Dry Shampoo: ଶୀତଦିନେ ନିଜ ଶରୀରର ତଥା ନିଜ କେଶର ଯତ୍ନ ନେବା ଆବଶ୍ୟକ ।
ଏଥିପାଇଁ ଗାଧୋଇବା ମଧ୍ୟ ସେତେ ଆବଶ୍ୟକ । ହେଲେ ଶୀତଦିନେ କେଶ ଧୋଇବା ପାଇଁ ବହୁତ କଷ୍ଟ ଅନୁଭବ ହୋଇଥାଏ । ଏତେ ସମୟ ପାଣିରେ ଗାଧୋଇବାକୁ ଭଲ ଲାଗି ନଥାଏ । ହେଲେ ଆପଣ ଜାଣନ୍ତି କି ବିନା ପାଣିରେ ବି କେଶକୁ ସତେଜ ଏବଂ ପରିଷ୍କାର ରଖାଯାଇପାରିବ?
ଏମିତି କିଛି ସହଜ ଏବଂ ପ୍ରଭାବଶାଳୀ ଟିପ୍ସ ରହିଛି ଯାହା ମାଧ୍ୟମରେ, ଆପଣ କେବଳ ଶୀତଦିନେ ନିଜ ଚୁଟିକୁ ସତେଜ ରଖିପାରିବେ ନାହିଁ, ବରଂ ଏହା ଚୁଟି ବଢିବାରେ ମଧ୍ୟ ସାହାଯ୍ୟ କରିବ। ସାଧାରଣତଃ, ସଫା ଚୁଟିରେ ରୂପି ଭଳି ସମସ୍ୟା ରୁହେ ନାହିଁ ଏବଂ ଖପୁରୀ ମଧ୍ୟ ସଫା ରହିଥାଏ, ଯାହା କେଶ ପାଇଁ ଅତ୍ୟନ୍ତ ଲାଭଦାୟକ।
କର୍ନ ଷ୍ଟାର୍ଚ ବ୍ୟବହାର:
ଆପଣ କର୍ନ ଷ୍ଟାର୍ଚ ସାହାଯ୍ୟରେ ଚୁଟି ସଫା କରିପାରିବେ। ଏହା ଚୁଟିରୁ ଅତିରିକ୍ତ ତେଲ ଶୋଷି ନେଇଥାଏ ଏବଂ ଚିକ୍କଣପଣ ଦୂର କରିଥାଏ। କେବଳ ଚୁଟିର ମୂଳରେ କିଛି କର୍ନ ଷ୍ଟାର୍ଚ ଲଗାନ୍ତୁ ଏବଂ ଧୀରେ ଧୀରେ ମାଲିସ୍ କରନ୍ତୁ ଏବଂ ୨ ମିନିଟ୍ ପରେ ଚୁଟିକୁ ପାନିଆଁରେ କୁଣ୍ଡାନ୍ତୁ। ଏହି ପଦ୍ଧତିରେ ଆପଣଙ୍କ ଚୁଟିକୁ ସଫା କରିପାରିବେ ।
ବେବୀ ପାଉଡ଼ର ବ୍ୟବହାର:
ଚୁଟିକୁ ସଫା ରଖିବା ପାଇଁ ବେବୀ ପାଉଡ଼ର ମଧ୍ୟ ବ୍ୟବହାର କରାଯାଇପାରେ। ଏହା ଚୁଟିରୁ ଅତ୍ୟଧିକ ତେଲକୁ ଶୋଷିନିଏ ଏବଂ ଏହାକୁ କ୍ଲିନ୍ କରିଥାଏ। ଏହାକୁ ଚୁଟିର ମୂଳରେ ଲଗାନ୍ତୁ ଏବଂ ଏହାକୁ ହାଲୁକା ଭାବରେ ମାଲିସ୍ କରନ୍ତୁ, ତା’ପରେ ପାନିଆରେ କୁଣ୍ଡାଇ ଚୁଟିକୁ ଅଲଗା କରନ୍ତୁ। ଯଦି ଆପଣ ଚାହାଁନ୍ତି, ଆପଣ ଏଥିରେ କୋକୋ ପାଉଡ଼ର ମଧ୍ୟ ମିଶାଇ ପାରିବେ। ଏହା ଚୁଟିକୁ ନରମ ଏବଂ ସୁଗନ୍ଧିତ କରିବ।
ଡ୍ରାଇ ସାମ୍ପୁ ବ୍ୟବହାର:
ଶୀତଦିନେ ଚୁଟିକୁ ସତେଜ କରିବା ପାଇଁ ଡ୍ରାଇ ସାମ୍ପୁ ଏକ ଭଲ ଉପାୟ। ଏହା ଚୁଟିର ମୂଲରେ ଜମା ହୋଇଥିବା ଅତିରିକ୍ତ ତେଲ ଏବଂ ମଇଳାକୁ ବାହାର କରିଥାଏ ଏବଂ ଚୁଟିକୁ ନରମ ଏବଂ ସତେଜ କରିଥାଏ। ଚୁଟିର ମୂଳରେ ଟିକିଏ ଡ୍ରାଇ ସାମ୍ପୁ ଲଗାନ୍ତୁ ଏବଂ ଭଲ ଭାବରେ ମସାଜ୍ କରନ୍ତୁ।
ALSO READ: https://purvapaksa.com/why-women-feel-more-cold/
