ୍କୁ ବ୍ରାହ୍ମଣୀଗାଁ ଯାଇ ଚାଉଳ କୋଟା ପାଇବା ପାଇଁ ଟଙ୍କା ଖର୍ଚ୍ଚ କରିବାକୁ ପଡ଼ିବ ନାହିଁ । ଆଉ ୪-୫ଟି ଗାଁକୁ ଏହି ସବ୍ ସେଣ୍ଟରରେ ଟ୍ୟାଗ୍ କରାଯିବ । ଯୋଗାଣକୁ ଅଧିକ ସୁଗମ କରିବା ପାଇଁ ଜିଲ୍ଲାରେ ଏଭଳି ୪୦ଟି ଉପକେନ୍ଦ୍ର ପ୍ରତିଷ୍ଠା କରିବାକୁ ଯୋଜନା କରାଯାଇଛି ବୋଲି ଋତୁରାଜ କହିଛନ୍ତି ।
ଏହି କେନ୍ଦ୍ର ଖାଦ୍ୟ ଅସୁରକ୍ଷିତତାକୁ ଦୂର କରିବ ଏବଂ ଚାଉଳ ଏବଂ ଗହମ ଭଳି ଖାଦ୍ୟ ସାମଗ୍ରୀଗୁଡ଼ିକୁ ନିରନ୍ତର ଉପଲବ୍ଧ କରାଇବା ସୁନିଶ୍ଚିତ କରିବ ଏବଂ ସମ୍ଭାବ୍ୟ କ୍ଷତିକାରକ ବିକଳ୍ପ ଆଡ଼କୁ ଯିବାର ଆବଶ୍ୟକତା ହ୍ରାସ କରିବ ବୋଲି ଆଶା କରାଯାଉଛି । ସମନ୍ୱିତ ଆଦିବାସୀ ଉନ୍ନୟନ ସଂସ୍ଥା (ଆଇଟିଡିଏ) ଅଧୀନରେ ଗ୍ରାମବାସୀଙ୍କ ପାଇଁ ଜୀବିକା ସୁଯୋଗ ସୃଷ୍ଟି କରିବା ଉଦେ୍ଦଶ୍ୟରେ କର୍ତ୍ତୃପକ୍ଷ ଏକ ‘ଜୀବିକା’ କ୍ଲଷ୍ଟର ମଧ୍ୟ ଗଠନ କରିଛନ୍ତି ।
ଗ୍ରାମର ଏକ ସୂତ୍ରରୁ ସଂଗ୍ରହ କରାଯାଇଥିବା ପ।ନୀୟ ଜଳ ନମୁନାରେ ମଳ ପ୍ରଦୂଷଣ ହୋଇଥିବା ପରୀକ୍ଷାଗାର ପରୀକ୍ଷାରୁ ଜଣାପଡ଼ିବା ପରେ ସୁରକ୍ଷିତ ଓ ବିଶୁଦ୍ଧ ପାନୀୟ ଜଳ ଯୋଗାଇବା ପାଇଁ ଏକ ନଳକୂ ଖୋଳାଯାଇଛି ।
ିଏମଏୱାଇ (ଗ୍ରାମୀଣ) ଅଧୀନରେ ଘର ଆବଣ୍ଟନ ହୋଇନଥିବା ଗ୍ରାମବାସୀଙ୍କୁ ପରବର୍ତ୍ତୀ ପର୍ଯ୍ୟାୟରେ ସେମାନଙ୍କ ଆବଶ୍ୟକତାକୁ ପ୍ରାଥମିକତା ଦେବାକୁ ସେମାନେ ପ୍ରତିଶ୍ରୁତି ଦେଇଛନ୍ତି । କନ୍ଧମାଳ ଜିଲ୍ଲାପାଳ ଅମୃତ ଋତୁରାଜ କହିଛନ୍ତି, ଗାଁରେ ୩ଟି ୱାର୍ଡ ରହିଛି । ଯେଉଁ ୱାର୍ଡରେ ମହିଳାଙ୍କ ମୃତ୍ୟୁ ହୋଇଥିଲା ସେଠାରେ ସୌର ଚାଳିତ ନଳକୂ ନିର୍ମାଣ କରାଯାଇଛି । ଖୁବଶୀଘ୍ର ଏହି କୂଅ କାର୍ଯ୍ୟକ୍ଷମ ହେବ ।
ଇଚ୍ଛୁକ ସ୍ଥାନୀୟ ବାସିନ୍ଦାଙ୍କୁ ଜୀବିକା ମାଧ୍ୟମରେ କାମ ଯୋଗାଇ ଦିଆଯିବ, ଯାହା ଆଇଟିଡିଏ ଅଧୀନରେ ଜମି ଏବଂ ଅଣଜମି ଭିତ୍ତିକ ଜୀବିକା କାର୍ଯ୍ୟ ମାଧ୍ୟମରେ ଅନୁସୂଚିତ ଜନଜାତି ପରିବାରର ସ୍ଥାୟୀ ଜୀବିକା ସୁନିଶ୍ଚିତ କରିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି । ମହିଳାଙ୍କ ଆୟ ବଢ଼ାଇବା ପାଇଁ ସ୍ୱୟଂ ସହାୟକ ଗୋଷ୍ଠୀଗୁଡ଼ିକୁ ବିନା ସୁଧରେ ଋଣ ଯୋଗାଇ ଦିଆଯିବ ।
ଗତ ଅକ୍ଟୋବର ୩୧ ତାରିଖରେ ରମିତା ପଟାମାଝୀ (୨୮) ଓ ରୁନୁ ମାଝୀ (୩୦)ଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ୬ ଜଣଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ରାଜ୍ୟ ସରକାର ଏହି ଘଟଣାର ଆରଡିସି ତଦନ୍ତ ନିର୍ଦ୍ଦେଶ ଦେଇଛନ୍ତି ।
Previous Article :https://purvapaksa.com/supreme-court-denies-anticipatory-bail-to-jayanarayan-mishra/
